२५६जीबी मेमरी असलेल्या Realme च्या 5G Phone फोन वर मिळतोय ३ हजार रुपयांचा डिस्काउंट; जाणून घ्या ऑफर

By tejpolicetimes On Apr 12, 2024

रियलमीनं मार्च महिन्यात आपला नवीन नारजो सीरीज स्मार्टफोन realme Narzo 70 Pro 5G लाँच केला होता. लाँच नांतर महिनाभरातच कंपनीनं यावर ३,००० रुपयांच्या बँक डिस्काउंटची घोषणा केली आहे. म्हणजे आता हा फोन आणखी स्वस्तात खरेदी करता येईल. मोबाइल दोन स्टोरेज ऑप्शनमध्ये उपलब्ध झाला आहे ज्यात टॉप व्हेरिएंट २५६जीबी इंटरनल स्टोरेजसह आला आहे. चला, जाणून घेऊया ऑफर्स, स्पेसिफिकेशन्स आणि नवीन किंमतीची माहिती.

Realme Narzo 70 Pro 5G ची किंमत आणि ऑफर

Realme Narzo 70 Pro 5G डिवाइस दोन स्टोरेज ऑप्शनमध्ये बाजारात आला आहे. फोनच्या बेस मॉडेलमध्ये २,००० रुपये आणि टॉप मॉडेलवर ३,००० रुपयांचा बँक डिस्काउंट मिळत आहे. ऑफर नंतर मोबाइलच्या ८जीबी रॅम व १२८जीबी ऑप्शनची किंमत १७,९९९ रुपये झाली आहे तर टॉप मॉडेल ८जीबी रॅम व २५६ जीबी स्टोरेज १९,९९९ रुपयांमध्ये मिळेल.

नवीन डिस्काउंट ऑफरसह स्मार्टफोन घेण्यासाठी तुम्ही ई-कॉमर्स साइट अमेझॉन आणि कंपनीच्या वेबसाइटवर जाऊ शकता. लाँचच्या वेळी बेस व्हेरिएंट १९,९९९ आणि टॉप मॉडेल २१,९९९ रुपयांमध्ये आला होता. कलर ऑप्शन पाहता मोबाइल ग्लास ग्रीन आणि ग्लास गोल्ड सारखे दोन कलरमध्ये उपलब्ध आहे.

Realme Narzo 70 Pro 5G चे स्पेसिफिकेशन्स

Realme Narzo 70 Pro 5G मध्ये ६.७ इंचाचा एचडी प्लस अ‍ॅमोलेड डिस्प्ले देण्यात आला आहे जो २४०० x१०८० पिक्सल रिजॉल्यूशन, ३९४पीपीआय पिक्सल डेंसिटी, १२०हर्ट्झ रिफ्रेश रेट आणि २०००निट्स पर्यंत पीक ब्राइटनेस मिळते. मोबाइलमध्ये मीडियाटेक डायमेन्सिटी ७०५० चिपसेटचा वापर करण्यात आला आहे. जो ६ नॅनोमीटर प्रोसेसवर आधारित आहे त्यामुळे स्मूद एक्सपीरियंस मिळतो.

फोनमध्ये ८जीबी रॅम +२५६ जीबी पर्यंत इंटरनल स्टोरेज मिळत आहे. त्याचबरोबर ८जीबी व्हर्च्युअल रॅमचा सपोर्ट देखील आहे. Realme Narzo 70 Pro 5G फोनमध्ये ५०००एमएएचची बॅटरी देण्यात आली आहे. ही चार्ज करण्यासाठी ६७वॉट सुपरवूक चार्जिंगचा सपोर्ट मिळतो.

स्मार्टफोनमध्ये ट्रिपल रियर कॅमेरा सेटअप आहे. ज्यात ५० मेगापिक्सलचा सोनी आयएमएक्स ८९० मेन लेन्स ऑप्टिकल इमेज स्टॅबिलायजेशनसह देण्यात आली आहे. या लेन्ससह ८मेगापिक्सलचा अल्ट्रा वाइड आणि २ मेगापिक्सलचा आणखी एक सेन्सर आहे. तसेच, सेल्फीसाठी १६ मेगागापिक्सलचा कॅमेरा आहे.

Realme Narzo 70 Pro 5G मध्ये एयर जेस्चर आणि रेनवॉटर टच फीचर, ड्युअल सिम ५जी, वायफाय, ब्लूटूथ, इन-डिस्प्ले फिंगरप्रिंट सेन्सर, ड्युअल स्टीरियो स्पिकर आणि डॉल्बी अ‍ॅटमॉस टेक्नॉलॉजी सारखे अनेक फीचर्स आहेत. Narzo 70 Pro 5G अँड्रॉइड १४ आधारित रियलमी युआय ५.० वर आधारित आहे.

Source link