सिमकार्डविना देखील करता येईल कॉल-मेसेज; प्रसिद्ध ब्रँडनं आणला अनोखा फोन, मिळतेय ६०००एमएएचची बॅटरी

अनेकदा आपण अश्या परिस्थितीत असतो, जेव्हा तात्काळ कॉल करायचा असतो परंतु नेटवर्क नसल्यामुळे ते शक्य होत नाही. या समस्येवर उपाय म्हणजे स्माार्टफोन ब्रँड्स सॅटेलाइट कनेक्टिव्हिटी असलेले फोन घेऊन येत आहेत. अलीकडेच ZTE नं आपला असाच फोन लाँच केला आहे, ज्याचे नाव ZTE Axon 60 Ultra आहे. हा फोन ड्युअल सॅटेलाइट कनेक्टिव्हिटीसह येतो, जो युजरला नेटवर्कविना कॉल आणि मेसेज करण्याची सुविधा देतो आणि हे सर्व काम चीनच्या टियांटॉंग सॅटेलाइट सिस्टमच्या माध्यमातून शक्य होते.

या फोनमध्ये १२० हर्ट्झ रिफ्रेश रेटसह १.५के ओएलईडी डिस्प्ले आहे आणि हा स्नॅपड्रॅगन ८ जेन २ प्रोसेसरसह आला आहे. फोनमध्ये ८०वॉट फास्ट चार्जिंग सपोर्टसह ६०००एमएएचची बॅटरी देखील आहे. सध्या कंपनीनं या फोनची किंमत, व्हेरिएंट आणि उपलब्धतेबाबत माहिती दिली नाही. चला जाणून घेऊया ZTE Axon 60 Ultra चे फीचर्स.

मोठा डिस्प्ले आणि दमदार प्रोसेसर

नवीन ZTE Axon 60 Ultra मध्ये १.५के रिजॉल्यूशन, १२० हर्ट्झ रिफ्रेश रेट आणि २१६० हर्ट्झ पीडब्लूएम डिमिंगसह ६.७८-इंच ओएलईडी डिस्प्ले आहे. सेल्फी कॅमेऱ्यासाठी डिस्प्लेच्या वरच्या बाजूला एक पंच होल कटआउट आहे. फोन एलपीडीडीआर५एक्स रॅम आणि यूएफएस ४.० स्टोरेजसह ऑक्टा-कोर स्नॅपड्रॅगन ८ जेन २ प्रोसेसरसह आहे. फोनमध्ये ८०वॉट वायर्ड चार्जिंग सपोर्टसह ६०००एमएएचची बॅटरी देखील आहे. यात आयपी६८ रेटिंगसह वॉटर आणि डस्ट रेजिस्टंट देखील आहे.

नेटवर्कविना करता येणार कॉल-मेसेज

या फोनची सर्वात मोठी खासियत अशी आहे की फोन ड्युअल सॅटेलाइट कनेक्टिव्हिटीसह येतो. ज्यामुळे युजर सेल्युलर नेटवर्कविना देखील चीनच्या टियांटॉंग सॅटेलाइट सिस्टमच्या माध्यमातून लाइव्ह व्हॉइस कॉल करण्यास आणि टू-वे टेक्स्ट मेसेज पाठवण्याची सुविधा मिळते. यात ड्युअल-सिस्टम आर्किटेक्चर देखील आहे.

फोनचा कॅमेरा देखील पावरफुल

फोटोग्राफीसाठी, ZTE Axon 60 Ultra मध्ये ट्रिपल रियर कॅमेरा सेटअप आहे, ज्यात OIS सह ५०-मेगापिक्सेलची मुख्य लेन्स, ५०-मेगापिक्सेलचा सेकंडरी सेन्सर आणि एक मॅक्रो शूटरचा समावेश आहे. सेल्फी आणि व्हिडीओ चॅटसाठी, फोनच्या फ्रंटला ३२ मेगापिक्सेलचा सेन्सर आहे. कनेक्टिव्हिटीसाठी ५जी, वाय-फाय, ब्लूटूथ आणि एक यूएसबी टाइप-सी पोर्टचा समावेश आहे.