‘ही’ सेटिंग आत्ताच बदला नाही तर WhatsApp कॉलवरून होऊ शकतं तुमचं लोकेशन ट्रॅक

व्हॉट्सअ‍ॅप भारतातील सार्वधिक वापरलं जाणारं इन्स्टंट मेसेजिंग अ‍ॅप आहे. एकेकाळी फक्त टेक्स्ट मेसेजिंगसाठी वापरलं जाणारं व्हॉट्सअ‍ॅप आता व्हिडीओ आणि ऑडिओ कॉलिंगसाठी सर्रास वापरलं जात आहे. परंतु त्यामुळे डिजिटल विश्वात युजर्सच्या प्रायव्हसीवर परिमाणात होत आहे. अशावेळी युजरची प्रायव्हसी कायम राखण्यासाठी व्हॉट्सअ‍ॅपचं नवीन IP Protect फीचर खूप उपयुक्त ठरतं. हे फीचर व्हॉट्सअ‍ॅप कॉल दरम्यान युजरचा आयपी अ‍ॅड्रेस हाइड करतं. त्यामुळे समोरील व्यक्ती युजरचं लोकेशन सहज ट्रॅक करू शकत नाही. चला जाणून घेऊया या फीचर बाबत सविस्तर.

WhatsApp सर्व्हरच्या माध्यमातून कनेक्ट होतो कॉल

साधारणतः व्हॉट्सअ‍ॅप कॉल दोन डिवाइसना थेट जोडतो, परंतु या फीचरमुळे कॉलचा मार्ग बदलला जातो आणि व्हॉट्सअ‍ॅप सर्व्हरच्या माध्यमातून पाठवला जातो. त्यामुळे एक अतिरिक्त सुरक्षा लेयर जोडली जाते. जर तुम्ही तुम्हाला तुमच्या ऑनलाइन प्रायव्हसीची काळजी घ्यायची असेल तर व्हॉट्सअ‍ॅपचं आयपी प्रोटेक्ट फीचर ऑन करावे. परंतु अनेकांना हे फीचर चालू करण्याची पद्धत माहिती नाही. जर तुम्हाला देखील हे फीचर इनेबल करण्याची पद्धत माहित नसेल तर काळजी नसावी. आज आम्ही तुम्हाला हे फीचर ऑन करण्याची प्रोसेस सांगणार आहोत.

WhatsApp वर आयपी प्रोटेक्ट फीचर इनेबल करण्याची पद्धत

• सर्वप्रथम आपल्या स्मार्टफोनमध्ये व्हॉट्सअ‍ॅप ओपन करा.
• त्यानंतर वर उजयव कोपर्यत तीन डॉट्सवर क्लिक करून मेन्यू ओपन करा.
• तिथे Settings सिलेक्ट करा.
• त्यानंतर Privacy सेक्शन मध्ये जा.
• खाली स्क्रोल करा आणि Advanced ऑप्शनवर क्लिक करा.
• त्यानंतर Protect IP address in calls ऑप्शन ऑन करा.
• हे फीचर ऑन करण्यासाठी त्याच्या बाजूला असलेला टॉगल ऑन करा.

हे फीचर इनेबल केल्यामुळे तुमचा आयपी अ‍ॅड्रेस कॉल दरम्यान दुसऱ्या व्यक्तीला दिसणार नाही, त्यामुळे तुमच्या लोकेशनची माहिती मिळणार नाही. परंतु यामुळे कॉल क्वॉलिटीवर प्रभाव पडू शकतो, कारण कॉल आता थेट डिवाइस दरम्यान नव्हे तर व्हॉट्सअ‍ॅप सर्व्हरच्या माध्यमातून कनेक्ट होईल.

व्हॉट्सअ‍ॅप आयपी प्रोटेक्ट फीचरचे फायदे

• कॉल दरम्यान तुमचा आयपी अ‍ॅड्रेस दिसत नाही त्यामुळे तुमची प्रायव्हसी वाढते.
• जर एखादी व्यक्ती तुमचं लोकेशन ट्रॅक करू पाहत असेल तर त्यांना ते शक्य होणार नाही. सहज लोकेशन ट्रॅक करता येणार नाही. हे फीचर तुमचं लोकेशन ट्रॅक करू देत नाही.
• हे फीचर युजरला जास्त सुरक्षा प्रदान करतं. व्हॉट्सअ‍ॅप सर्व्हरच्या माध्यमातून कॉल पाठवल्यामुळे हे फीचर युजरच्या कॉल वर एक अतिरिक्त सुरक्षा लेयर देतं.