महाशिवरात्रीला अत्यंत दुर्मिळ योगायोग, उपवास सुरू करण्यासाठी उत्तम योग

महाशिवरात्री यावेळी शुक्रवारी ८ मार्चला आहे. प्रत्येक वर्षी माघ महिन्याच्या कृष्ण पक्षातील चतुदर्शी तिथीला महाशिवरात्री साजरी केली जाते. पौराणिक मान्यतांनुसार महाशिवरात्रीच्या तिथीच्या दिवशी भगवान शिव आणि जगत जननी माता पार्वती यांचा विवाह झाला होता. अध्यात्माच्या मार्गावर असलेल्या भक्तांसाठी हे व्रत फार महत्त्वाचा असते. यावेळी महाशिवरात्रीला त्रयोदशी वृद्धा चतुर्दशीच्या तिथीचा संयोग आहे. या वेळी त्रयोदशी तिथी किंवा प्रदोष व्रताची सुरुवात करणे फार शुभ मानले जाते. जर तुम्ही पहिल्यांदाच महाशिवरात्रीचे व्रत करत असाल तर हा संयोग अतिशय कल्याणकारी मानला जातो. या योगावर तुम्ही चतुर्दशीच्या उपवासाला प्रारंभ करू शकता, असे केल्याने भगवान शिवाची असीम कृपा तुम्हाला प्राप्त होईल आणि धनधान्य, सुख, समृद्धी यात वृद्धी होईल, असे म्हणतात. महाशिवरात्रीच्या दिवशी होत असलेल्या दुर्मिळ संयोगांची माहिती सविस्तर घेऊ आणि या शुभयोगावर महाशिवरात्रीचा व्रत करणे का कल्याणकारी आहे, ते जाणून घेऊया.

शिवयोग
महाशिवरात्रीला शिवयोगाचा शुभ संयोग होत आहे. जर तुम्ही प्रदोष तिथी किंवा चतुर्दशीच्या तिथीच्या व्रत सुर करू इच्छित असाल तर शिवयोग उत्तम फळ देईल. शिवयोगालाच तंत्र किंवा वामयोग असेही म्हटले जाते. शिव याचा अर्थ अनंत तर योग या शब्दाचा अर्थ जोडले जाणे, म्हणजे अनंताशी जोडल्या जाण्याला शिवयोग म्हणतात. म्हणून या योगावर प्रदोष तिथी किंवा चतुर्दशी तिथीच्या व्रताचा आरंभ केल्याने सर्व अडचणी दूर होतील आणि मोक्ष प्राप्ती होईल. त्यामुळे शिवकृपेसाठी हा योग उत्तम मानला जातो.

सर्वार्थ सिद्धी योग
महाशिवरात्रीच्या दिवशी या वेळी सर्वार्थ सिद्धी योगही बनत आहे. जर तुम्ही प्रदोष तिथी किंवा चतुर्दशीच्या तिथीच्या व्रताची सुरुवात करणार असाल तर सर्वार्थ सिद्धी योग तुम्हाला शुभफल देईल. मान्यता अशी आहे की या योगावर केलेले कोणतेही कार्य निश्चित रूपाने यश देते. या योगावर भगवान शिव आणि माता पार्वतीची पूजाअर्चना केल्याने त्यांची विशेष कृपा राहाते आणि सर्व कार्य सिद्ध होतात. त्यामुळे तुम्ही जर प्रदोष तिथी किंवा चर्तुदर्शीच्या तिथीचा व्रत सुर सुरुवात करणार असाल तर हा योग तुमच्या सर्व त्रासांचे हरण करेल. तसेच तुम्ही ज्या उद्देशाने व्रत ठेवत आहात, तो उद्देश सफल होईल.

सिद्ध योग
महाशिवरात्रीला या वेळी सिद्ध योगही बनत आहे, त्यामुळे या दिवसाचे महत्त्व शिवभक्तांसाठी आणखीच वाढले आहे. सिद्ध योगावर भगवान शिव आणि माता पार्वतीची पूजा केल्याने सर्व कार्य पूर्ण होतात आणि तुमच्या सर्व इच्छा आणि मनोकामना पूर्ण होतात. जर तुम्ही प्रदोष तिथी किंवा चतुर्दशीचे व्रत सुरू करू इच्छित असाल तर सिद्ध योग अत्यंत कल्याणकारी योग ठरणार आहे. या योगाच्या फलामुळे तुमची रखडलेली कामे मार्गी लागतील आणि योगावर केलेले कोणतेही शुभकार्य तुम्हाला शुभफल देईल.

श्रवण नक्षत्र
महाशिवरात्रीच्या दिवशी श्रवण नक्षत्राचा योग बनत आहे. या दिवसापासून जर प्रदोष तिथी किंवा चतुर्दशी तिथीच्या व्रताला सुरुवात करू इच्छित असा तर तुम्हाला श्रवण नक्षत्र शुभफल देईल. या नक्षत्राचा स्वामी स्वतः शनिदेव आहे आणि शनिदेवाचे गुरू महादेव आहेत. अशा स्थितीत तुम्हाला शनीच्या अशुभ प्रभावामुळे मुक्ती मिळेल आणि या नक्षत्रावर सुरू केलेले व्रत नेहमीच कल्याणकारी ठरते. दुसरा मुद्दा असा की श्रवण नक्षत्र भगवान महादेवाला अत्यंत प्रिय आहे.