Tej Police Times
मुंबई: टीम ‘झी स्टुडिओज’ आणि ‘महेश मांजरेकर मूव्हीज निर्मित’, महेश मांजरेकर दिग्दर्शित ‘ही अनोखी गाठ’ हा चित्रपट एक मार्च रोजी प्रेक्षकांच्या भेटीला ‘पांघरूण’ या चित्रपटातलं ‘ही अनोखी गाठ’ हे गाणं प्रचंड गाजलं. त्यानंतर महेश मांजरेकर यांनी याच शीर्षकावर चित्रपट करायचं ठरलं. सिनेमानं चार दिवसांत चांगली कमाई केली आहे. तर सिनेमाची टीम वेगवेगळ्या ठिकाणी जावून प्रमोशन करताना दिसत आहे.
सिनेमानं प्रदर्शित झाल्यानंतर पहिल्या दिवशी ४० लाखांची कमाई केली. तक दुसऱ्या दिवशी ३० लाखांचा गल्ला जमवला. तर तिसऱ्या दिवशी सिनेमाची कमाई ही ३५ लाख होती. आतापर्यंत एकूण कमाई ही १ कोटी पाच लाख इतकी झाली आहे. बॉलिवूड सिनेमांचा परिणाम या सिनेमाच्या कमाईवर नक्कीच पाहायला मिळतोय.
या सिनेमात श्रेयस तळपदे, गौरी इंगवले, ऋषी सक्सेना, शरद पोंक्षे, सुहास जोशी यांच्या प्रमुख भूमिका आहेत.दरम्यान, दिलेल्या एका मुलाखतीत महेश मांजरेकर यांनी या सिनेमाचं नाव हे सुरुवातीला हे नव्हतं असं सांगितलं.
या डान्स रिअॅलिटी शोमध्ये स्पर्धक म्हणून सहभागी झाल्या होत्या जया किशोरी, ‘तो’ जुना फोटो व्हायरल
असं ठरलं सिनेमाचं नाव
हा चित्रपट जेव्हा करायचा ठरवला, तेव्हा एक वेगळं नाव ठरलं होतं. मात्र, ते तात्पुरतंच चित्रीकरणासाठी निश्चित केलं होतं. मनात दुसऱ्या शीर्षकाचा विचार सुरू होता. चित्रीकरण करताना कालांतरानं चित्रपटातली ‘लव्हस्टोरी’ नेहमीपेक्षा वेगळी असल्याचं सातत्यानं जाणवत होतं. दुसरीकडे ‘पांघरूण’ या चित्रपटातलं वैभव जोशी यानं लिहिलेलं ‘ही अनोखी गाठ’ हे गाणं मनात घर करून होतंच; त्यामुळं याचं कडव्यातून चित्रपटाचं नावं ठरलं, असं मांजरेकर सांगतात.
या चित्रपटाच्या निमित्तानं श्रेयससोबत प्रथमच काम करतोय. त्याचा अभिनय मी पाहिला आहे. तो अतिशय हुशार अभिनेता आहे. एक कलाकार म्हणून स्वतःला नेहमीच समृद्ध करण्याचा प्रयत्न करतो. प्रत्येक व्यक्तिरेखेला तो शंभर टक्के न्याय देतो. त्याच्यासोबत काम करण्याचा अनुभव कमाल होता. ‘ही अनोखी गाठ’च्या निमित्ताने गौरीला पुन्हा एकदा तिचं नृत्यकौशल्य सादर करण्याची संधी मिळाली आहे. याव्यतिरिक्त या चित्रपटात अनेक नावाजलेले कलाकार आहेत. खूप साधी, सरळ तरीही अनोखी अशी ही प्रेमकहाणी आहे. असंही मांजरेकर म्हणतात.