Tej Police Times
ई-कॉमर्स प्लॅटफॉर्म फ्लिपकार्टने आपल्या ॲपवर बस बुकिंग सेवा सुरू केली आहे. बस बुकिंग सेवा सुरू करण्यासाठी कंपनीने अनेक राज्य परिवहन महामंडळे आणि खाजगी समूहांशी भागीदारी केली आहे. फ्लिपकार्ट आपल्या ॲपवर युजर्सना संपूर्ण भारतातील 25000+ मार्गांसाठी कनेक्टिव्हिटीसह निवडण्यासाठी 10 लाख बस सेवा ऑफर करेल. बस तिकिटांव्यतिरिक्त, ॲप फ्लिपकार्ट ट्रॅव्हल विभागात आधीच उपलब्ध असलेल्या फ्लाइट आणि हॉटेल बुकिंग सेवा देखील देते.
फ्लिपकार्ट बस बुकिंग कसे कराल ऍक्सेस
ॲपच्या ट्रॅव्हल सेक्शनमध्ये बस बुकिंग ही सेवा ॲपच्या अँड्रॉइड आणि आयफोन या दोन्ही व्हर्जनवर उपलब्ध आहे.
फ्लिपकार्ट बस बुकिंगचे फायदे आणि ऑफर
फ्लिपकार्ट ॲपद्वारे बस बुक केल्याने, तुम्हाला अनेक डील्स आणि ऑफर मिळतात ज्याद्वारे तुम्ही स्वस्तात आवश्यक सर्व्हिस बुक करू शकाल. बस बुक करताना तुमच्याकडून कोणतेही अतिरिक्त किंवा छुपे शुल्क आकारले जाणार नाही. यासोबतच तिकीट रद्द केल्यावर तुम्ही सहज रिफंड मिळवू शकता. 50 रुपयांपर्यंत सूट आणि 24×7 व्हॉइस हेल्पलाइन सेवा देखील उपलब्ध आहे.
फ्लिपकार्टचे 25% डिस्काउंट बस बुकिंग कूपन
लॉन्च ऑफरचा एक भाग म्हणून, Flipkart 15 एप्रिल रोजी केलेल्या बस बुकिंगसाठी सुपरकॉइन्सवर अतिरिक्त 5% सूट सोबतच ग्राहकांना 15% सूट देखील देत आहे. फ्लिपकार्ट एक लकी ड्रॉ स्पर्धा देखील चालवत आहे ज्याद्वारे ग्राहक 1 रुपयात बसचे तिकीट बुक करू शकतात. वाराणसी, अयोध्या, हरिद्वार आणि तिरुपती येथे प्रवास करण्याची योजना आखणाऱ्या ग्राहकांना कंपनी फ्लॅट 25% डिस्काउंट बस बुकिंग कूपन देखील देत आहे.