साप्ताहिक राशिभविष्य 4 मार्च ते 10 मार्च : या राशींना नशिबाची साथ, व्यापार-उद्योगात प्रगती ! पाहा राशिभविष्य

By tejpolicetimes Last updated Mar 4, 2024

मेष – मोठ्या आव्हानांना तोंड द्यावे लागेल

मेष राशीच्या लोकांना या आठवड्याच्या सुरुवातीला त्यांच्या वैयक्तिक जीवनात आणि व्यवसायात काही महत्त्वाचे निर्णय घ्यावे लागू शकतात. तुमच्यासमोर काही मोठी आव्हानं उभी राहतील, याचा तुम्हाला अत्यंत हुशारीने आणि शुभचिंतकांचा सल्ला घेऊन सामना करावा लागेल. या काळात विद्यार्थ्यांचे मन अभ्यासावरून भटकू शकते. कुटुंबातील एखाद्या ज्येष्ठ सदस्याच्या प्रकृतीमुळे मनात चिंता सतावेल. जर तुम्ही व्यापारात असाल तर या आठवड्यात तुम्हाला मंदीचा सामना करावा लागू शकतो, पण आठवड्याच्या अखेरीस व्यापराची गाडी रुळावर येईल. तुम्ही विचार केलेली कामे वेळेत पूर्ण होतील, कार्यालयात वरिष्ठ आणि कनिष्ठ सहकाऱ्यांची मदत मिळेल. एकूण तुम्हाला नशिबाची पूर्ण साथ मिळेल. या काळात केलेले कष्ट आणि प्रयत्न यांचे पूर्ण फळ मिळेल. आर्थिकदृष्टीने वेळ शुभ आहे. बाजारात अडकलेले पैसे किंवा एखाद्याला दिलेली उधारी अप्रत्यक्षरीत्या परत येतील. वैयक्तिक जीवनात जोडीदाराचे पूर्ण सहकार्य लाभेल. या काळात तुमचे वैवाहिक जीवन सुखाचे जाईल. प्रेमसंबंध मजबुत होतील. जोडीदाराशी जवळीक वाढेल. जे सिंगल आहेत, त्यांच्या जीवनात कोणाचे तरी आगमन होईल.

वृषभ – घाईगडबड टाळा

या आठवड्याच्या सुरुवातीला तुम्ही पैशाचे नियोजन करण्यात यशस्वी झाला तर अपेक्षित यश मिळू शकेल. प्रयत्न केला तर तुमच्या बुद्धीने तुम्ही जीवनातील सर्व समस्यांवर उपाय शोधण्यात यशस्वी व्हाल. आर्थिक विषयात तुम्हाला फार विचारपूर्वक निर्णय घ्यावा लागणार आहे. या काळात कोणतीही घाईगडबड करू नका, तसेच वाहन चालवताना सावध राहावे, अपघाताची शक्यता आहे. कुटुंबातील एखाद्या सदस्यासोबत वाद सुरू असेल तर या आठवड्यात गैरसमज दूर होतील. या काळात तुम्ही भावाबहिणींसोबत मिळून काम करण्याचा प्रयत्न करा. करिअर आणि व्यापारात नवीन नियोजन करू शकता. जे लोक बऱ्याच दिवसांपासून बेरोजगार आहेत, त्यांना आवडीचे काम मिळेल. व्यावसायानिमित्त प्रवास होईल. प्रवास सुखद राहील आणि नवे संपर्क प्रस्थापित होतील. प्रेमसंबंध मजबुत होतील. तुम्हाला तुमच्या जोडीदासोबत आनंदाचे क्षण व्यतित करण्याची संधी मिळेल. वैवाहिक जीवन सुखमय राहील.

