पहिल्याच सेलमध्ये या स्मार्टफोनचा स्टॉक संपला! एक तासात ६० हजार फोन्सची विक्री

स्मार्टफोन ब्रँड Nothing च्या नवीन मॉडेल Nothing Phone 2a चा पहिला सेल भारतात मंगळवारी झाला. कंपनीचा दावा आहे की पहिल्या सेलमध्ये नवीन नथिंग स्‍मार्टफोनला जबरदस्त प्रतिसाद मिळाला आहे. नथ‍िंगनुसार, सर्वच चॅनेल्‍सवर झालेल्या सेल दरम्यान फक्त ६० मिनिटांत Phone 2a चे ६० हजार यूनिट्स विकले गेले आहेत. प्रचंड मागणी असल्यामुळे या फोनची विक्रमी वेळात विक्री झाली. हे आकडे कंपनीच्या दृष्टीने खूप चांगले आहेत कारण याआधी आलेल्या Nothing Phone 2 ला असं यश मिळालं नव्हतं.

Nothing Phone 2a ची किंमत

Nothing Phone 2a च्या बेस मॉडेलमध्ये ८जीबी रॅमसह १२८जीबी स्टोरेज मिळते, ज्याची किंमत २३,९९९ रुपये आहे. तर ८जीबी रॅम व २५६जीबी स्टोरेज मॉडेल २५,९९९ रुपये आणि १२जीबी रॅम व २५६जीबी स्टोरेज व्हेरिएंट २७,९९९ रुपयांमध्ये आला आहे. हा ब्लॅक आणि वाइट कलर ऑप्शनमध्ये खरेदी करता येईल. सेल Flipkart वर सुरु आहे.
हे देखील वाचा:पहिल्याच सेलमध्ये या स्मार्टफोनचा स्टॉक संपला! एक तासात ६० हजार फोन्सची विक्री

Nothing नं HDFC बँक क्रेडिट आणि डेबिट कार्डवर २,००० रुपयांची सूट देण्याची देखील घोषणा केली आहे. अर्थात त्यामुळे फोनच्या मॉडेलची इफेक्टिव्ह किंमत २१,९९९ रुपयांपासून सुरु होईल आणि टॉप-अँड व्हेरिएंटसाठी २५,९९९ रुपये मोजावे लागतील.

Nothing Phone 2a specifications

Nothing Phone 2a स्‍मार्टफोन Android १४ वर आधारित Nothing OS 2.5 वर चालतो. यात तीन वर्षाचे Android अपडेट आणि चार वर्षाचे सिक्योरिटी पॅच मिळणार आहे. फोनमध्ये ६.७ इंचाचा फुल-एचडी+ (१,०८०x२,४१२ पिक्सल) AMOLED डिस्प्ले आहे, ज्यात ३०हर्ट्झ ते १२० हर्ट्झ पर्यंतचा अडॅप्टिव रिफ्रेश रेट, ३९४पीपीआय पिक्सल डेंसिटी आणि कॉर्निंग गोरिल्ला ग्लास ५ सिक्योरिटीचा समावेश आहे. Phone 2a मध्ये ऑक्टा-कोर ४नॅनो मीटर मीडियाटेक डायमेन्सिटी ७२०० प्रो चिपसेट आहे, त्याचबरोबर १२जीबी पर्यंत रॅम देण्यात आला आहे.

Nothing Phone 2a मध्ये दोन ५० मेगापिक्सल सेन्सरसह ड्युअल-कॅमेरा सेटअप आहे. फ्रंटला १६ मेगापिक्सलचा सेल्फी शूटर देण्यात आला आहे. नथिंग फोन 2ए मध्ये २५६GB पर्यंत इनबिल्ट स्टोरेज आहे. कनेक्टिव्हिटी ऑप्शनमध्ये ५जी, ४जी एलटीई, वाय-फाय ६, वाय-फाय ६ डायरेक्ट, ब्लूटूथ ५.३, एनएफसी, जीपीएस, GLONASS, GALILEO, QZSS, ३६० डिग्री अँटीना आणि यूएसबी टाइप-सी पोर्टचा समावेश आहेत.

Phone 2a मध्ये ४५वॉट फास्ट चार्जिंग सपोर्टसह ५,०००एमएएचची ची बॅटरी देण्यात आली आहे. हा फोन १ च्या ४,५००एमएएच बॅटरी यूनिट आणि फोन २ च्या ४,७००एमएएचच्या बॅटरी यूनिट पेक्षा मोठा अपग्रेड आहे. हा बॅटरी यूनिट एकदा चार्ज केल्यावर सतत दोन दिवस टिकू शकतो असा दावा करण्यात आला आहे. फास्ट चार्जिंग टेक्नॉलॉजी फक्त २३ मिनिटांत बॅटरी शून्यावरून ५० टक्के आणि ५९ मिनिटांत १०० टक्क्यांपर्यंत चार्ज करतो. याचे वजन १९० ग्राम आहे.