Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मंगळ ग्रहावरून आश्चर्याची बाब समोर आली आहे. मंगळावर अनेक रहस्यमयी गोष्टी आहेत ज्यांचा अजून खुलासा व्हायचा आहे. नुकतेच एका नवीन शोधात मंगळावर पृथ्वीवरील सर्वात उंच पर्वत एव्हरेस्टपेक्षा उंच असलेल्या एका विशाल ज्वालामुखीचा शोध लागला आहे. एका अहवालानुसार, ज्वालामुखी मंगळावर अनेक वर्षांपासून अस्तित्वात आहे, परंतु शास्त्रज्ञांना तो दिसू शकला नाही. तो मंगळावरील अशा ठिकाणी आहे, जो एक प्रकारचा चक्रव्यूह आहे. या ज्वालामुखीची उंची 9,022 मीटर इतकी आहे. त्या तुलनेत पृथ्वीच्या सर्वोच्च शिखर माउंट एव्हरेस्टची उंची 8,849 मीटर आहे. हा ज्वालामुखी सुमारे 450 किलोमीटर इतका रुंद आहे.
जिथं हा ज्वालामुखी सापडला तिथं एस्क्रिअस मॉन्स, पावोनिस मॉन्स आणि अर्शिया मॉन्स हे आणखी तीन ज्वालामुखी देखील आहेत. हे रंजक आहे की ते अनेक वर्षांपासून ते सक्रिय आहेत. शास्त्रज्ञांचे म्हणणे आहे की मंगळाच्या आग्नेय भागात हे ज्वालामुखी आहेत. ज्याच्या खाली हिमनदीतला बर्फ असण्याची शक्यता आहे.
ज्वालामुखी शोधण्यास लागला बराच वेळ
मंगळ हा आकाराने व क्षेत्राने खूप मोठा ग्रह आहे. तेथे उतरणारी मिशन्स एका विशिष्ट क्षेत्रात उतरत असतात. अंतराळात ग्रहांचे निरीक्षण करण्यासाठी अनेक आकाशयाने फिरतात. १९७१ पासून मंगळावर असलेला हा ज्वालामुखी बघण्यात आला होता. मात्र आता मिळालेल्या माहितीनुसार हा ज्वालामुखी असल्याची खात्री झाली आहे.
जेव्हा शास्त्रज्ञांनी या क्षेत्राचा शोध सुरू केला तेव्हा त्यांना कळले की तो ज्वालामुखी आहे. ज्वालामुखीच्या आजूबाजूला ५ हजार चौरस किलोमीटर परिसरात छोट्या मोठ्या आकाराचे अनेक ज्वालामुखी असल्याचेही तपासात समोर आले आहे. जगातील सर्व अवकाश संस्था मंगळावर आपली मोहीम पाठवत आहेत. या शर्यतीत इलॉन मस्कची कंपनी स्पेसएक्सही सामील आहे. ती जगातील सर्वात वजनदार रॉकेट स्टारशिपची चाचणी घेत आहे. ते रॉकेट यशस्वी झाल्यास भविष्यात अंतराळवीरांना मंगळावर नेणे सोपे होईल.