मिथुन – नोकरीत मोठी जबाबदारी मिळेल

या आठवड्याच्या सुरुवातीला प्रकृतीसंबंधीत काही बाबी सोडल्या तर आठवड्याची सुरुवात सौभाग्य घेऊन येत आहे. करिअर आणि व्यवसायात प्रगती करण्याच्या अनेक संधी तुम्हाला मिळू शकतात. लांबचा किंवा जवळचा प्रवास होऊ शकतो. या काळात तुमचे प्रभावी लोकांशी तुमचे संबंध बनतील, आणि त्यांच्या मदतीने तुम्हाला प्रगतीची संधी मिळेल. घरी तुम्हाला आईवडिला, भाऊबहीण यांचे पूर्ण सहकार्य मिळेल. गृहिणींचा बहुतेक वेळ धार्मिक कार्यात जाईल. तर नोकरदार महिलांचा कार्यस्थळी आणि कुटुंबात सन्मान वाढेल. उच्च शिक्षणाच्या दिशेने प्रयत्न करत असलेल्यांच्या मार्गातील अडथळे दूर होतील. नोकरदार व्यक्तींना कामाच्या ठिकाणी एखादी मोठी जबाबदारी मिळू शकते. या आठवड्यात व्यापार विस्ताराच्या काही संधी मिळतील. एखाद्या कोर्ट केसमधील निर्णय तुमच्या बाजूने येईल. जोडीदारासोबत नाते मधुर राहील. वैवाहिक जीवन सुखमय राहील. तुम्हाला नातेवाईकांचे पूर्ण सहकार्य आणि समर्थन मिळेल. प्रकृतीच्या संबंधित समस्यांकडे दुलर्क्ष करू नका.

कर्क – तीर्थयात्रेचे योग

कर्क राशीची सगळी कामे वेळेत पूर्ण होतील. त्यामुळे तुमच्यात एक वेगळाच उत्साह संचारेल आणि तुमच्यातील ऊर्जा टिकून राहील. एकादी आनंदाची वार्ता आल्याने तुमचे मन प्रसन्न होईल. प्रॉपर्टी खरेदी अथवा विक्रीचे स्वप्न पूर्ण होईल. या व्यवहारात तुम्हाला फार चांगला नफा होईल. वडिलार्जित संपत्ती मिळण्याचीही शक्यता आहे. तुम्हाला आईवडिलांचे विशेष प्रेम आणि मदत मिळेल. व्यापारात अपेक्षेपेक्षा अधिक लाभ होईल. व्यापाराशी संबंधित एखादा मोठा व्यवहार पूर्ण होईल, ज्याचा तुम्हाला भविष्यात फायदा होईल. परदेशातील संबंधित व्यापारांत वेळ अनुकूल राहील. नोकरदार व्यक्तींना अतिरिक्त उत्पन्नाचे नवे स्रोत मिळतील. आठवड्याच्या मध्यास कुटुंबात काही धार्मिक कार्य संपन्न होतील. या काळात तीर्थयात्रेचे योग आहेत. भौतिक सुखसुविधांच्या वस्तूंत वाढ होईल. प्रेमसंबंधात जोडीदाराशी असलेले सगळे मतभेद दूर होतील.

सिंह – लोकप्रियता वाढेल

आज तुम्हाला करिअर आणि व्यापारासंबंधित एखादी मोठी संधी मिळू शकते. भाग्य आणि कर्म याच्या मदतीने तुम्हाला मनासारखे यश मिळू शकते. तुमचे जवळचे मित्र, शुभचिंतक यांच्या मदतीने तुमची स्वप्नं साकारण्यात तुम्ही यशस्वी व्हाल. जर तुमचे पैसे कोठे अडकले असतील तर जवळचा मित्र किंवा एखाद्या प्रभावशाली व्यक्तीच्या मदतीने ते परत मिळू शकतात. सत्ता आणि सरकारशी संबंधित लोकांसाठी ही वेळ फार शुभ आहे, त्यांना मोठी जबाबदारी मिळू शकते. वरिष्ठ तुमच्यावर मेहरबान असतील. समाजात तुमची विश्वासार्हता आणि लोकप्रियता वाढेल. आठवड्याच्या मध्यास तुमची धार्मिक कार्यात रुची वाढेल. या काळात भौतिकसुविधांशी संबंधित एखादी मोठी वस्तू खरेदी कराल. घरात एखाद्या बहुप्रतीक्षित वस्तूचे आगमन होईल, त्यामुळे आनंदाचे वातावरण राहील प्रेमसंबंध मजबुत होतील. प्रेमसंबंध मजबुत होतील. वैवाहिक जीवन सुखाचे राहील. जोडीदाराकडून सुख आणि सहकार्य मिळेल. प्रकृती सामान्य राहील.

