आयफोन स्वच्छ करताय? या गोष्टी ठेवा लक्षात नाहीतर होईल मोठे नुकसान

सामान्यपणे आयफोन हा वेळोवेळी अपल्यासोबत असतो. प्रसंगी धूळ आणि कचरा या फोनच्या काही भागात साचतो. हे सामान्य वाटत असले तरी यापासून तुमचा फोन स्वच्छ ठेवणे अत्यावश्यक आहे. यापासून बचाव म्हणून तुम्ही जर चुकीच्या पद्धतीने साफसफाई करत असाल तर तुम्हाला सावध होण्याची गरज आहे. कंपनीने केलेल्या दाव्यानुसार आयफोन पाण्यात फारकाळ राहू शकतात तरी फोन पाणी किंवा इतर द्रव पदार्थांपासून दूर ठेवणे आवश्यक आहे

साफसफाईसाठी या गोष्टी आवश्यक
आयफोन साफ करतांना कोमट पाण्याचे भांडे, थंड पाण्यात रबिंग अल्कोहोल, मायक्रोफायबरचे कापड पेपर क्लिप, ब्रश टूथ पीक व व्हॅक्युम क्लीनर या गोष्टींचा वापर केला जाऊ शकतो.

आयफोनचे कव्हर असे स्वच्छ करता येईल

आयफोनपासून स्वतंत्र असल्यामुळे तुम्ही कव्हर वेगळे स्वच्छ करू शकता. स्मार्टफोनच्या तुलनेने ते अधिक मजबूत असल्यामुळे तुम्ही अधिक चांगल्याप्रकारे या कव्हरची सफाई करता येईल. कोमट पाण्यात साबण मिसळून त्या पाण्याने हे कव्हर साफ करता येईल. तसेच सफाई करतांना खराब झाल्यास युजर्सचे मोठे आर्थिक नुकसान देखील होणार नाही. यानंतर कव्हर नीट वाळल्याची खात्री करून मोबाइल आत ठेवा.

आयफोन स्क्रीन कशी स्वच्छ करावी

तुमच्या आयफोनची स्क्रीन अत्यंत काळजीपूर्वक स्वच्छ केली पाहिजे, कारण हा फोनचा सर्वात नाजूक भाग आहे. ऍपलने या स्क्रीनवर एक विशेष थर लावला आहे. जज्यामुळे हाताचे तेल लागून स्क्रिन चिकट होत नाही.म्हणूनच स्क्रिन स्वच्छ करण्यासाठी पाण्याशिवाय इतर कोणत्याही द्रव पदार्थांचा वापर करू नये.

चार्जिंग पोर्ट कसे स्वच्छ करावे

तुमचा आयफोन हळू चार्ज होत आहे का? चार्जिंग पोर्टमध्ये कापसाचे तुकडे किंवा कागदासारखी घाण अडकलेली असू शकते. ऍपल स्वच्छतेसाठी कॉम्प्रेस्ड एअर वापरण्याची शिफारस करत नाही. त्याऐवजी, तुम्ही चार्जिंग पोर्ट हळुवारपणे सिम काढण्याचे साधन किंवा कापसाने गुंडाळलेल्या टूथपिकने स्वच्छ करू शकता.

म्यूट बटण कसे स्वच्छ करावे

सध्या वापरात असलेल्या जवळपास सर्वच आयफोन्सला डाव्या बाजला म्यूटचे बटण देण्यात येते. आयफोनच्या इतर भागांच्या तुलनेने यात घाण जास्त साचलेली बघायला मिळते. हे साफ करण्यासाठी टूथपिकचा वापर करावा. सायलंट व साउंड स्विच करण्यासाठी हे बटण देण्यात येते.