अखरे ‘स्वातंत्र्यवीर सावरकर’ सिनेमानं पार केला बजेटचा आकडा, दोन आठवड्यात केली इतक्या कोटींची कमाई

मुंबई: दोन आठवड्यांपूर्वी प्रदर्शित झालेल्या स्वातंत्र्यवीर सावरकर या सिनेमानं आता बजेटचा आकडा पार केला आहे. दोन आठवड्यानंतर या सिनेमानं २० कोटींचा आकडा पार केलाय. सिनेमाच्या टीमकडून करण्यात आलेलं प्रमोशन पाहता सिनेमाला मोठी ओपनिंग मिळेल, असं वाटत होतं, मात्र तसं झालं नाही. त्यामुळं २० कोटींचा आकडा पार करण्यासाठी सिनेमाला दोन आठवड्यांचा कालावधी लागला.
भारतीय अभिनेत्रींच्या प्रेमात आकंठ बुडालेले ५ पाकिस्तानी क्रिकेटर; एकाने अर्ध्यावर मोडला संसार

अभिनेता रणदीप हुड्डा यानं सिनेमासाठी बरीच मेहनत घेतली आहे. ‘स्वातंत्र्यवीर सावरकर’ सिनेमाला पहिल्या आठवड्यात काहीसा कमी प्रतिसाद मिळाला होता. त्यानंतर सिनेमाच्या टीमनं जोरदार प्रमोशन सुरू केलं. त्यानंतर अनेक सेलिब्रिटींकडून प्रमोशन, वेगवेगळ्या ऑफर्स यामुळं सिनेमाला फायदा झाली आणि कमाई वाढल्याचं पाहायला मिळालं. दुसऱ्या आठवड्यात सिनेमानं सहा कोटींची कमाई केली होती.

रणदीप हुड्डाच्या सिनेमाचं बजेट किती?
या सिनेमाची निर्मिती झी स्टुडिओज, आनंद पंडित, संदीप सिंग, योगेश राहार यांनी केली आहे. रूपा पंडित, सॅम खान, अन्वर अली, पांचाली चक्रवर्ती हे या चित्रपटाचे सहनिर्माते आहेत. या सिनेमाचं बजेट हे २० कोटी आहे. तर या सिनेमाच्या निर्मितीसाठी रणदीपनं त्याच्या वडिलांची संपत्ती विकल्याचंही त्यानं सांगितलं.
दुसऱ्या आठवड्यातही बजेटच्या आकड्यांपासून दूर आहे ‘स्वातंत्र्यवीर सावरकर’ सिनेमा, एकूण कमाई किती?

एकूण कमाई किती?
२० कोटींच्या बजेटमध्ये निर्मिती झालेल्या या सिनेमानं आता २० कोटींच्या वर कमाई केली आहे. सिनेमानं आता तिसऱ्या आठवड्यात प्रवेश केला आहे. सिनेमानं आता पर्यंत २० कोटी ६१ लाखांची कमाई केली आहे.

रणदीप हुड्डाचं उत्तर
दरम्यान, या सिनेमाची घोषणा झाल्यापासून या सिनेमावर अनेकांनी टीका केली होती. लोकसभा निवडणुकीच्या तोंडावर हा सिनेमा प्रदर्शित करण्यात आल्यानं सिनेमावर प्रपोगंडा असल्याचं म्हणत विरोधकांनी टीका केली होती. यावर बोलताना रणदीप हुड्डा म्हणाला की,’या चित्रपटासाठी मला कोणीही मदत केलेली नाहीये. मी माझं घर विकून हा सिनेमा बनवला आहे. तुम्ही कोणत्या प्रपोगंडाबद्दल बोलत आहात? कोण स्वत:चं तीस किलो वजन कमी करुन प्रपोगंडा सिनेमासाठी एक-दीड वर्ष मेहनत करतं?