कन्या – धार्मिक कार्यात सहभागाची संधी

जर या आठवड्याच्या सुरुवातीला तुम्हाला वेळ आणि तुमची ऊर्जा याचे नीट नियोजन करता आले तर तुम्हाला अपेक्षित यश मिळेल, अन्यथा तुम्हाला यासाठी थोडी वाट पाहावी लागू शकते. या आठवड्यात आळस करू नका. प्रकृतीच्या दृष्टीने ही वेळ प्रतिकूल म्हणावी लागेल. तुमची दिनचर्या आणि खाणेपिणे यावर लक्ष ठेवा, अन्यथा शारीरिक समस्यांना तोंड द्यावे लागू शकते. आठवड्याच्या मध्याला दिलासा मिळेल. कार्यालयात तुम्हाला वरिष्ठ आणि कनिष्ठ सहकाऱ्यांचे सहकार्य मिळेल. स्पर्धापरीक्षांची तयारी करत असलेल्या विद्याथ्यांना मनासारखे यश मिळेल. आठवड्याच्या अखेरीस काही धार्मिक आणि सामाजिक कामात सहभागी होण्याची संधी मिळेल. प्रेमसंबंधात दृढता येईल. एकमेकांबद्दल आकर्षण आणि जवळीक वाढेल. कठीण काळात लव्ह पार्टनर मदतील येईल. जोडीदारासोबतचे प्रेम टिकून राहील.

तूळ – उत्पन्नात निरंतर वाढ

या आठवड्याची सुरुवातीला नशिब तुम्हाला साथ देईल. करिअर आणि व्यवसायात येत असलेल्या अडचणी शुभचिंतकांच्या मदतीने दूर होतील. कार्यालयात योग्य प्लॅनिंग केले तर अपेक्षित यश मिळेल. तुम्ही जीवनात काही नवीन करू इच्छित असाल तर तुम्हाला तुमच्या जवळच्या मित्रांकडून पूर्ण सहकार्य मिळेल. व्यापारी दृष्टिकोनातून वेळ तुमच्यासाठी अनुकूल राहील. तुमच्या उत्पन्नात सातत्याने वाढ होत जाईल. नोकरदार व्यक्तींना अतिरिक्त उत्पन्नाचे साधन मिळेल. जर तुम्ही नोकरीत बदल करू इच्छित असाल तर तुम्हाला एखादी चांगली ऑफर मिळेल. संपत्ती खरेदी-विक्रीचे स्वप्न साकारेल. प्रेमसंबंधाच्या दृष्टीने वेळ पूर्ण अनुकूल आहे. जोडीदारासोबत नाते चांगले राहील आणि एकमेकांसोबत आनंदाचे क्षण घालवण्याच्या अनेक संधी मिळतील.

