एअरटेल मधील ‘इमर्जन्सी व्हॅलिडिटी लोन’ म्हणजे काय? जाणून घ्या मोफत डेटा आणि कॉलिंग मिळवण्याची पद्धत

भारतातील सर्वात मोठ्या टेलीकॉम कंपन्यांपैकी एक Bharti Airtel आपल्या युजर्सना Emergency Validity Loan ची सुविधा देते. टेलीकॉम कंपनीचे हे इमर्जन्सी व्हॅलिडिटी लोन त्या युजर्ससाठी आहे, ज्यांच्या प्लॅनची व्हॅलिडिटी संपते आणि एका दिवसाची एक्स्ट्रा व्हॅलिडिटी हवी आहे. Airtel च्या व्हॅलिडिटी लोन सुविधा अंतगर्त युजर्सना कोणत्याही रिचार्जविना १ दिवसाच्या व्हॅलिडिटीसह १.५ जीबी डेटा आणि अनलिमिटेड कॉलिंगचा लाभ मिळतो. हे एक ‘लोन’ आहे, त्यामुळे ग्राहकांना तात्काळ पेमेंट करावं लागत नाही. जेव्हा तुम्ही भविष्यात तुमचा प्लॅन रिचार्ज कराल तेव्हा कंपनी एक दिवसाची व्हॅलिडिटी कमी करेल. चला जाणून घेऊया एअरटेलमध्ये व्हॅलिडिटी लोन कसं घ्यायचं.

Airtel Emergency Validity Loan

Airtel मध्ये इमर्जन्सी व्हॅलिडिटी लोन अंतगर्त ग्राहकांना एक दिवसाच्या व्हॅलिडिटीसह १.५जीबी डेटा आणि अनलिमिटेड कॉलिंगची सुविधा मिळते. परंतु एअरटेलची ही सर्व्हिस ग्राहकांच्या तेव्हा कामी येते जेव्हा एखाद्या ग्राहकाचा चालू प्रीपेड प्लॅनची व्हॅलिडिटी संपते आणि त्यांना लोन म्हणून १ दिवसाची इमर्जन्सी लोन व्हॅलिडिटी मिळेल. असं बऱ्याचदा होतं जेव्हा लोक आधीच रिचार्ज करत नाहीत आणि प्लॅन संपल्यावर मात्र कॉल किंवा नेट वापरू शकत नाहीत. आशा आपत्कालीन परिस्थितीत ही सेवा उपयुक्त ठरते.

एअरटेल इमर्जन्सी व्हॅलिडिटी लोन कसं घ्यायचं?

एअरटेल इमर्जन्सी व्हॅलिडिटी लोनसाठी युजर्सना एअरटेल IVR वर कॉल करावा लागेल. तुम्ही यूएसएसडी कोडच्या माध्यमातून देखील लोन घेऊ शकता. *५६७*२# USSD कोड डायल करावा लागेल. त्यानंतर तुम्हाला १ सह रिप्लाय करावा लागेल. त्यानंतर युजर्सना CLI ५६३२३ वरून मेसेज येईल, ज्यात व्हॅलिडिटी लोनची माहिती असेल. युजर्स जेव्हा त्यांचा नंबर व्हॅलिडिटी पॅकसह रिचार्ज करतील तेव्हा त्या पॅकच्या व्हॅलिडिटी मधून एक दिवसाची व्हॅलिडिटी कट केली जाईल. परंतु तुम्हाला या सेवाच्या माध्यमातून एक दिवसाच्या व्हॅलिडिटीसह १.५ जीबी डेटा आणि अनलिमिटेड कॉलिंगची सुविधा मिळेल.

एअरटेल इमर्जन्सी व्हॅलिडिटी लोन प्रीपेड प्लॅन्स

एअरटेलनुसार, सध्या व्हॅलिडिटी लोनची सुविधा १५५ रुपये, १७९ रुपये, १९९ रुपये, २०९ रुपये, २३९ रुपये, २६५ रुपये, २८९ रुपये, २९६ रुपये, २९९ रुपये, ३१९ रुपये, ३२९ रुपये, ३५९ रुपये आहेत. ३९८ रुपये, ३९९ रुपये, ४५५ रुपये, ४७९ रुपये, ४८९ रुपये, ४९९ रुपये, ५०९ रुपये, ५१९ रुपये, ५४९ रुपये, ६६६ रुपये, ६९९ रुपये, ७१९ रुपये, ७७९ रुपये, ८३९ रुपये, ८६९ रुपये, ९९९ रुपये, १४९९ रुपये , १७९९ रुपये, २९९९ रुपये आणि ३३५९ रुपयांचे प्रीपेड प्लॅनसह उपलब्ध आहे.

काही सर्कलमध्ये उपलब्ध आहे ही सुविधा

सध्या इमर्जन्सी लोनची सुविधा कंपनीनं काही सर्कलमध्ये सुरु केली आहे. सध्या ही सुविधा फक्त राजस्थान, केरळ आणि आंध्र प्रदेश टेलीकॉम सर्कलसाठी आहे. या टेलीकॉम सर्कलचे एअरटेल युजर्स आपल्या प्लॅनची व्हॅलिडिटी संपल्यावर हे इमर्जन्सी लोन घेऊ शकतात.