Tej Police Times
Surya Rahu Yuti 2024 : सूर्य गोचर मीन राशीत १४ मार्चला होणार आहे. सूर्याने मीन राशीत प्रवेश केल्यानंतर १८ वर्षांनंतर प्रथमच राहू आणि सूर्य यांची युती होत आहे. राहू १८ वर्षांनंतर मीन राशीत पोहोचला आहे. ज्योतिष शास्त्रात सूर्य-राहू नैसर्गिक शत्रू मानले जातात. या दोघांचा स्वभाव एकमेकांच्या विपरित आहे. अशा स्थितीत सूर्य-राहू युती ५ राशींना अतिशय त्रासदायक ठरू शकते. त्यामुळे पुढील एक महिना या राशींच्या लोकांना फार सतर्क आणि सांभाळून राहावे लागणार आहे.
सूर्य-राहू युतीचा मेष राशीवर प्रभाव
मेश राशीच्या लोकांसाठी सूर्य गोचर तुमची आर्थिक स्थिती कमकुवत करू शकते. पुढील महिना तुमच्यासाठी खर्चाचा आणि अत्यंत व्यस्त ठरेल. तुम्ही या काळात अनावश्यक वादापासून दूर राहा. डोळ्यासंबंधित काही त्रास संभवतात. विशेष करून डाव्या डोळ्याशी संबंधित त्रास होऊ शकतात. एखादे प्रकरण कोर्टात असेल तर हा वाद बाहेरच सोडवणे योग्य ठरणार आहे. स्पर्धापरीक्षांची तयारी करणाऱ्यांना कठोर परिश्रम घ्यावे लागतील, तरच तुम्हाला चांगले गूण मिळतील.
सूर्य राहु युतीचा कर्क राशीवर प्रभाव
कर्क राशीच्या लोकांना सूर्य गोचरमुळे आकस्मिक अशी परिणामांचा समाना करावा लागणार आहे. तुमची होत असलेली कामे रखडतील, पण तुम्ही निराश होऊ नका. स्वतःला प्रोत्साहित करत राहा. तुम्हाला परदेश यात्राचे लाभ मिळेल. कुटुंबातील सदस्य आणि लहान भाऊ यांच्याशी मतभेद होतील. संयमाने काम करत राहा, असा तुम्हाला सल्ला राहील.
सूर्य राहू युतीचा कन्या राशीवर प्रभाव
कन्या राशीच्या लोकांना सूर्य गोचरच्या प्रभावामुळे फार चढउतारांचा सामना करावा लागणार आहे. कौटुंबिक वातावरणात फार मानसिक तणाव सोसावा लागेल. मानसिक अशांतीमुळे तुम्हाला जास्त त्रास होईल. एखाद्या विवादाबद्दल सुरू असलेल्या चर्चांना थोडा विलंब होऊ शकतो. पण तुम्ही घाबरू नका या परिस्थितीवर तुम्ही सहजतेने सामना करू शकता.
सूर्य राहू युतीचा धनू राशीवर प्रभाव
धनू राशीच्या लोकांना सूर्य गोचर मानसिक अशांतता देणार ठरेल. कौटुंबिक कलह आणि मानसिक अशांतीच्या कारणाने फार त्रास होईल. तुमचे आरोग्य या काळात नाजुक राहील. प्रकृतीच्या बाबतीत तुम्हाला फार सावध राहावे लागणार आहे. मित्र आणि नातेवाईक यांच्याकडून काही अप्रिय बातमी मिळण्याची शक्यता आहे. या काळात प्रवासात सावध राहावे लागणार आहे. कोर्टकचेरीतील विषय कोर्टाबाहेर सोडवणे योग्य राहील. वडिलार्जित संपत्तीसंबंधित विषय सुटू शकतील.
सूर्य राहू युतीचा कुंभ राशीवर प्रभाव
कुंभ राशीच्या लोकांसाठी सूर्य गोचर आरोग्याच्या बाबतीत तुमच्या बाजूने दिसत नाही. या काळात तुम्हाला प्रकृतीसंबंधित समस्यांचा एकामागून एक सामना करावा लागेल. तुम्हाला औषधांची रिऍक्शन येऊ शकते. घरात मतभेदाची स्थिती राहील. तुम्हाला कमी लेखण्याचा प्रयत्न होईल, त्यामुळे आजूबाजूच्या लोकांपासून सावध राहा. विद्यार्थ्यांनीही सांभाळून असले पाहिजे. तसेच तुम्हालाही अधिक सावध असण्याची गरज आहे.