वृश्चिक : आरोग्याची पूर्ण काळजी घ्या

या आठवड्याची सुरुवात संमिश्र राहील. होत असलेल्या कामात अडचणी आल्याने मन उदास राहील. तुमच्या कामासाठी इतरांवर विसंबू नका, तसेच तुमच्या योजना पूर्ण होईपर्यंत याबद्दल कोणाला काही सांगू नका. कार्यस्थळी सावध राहा, कारण विरोधक सक्रिय राहतील. तुम्हाला तुमच्या आरोग्याची पूर्ण काळजी घ्यावी लागणार आहे. हंगामी आजाराच्या दृष्टीने विशेष सतर्क राहा. आठवड्याच्या मध्याला काही मोठे खर्च येऊ शकतात, त्यामुळे तुमचे बजेट कोलमडू शकते. या काळात करिअर आणि व्यवसायासंदर्भात कोणताही मोठा निर्णय भावनेच्या आहारी जाऊन घेऊ नका, अन्यथा नंतर यावर पश्चाताप करावा लागेल. व्यापाऱ्यांना व्यापारात काही अडचणींना तोंड द्यावे लागेल. स्पर्धापरीक्षांची तयारी करत असलेल्या विद्यार्थ्यांना अपेक्षित यश मिळण्यासाठी कठोर मेहनत करावी लागेल. आठवड्याच्या मध्याला भावाबहिणींत काही कारणांमुळे वाद होतील. प्रेमसंबंधात सावधतेने पावले टाका, आणि तुमच्या जोडीदाराच्या अडचणी समजून घेण्याचा प्रयत्न करा. अडचणीच्या वेळी तुमचा जीवनसाथी तुमच्या बाजूने उभा राहील.

धनू – आळस सोडल्याने यश

या आठवड्याच्या सुरुवातीला तुम्हाला तुमची वेळ आणि नातेसंबंध याची विशेष काळजी घ्यावी लागेल. आळस आणि आजचे काम उद्यावर ढकलणे हे जर तुम्ही टाळू शकला तर तुम्हाला अपेक्षेपेक्षाही जास्त यश मिळेल, अन्यथा तुमच्या हातून संधी हिरावली जाईल. या काळात तुम्ही घेत असलेले कष्ट आणि प्रयत्न याचे तुम्हाला पूर्ण फळ मिळेल. त्यामुळे तुमचा आत्मविश्वास आणि उत्साह वाढेल. सत्ता आणि सरकारशी संबंधित लोकांशी तुम्हाला मदत आणि आर्थिक लाभ मिळेल. जर तुम्ही परदेशात शिक्षण किंवा व्यापारासाठी प्रयत्न करत असाल तर तुम्हाच्या मार्गातील सर्व अडथळे दूर होतील. स्पर्धापरीक्षांची तयारी करत असणारे स्वतःच्या बळावर प्रगती करतील. पण अनावश्यक तणावापासून वाचण्यासाठी तुम्हा चिंता न करता चिंतन करावे लागेल. या आठवड्यात काही प्रिय लोक घरी येतील, त्यामुळे आनंदाचे वातावरण राहील. प्रेमसंबंधाच्या दृष्टिकोनातून हा वेळ अनुकूल राहील.

मकर – उच्चशिक्षणात अडथळे

या आठड्याच्या सुरुवातीला तुम्हाला फार विचार करून काम करावे लागणार आहे. तुमच्या पाठीमागे तुमचे नुकसान करू इच्छित असलेल्या लोकांपासून तुम्हाला अंतर ठेवावे लागणार आहे. कार्यालयात महत्त्वाच्या कामात दुर्लभ करू नका,अन्यथा वरिष्ठांच्या रोषाला सामोरे जावे लागेल. उच्चशिक्षणात सुरू असलेल्या प्रयत्नांत काही अडचणी येतील. आर्थिक विषयांत नियोजनबद्धरीत्या काम केल्याने लाभ होण्याची शक्यता आहे. जर तुम्ही भागीदारीत व्यवसाय करत असाल तर गोष्टी स्पष्ट ठेवूनचे पुढे जा. आठवड्याच्या मध्यास संपत्तीशी संबंधित एखाद्या विषय चिंतेचे कारण ठरेल. या काळात हंगामी आजार किंवा एखाद्या जुन्या आजारामुळे शारीरिक आणि मानसिक त्रासाचा सामना करावा लागू शकतो. व्यापाऱ्यांना लाभ होईल. उत्पन्नाच्या तुलनेत खर्च जास्त राहील, त्यामुळे बजेट बिघडून जाईल. प्रेमसंबंध बळकट होण्यासाठी तुम्हाला जोडीदाराशी प्रामाणिक राहावे लागेल आणि त्याच्या भावनांकडे दुलर्क्ष करून चालणार नाही.

