भारताच्या निवडणूक प्रचारातही चीनची घुसखोरी? मायक्रोसॉफ्टने व्यक्त केली AIच्या वापराची शक्यता

वृत्तसंस्था, न्यूयॉर्क : भारतासह काही देशांत चीनद्वारे कृत्रिम प्रज्ञेच्या (एआय) माध्यमातून निवडणुकीदरम्यान विशिष्ट प्रकारे प्रचार केला जाण्याची शक्यता आहे, असा इशारा मायक्रोसॉफ्टने शनिवारी दिला. आपले भूराजकीय हित जपण्यासाठी ‘एआय’च्या माध्यमातून सोशल मीडियाद्वारे नागरिकांचे मतपरिवर्तन करण्याचा प्रयत्न चीनकडून केला जाईल, असे मायक्रोसॉफ्टने म्हटले आहे. भारताव्यतिरिक्त द. कोरिया, अमेरिका या देशांचाही यात समावेश आहे.

भारतामध्ये १९ एप्रिल ते १ जून या कालावधीत सार्वत्रिक निवडणूक होत आहे. तर, द. कोरियामध्ये १० एप्रिल रोजी सार्वत्रिक निवडणूक होणार आहे. चालू वर्षाच्या अखेरीस म्हणजे, ४ नोव्हेंबरला अमेरिकेच्या अध्यक्षपदाची निवडणूक होत आहे. या देशांच्या निवडणुकींवर ‘एआय’द्वारे प्रभाव पाडण्याचा चीनचा प्रयत्न असल्याचे मायक्रोसॉफ्टने म्हटले आहे.

या प्रकारच्या प्रचारामुळे निवडणुकीतल निकालास कलाटणी मिळण्याची शक्यता फार कमी असते. तरीही चीनकडून मिम्स, व्हिडीओ, ऑडिओ आदी माध्यमातून वाढते प्रयोग सुरूच राहण्याची शक्यता आहे व त्यात त्यांना यशही मिळू शकते, असेही वॅट्स म्हणाले. अमेरिकी अध्यक्षपदाच्या निवडणुकीचा निकाल आपल्याला अभिप्रेत असा लागावा, यासाठी चीनकडून सोशल मीडियावर मोठ्या प्रमाणात बनावट खाती निर्माण करण्यात आली असून मतदारांमध्ये फूट पाडण्याचे काम या खात्यांमार्फत केले जात आहे.
आचारसंहितेचा भंग नको! जाहिरातबाजीवरुन महापालिकेने टोचले मेट्रोचे कान, लक्ष ठेवण्याची सूचना
जगभरातही वापर

निवडणूक तोंडावर आलेल्या या तीन देशांतच नाही, तर जगभरात आपली उद्दिष्टे साध्य करण्यासाठी चीनकडून एआयचा निरंतर वापर केला जात आहे, असेही मायक्रोसॉफ्टने म्हटले आहे.