मोबाईल बँकींगचा वापर करत असाल तर चुकूनही करू नका ‘ही’ कामे, HDFC बँकेने दिली सूचना

मोबाईल बँकिंगच्या फायद्यांसोबत काही तोटे देखील आहे. ऑनलाइन बॅंकिंगमुळे सायबर गुन्हेगार विविध प्रकारे गग्राहकांची फसवणूक करत असतात. . एचडीएफसी बँकेने मोबाईल बँकिंगसाठी काही महत्त्वाच्या गोष्टी सांगितल्या आहेत, ज्याचे पालन करून तुम्ही फसवणूक टाळू शकता. मोबाईल बँकिंग पद्धतीला अतिशय कमी काळात लोकप्रियता लाभली आहे. आता तुम्ही तुमच्या स्मार्टफोनवरून बँकेचे काम सहज करू शकता. याचा अर्थ आता तुम्हाला बँकेत जाण्याची गरज नाही. तुम्ही तुमच्या फोनवरून तुम्हाला अकाऊंटमधील बॅलेंस तपासता येतो. तसेच तुम्ही पैसे ट्रान्सफर करू शकता आणि बिल भरू शकता. यामुळे तुमचा वेळ आणि पैसा दोन्ही वाचतो.

मोबाईल बँकिंगचा वापर करत असाल तर ही कामे चुकीनही करु नका, नाहीतर तुमचे बँक अकाऊंट रिकामे होईल

तुमचा पिन किंवा कोणतीही गोपनीय माहिती फोनवर किंवा इंटरनेटवर कोणाशीही शेअर करू नका. यामध्ये बँक कर्मचाऱ्यांचाही समावेश आहे.\

• बँक असल्याचा दावा करणाऱ्या ईमेल किंवा सोशल मीडिया लिंकवर क्लिक करू नका.
• पैसे पाठवण्यापूर्वी, तुम्ही ते योग्य व्यक्तीला पाठवत आहात की नाही हे नीट तपासा. पाठवलेले पैसे परत मिळणे अवघड आहे.
• क्रेडिट कार्डची माहिती, मोबाईल बँकिंग पासवर्ड आणि यूजर आयडी यांसारखी महत्त्वाची माहिती फोनवर ठेवू नका.
• तुम्ही तुमचा मोबाईल नंबर बदलता तेव्हा बँकेला कळवा जेणेकरून इतर कोणीही सावध होणार नाही
• तुमचा पिन कधीही कोणाला सांगू नका किंवा तो लिहून ठेवू नका. बँकेकडून प्राप्त झालेल्या पिन किंवा पासवर्डशी संबंधित ईमेल किंवा कागदपत्रे संभाळू नये.
• अनोळखी नंबरवरून येणाऱ्या रिंगटोन किंवा ईमेल अटॅचमेंटबद्दल सतर्क रहा.
• सार्वजनिक ठिकाणी ब्लूटूथ जपून वापरा. याद्वारे तुमची माहिती मिळवता येते
• अनअधिकृत वेबसाइटवरून काहीही डाउनलोड करू नका.
• तुमचा स्मार्टफोनची काळजी घ्यावी
• प्रायव्हेट माहिती एसएमएस/व्हॉट्सॲप किंवा इतर कोणत्याही प्रकारे शेअर करू नका.
• बँकिंग ॲपमध्ये लॉग इन करू नका किंवा सार्वजनिक किंवा असुरक्षित वाय-फाय वापरून व्यवहार करू नका.
• मोबाईल बँकिंग ॲप वापरत असताना, ॲप जबरदस्तीने बंद करू नका, उलट लॉगआउट करा आणि नंतर ॲप बंद करा.