जी पे नंतर आता भारतात आलं Google Wallet, जाणून घ्या याचे फायदे

गुगल वॉलेट भारतात लाँच करण्यात आलं आहे. Android युजर्स हे अ‍ॅप Google Play Store वरून डाउनलोड करू शकतात. विशेष म्हणजे गुगल वॉलेट अ‍ॅप वर्ष २०११ मध्ये लाँच करण्यात आलं होतं, जागा नंतर Google Pay नं घेतली होती. आता पुन्हा एकदा गुगल वॉलेट भारतात आलं आहे. याची खासियत म्हणजे गुगल वॉलेट युजर्सना डेबिट कार्ड, क्रेडिट कार्ड, लॉयल्टी कार्ड व गिफ्ट कार्ड डिटेल्स स्टोर करू शकतात. याचा अर्थ असा आहे की गुगल वॉलेटच्या माध्यमातून तुम्ही थेट तुमचं क्रेडिट कार्ड व डेबिट कार्ड वापरू शकता. चला जाणून घेऊया सविस्तर माहिती.

Google Wallet अ‍ॅप भारतात रोलआउट करण्यात आलं आहे. हे अ‍ॅप Android युजर्ससाठी उपलब्ध झालं आहे. परंतु सध्या हे अ‍ॅप टप्याटप्यात रोलआउट करण्यात येत आहे आणि लवकरच सर्व युजर्स पर्यंत रोलआउट केलं जाईल.

फीचर्स पाहता, Google Wallet च्या माध्यमातून युजर्स आपल्या मित्रांना पैसे पाठवू शकतात. ऑनलाइन शॉपिंग दरम्यान पेमेंट करू शकतात. तसेच हे वॉलेट युजर्सना NFC इनेबल टॅप टू पेची सुविधा देखील देतं. हे वापरण्यासाठी तुम्हाला फक्त यात तुमचे क्रेडिट कार्ड व डेबिट कार्ड डिटेल्स एंटर करावे लागतील. त्यानंतर हे अ‍ॅप तुमच्या क्रेडिट कार्ड व डेबिट कार्ड प्रमाणे वापरता येईल. गुगल वॉलेटमध्ये सिक्योरिटीसाठी पिन प्रोटेक्शन फीचर देखील देण्यात आलं आहे. हे फीचर फोन चोरी झाल्यावर किंवा हरवल्यावर देखील तुमचा डेटा सुरक्षित ठेवेल.

Google Wallet कसं सेटअप करायचं?

1. गुगल वॉलेट सेटअप करण्यासाठी तुम्हाला सर्वप्रथम Google Play Store किंवा App Store वरून Google Wallet अ‍ॅप डाउनलोड करावं लागेल.
2. आता Google Wallet इंस्टॉल करून ओपन करा आणि गुगल अकाऊंटच्या माध्यमातून लॉग-इन करा.
3. फर्स्ट टाइम युजर्सना या अ‍ॅपमध्ये त्यांच्या क्रेडिट कार्ड व डेबिट कार्ड डिटेल्स टाकावे लागतील.

Google Wallet वरून कसं करायचं पेमेंट

1. Google Wallet वापर करण्यापूर्वी एक गोष्ट लक्षात घ्या की तुमच्या फोनमध्ये NFC (Near Field Communication) सपोर्ट असाल पाहिजे.
2. त्यानंतर गुगल वॉलेट डिफॉल्ट पेमेंट अ‍ॅप म्हणून सेट करा.
3. त्यानंतर तुम्ही तुमच्या फोन द्वारे टॅप-टू-पे पेमेंट करू शकाल.