पहिल्याच सेलमध्ये २ हजारांची सूट; मॅग्नेटिक चार्जर असलेल्या Infinix Note 40 Pro 5G सीरीजची विक्री सुरु

Infinix Note 40 Pro 5G सीरीज गेल्या आठवड्यात भारतात लाँच करण्यात आली होती. आज म्हणजे १८ एप्रिलला या स्मार्टफोन सीरीजची विक्री ई-कॉमर्स वेबसाइट Flipkart वर दुपारी १२ वाजता सुरु होणार आहे. या लाइनअपच्या स्मार्टफोनवर जबरदस्त डिस्काउंटसह मॅगकेस देखील मोफत मिळेल. प्रमुख फीचर्स पाहता, इनफिनिक्स नोट ४० प्रो आणि नोट ४० प्रो प्लस मध्ये कर्व्ड डिस्प्ले देण्यात आला आहे. दोन्हीमध्ये मीडियाटेक डायमेन्सिटी 7020 प्रोसेसर आहे. तसेच, हँडसेटमध्ये दमदार बॅटरी देण्यात आली आहे.

Infinix Note 40 Pro 5G Series Price Offers

इनफिनिक्स नोट ४० प्रो ५जीची किंमत २१,९९९ रुपये ठेवण्यात आली आहे. या किंमतीत ८जीबी रॅम आणि २५६जीबी इंटरनल स्टोरेज मिळते. तसेच, इनफिनिक्स नोट ४० प्रो प्लस २४,९९९ रुपयांमध्ये विकत घेता येईल. दोन्ही डिवाइस सोबत मॅगकेस आणि मॅगपावर मोफत मिळत आहे. HDFC बँकेच्या क्रेडिट कार्डनं खरेदी केल्यास २ हजारांची सूट मिळेल. दोन्ही फोन्स नो-कॉस्ट ईएमआयवर देखील खरेदी करता येतील.

Infinix Note 40 Pro 5G

इनफिनिक्स नोट ४० प्रो मध्ये ६.७८ इंचाचा फुल एचडी प्लस डिस्प्ले आहे. याचा रिफ्रेश रेट १२०हर्ट्झ आणि रिजोल्यूशन २४३६ x १०८० पिक्सल आहे. ह्यात मीडियाटेक डायमेन्सिटी ७०२० चिपसेट देण्यात आली आहे. त्याचबरोबर फोनमध्ये ८जीबी रॅम आणि २५६जीबी स्टोरेज मिळते. तसेच, हा मोबाइल फोन अँड्रॉइड १४ (Android १४) आधारित ऑपरेटिंग सिस्टमवर चालतो.

फोटोग्राफीसाठी कंपनीनं नोट ४० प्रो मध्ये ट्रिपल रियर कॅमेरा सेटअप दिला आहे, ज्यात OIS सपोर्ट असलेला १०८एमपीचा प्रायमरी कॅमेरा, दुसरा आणि तिसरा २एमपीचा सेन्सर आहे. सेल्फी व व्हिडीओ कॉलिंगसाठी स्मार्टफोनच्या फ्रंटला ३२एमपीचा कॅमेरा मिळतो.

इनफिनिक्स नोट ४० प्रो ५जी मध्ये फास्ट चार्जिंग सपोर्ट असलेली ५०००एमएएचची दमदार बॅटरी देण्यात आली आहे. यात सीमलेस कनेक्टिव्हिटीसाठी ड्युअल सिम स्लॉट, वाय-फाय, जीपीएस, ब्लूटूथ, यूएसबी टाईप-सी पोर्ट आणि हेडफोन जॅक मिळतो. सोबत फिंगरप्रिंट सेन्सर आणि फेस अनलॉक फीचर देण्यात आलं आहे.

Infinix Note 40 Pro+ 5G

इनफिनिक्स नोट ४० प्रो प्लस ब्लॅक आणि ग्रीन कलर ऑप्शनमध्ये उपलब्ध आहे. हा स्मार्टफोन ६.७८ इंचाच्या फुल एचडी प्लस कर्व्ड डिस्प्लेसह येतो. यात १२जीबी रॅम आणि २५६जीबी इंटरनल स्टोरेजसह मीडियाटेक डायमेन्सिटी ७०२० प्रोसेसर मिळतो. यात फेस अनलॉक सह फिंगरप्रिंट सेन्सर देण्यात आला आहे.

या स्मार्टफोनमध्ये ट्रिपल रियर कॅमेरा सेटअप आहे. सोबत १०८एमपीचा मेन सेन्सर आहे, तर अन्य दोन २एमपीचे सेन्सर आहेत. तसेच, व्हिडीओ कॉलिंग आणि सेल्फी क्लिक करण्यासाठी डिवाइसच्या फ्रंटला ३२एमपीचा कॅमेरा मिळतो.

बॅटरी पाहता, नोट ४० प्रो प्लस ५जी मध्ये ४६००एमएएचची बॅटरी देण्यात आली आहे. हा फोन अँड्रॉइड १४ ऑपरेटिंग सिस्टमवर चालतो. यात वाय-फाय, जीपीएस, ब्लूटूथ, ऑडियो जॅक, ड्युअल सिम आणि यूएसबी टाईप-सी पोर्ट सारखे स्पेक्स मिळतात.