कुंभ – मित्रांचे, शुभचिंतकांचे सहकार्य लाभेल

आठवड्याच्या सुरुवातीला तुम्हाला करिअर आणि व्यापारात प्रगती करण्याच्या फार चांगल्या संधी मिळतील. तुम्हाला तुमचे जवळचे मित्र आणि शुभचिंतक यांच्याकडून पूर्ण सहकार्य आणि समर्थन मिळेल. व्यावसायिक उद्देशाने तुम्हाला जवळचा किंवा एखादा दूरचा प्रवास करावा लागू शकतो. हा प्रवास सुखद आणि लाभदायक सिद्ध होईल. या काळात तुम्हाला तुमचा व्यापार विस्तरार करण्यासाठी मोठे प्रस्ताव मिळू शकतात. बाजारात तुमचा दबदबा वाढेल. जर तुम्ही रोजगाराची संधी शोधत असाल तर तुमची ही इच्छा पूर्ण होईल. आठवड्याच्या मध्यास धार्मिक किंवा सामाजिक कार्यात व्यस्त राहील. स्पर्धापरीक्षांची तयारी करत असलेल्या विद्यार्थ्यांना या आठवडा शुभ राहील. एखाद्या प्रभावशाली व्यक्तीच्या मदतीने एखादी मोठी समस्या मार्गी लागल्याने दिलासा मिळेल. कार्यालयात वरिष्ठांसोबतचे तुमचे संबंध चांगले राहतील. नोकरदार महिलांचा मानसन्मान वाढेल, त्यामुळे कार्यालय आणि घरातही त्यांचा सन्मान वाढेल. प्रेमसंबंधासाठी हा आठवडा शुभ आहे. जर कोणाप्रति तुम्ही प्रेम व्यक्त करू इच्छित असाल तर तुमची इच्छा पूर्ण होईल. आधीच प्रेमसंबंधात असलेल्यांचे नाते मजबूत होईल. वैवाहिक जीवन सुखमय राहील.

मीन – अनावश्यक खर्च होईल

मीन राशीसाठी आठवड्याच्या सुरुवातीलाच काही अनावश्यक खर्च करावा लागेल. संपत्तीच्या प्रश्नी तुम्हाला कोर्टकचेरीच्या चकरा माराव्या लागतील. तुमची प्रकृती तुमच्यासाठी चिंतेचे कारण बनले. जर तुम्हाला पूर्वी काही आजार झाले असतील तर हे आजार पुन्हा डोके वर काढतील. कार्यालय तसे व्यापारात अपेक्षित परिणाम मिळणार नाहीत, त्यामुळे मन उदास होईल. तुमच्या जीवनात काही अडचणी येतील पण या सगळ्या अडचणी तात्पुरत्या असतील. आठवड्याच्या अखेरीस तुमची विवेकबुद्धी आणि शुभचिंतकांच्या मदतीन तुम्हा या अडचणींवर नियंत्रण मिळवाल. जीवनातील अडचणी सोडवण्यासाठी तुमचा लव्ह पार्टनर किंवा जीवनसाथी फार मदतीला येईल. सासरचे लोक कठीण काळात तुमच्या पाठीशी राहातील. जर तुम्ही स्पर्धापरीक्षांची तयारी करत असाल तर तुम्हाला यात कोणताही हलगर्जीपणा करून चालणार नाही, कारण कठोर परिश्रमातूनच तुम्हाला मनासारखे यश मिळेल. जोडीदार आणि कुटुंबासोबत तीर्थयात्रेवर जाण्याचे योग आहेत. या काळात तुमचा जास्तीजास्त वेळ धार्मिक आणि सामाजिक कार्यात जाईल. आरोग्याच्या दृष्टीने तुम्हाला खाण्यापिण्यावर फार लक्ष द्यावे लागेल, तसेच हंगामी आजारापासून तुम्हाला सावध राहावे लागेल.

Source link