Instagram Reels पाहून कंटाळा आलाय? मग आता खेळा सीक्रेट गेम, जाणून घ्या पद्धत

लोकप्रिय फोटो शेयरिंग सोशल मीडिया प्लॅटफॉर्म इंस्टाग्राम आता व्हिडीओ शेयरिंगसाठी जास्त प्रसिद्ध आहे. या अ‍ॅपवर फोटो व व्हिडीओ शेयर करण्यासोबतच इतर युजर्सचे व्हिडीओ व फोटो पाहता येतात. इंस्टाग्राम रील्स या प्लॅटफॉर्मवरील सर्वात लोकप्रिय कंटेंट फॉरमॅट आहे. रील्स पाहताना कधी वेळ निघून जातो हे लक्षात देखील येत नाही. जर तुम्ही इंस्टाग्राम रील्स व्हिडीओ पाहून कंटाळला असाल तर तुम्ही इंस्टाग्रामवरील गेम ट्राय करू शकता. तुम्हाला माहित नसेल परंतु इंस्टाग्रामवर एक गेम लपला आहे. जर तुम्हाला हा इंस्टाग्राम गेम कुठे आहे हे माहित नसेल तर, चला पाहूया.

फोटो व व्हिडीओ शेयरिंग अ‍ॅप Instagram नं काही दिवसांपूर्वी आपल्या DM सेक्शनमध्ये Emoji Game रोलआउट केला होता. या गेममध्ये तुम्हाला इमोजी आणि एक पॅडल मिळतो. या गेममध्ये तुम्हाला पॅडलच्या मदतीनं तुम्हाला इमोजीलला खाली पडू द्यायचं नाहीय. जितका वेळ इमोजी खाली पडण्यापासून तुम्ही वाचवाल तेवढा तुमचा स्कोर गेममध्ये वाढतो. हा गेम खेळण्यासाठी तुम्हाला वेगळं कोणतंही अ‍ॅप डाउनोलड करण्याची गरज नाही. हा गेम अ‍ॅप मध्ये प्री-इंस्टॉल आहे. चला जाणून घेऊया पद्धत.

Instagram वर अश्याप्रकारे खेळ छुपा गेम

1. सर्वप्रथम तुमच्या स्मार्टफोनमध्ये Instagram अ‍ॅप ओपन करा.
2. त्यानंतर इंस्टाग्राम चॅट सेक्शन वर जा.
3. आता कोणत्याही व्यक्तीचं चॅट इंस्टाग्राम DM मध्ये ओपन करा.
4. त्यानंतर तुम्हाला चॅटच्या टेक्स्ट सेक्शनमध्ये कोणतीही इमोजी त्या व्यक्तीला पाठवावी लागेल.
5. त्यानंतर त्या इमोजीवर टॅप करा.
6. इमोजीवर टॅप करताच तुमच्या समोर एक वेगळी विंडो ओपन होईल.
7. या विंडोमध्ये तुमच्या समोर इंस्टाग्रामचा हिडन गेम सुरु होईल.

Instagram गेम कशाप्रकारे खेळायचा?

• Instagram गेममध्ये तुमच्या समोर असलेल्या इमोजीला खाली पडू द्यायचं नाही.
• तुम्हाला ती इमोजी पॅडल डाव्या आणि उजव्या बाजूला फिरवून अडवायची आहे.
• तुम्ही जितक्या वेळा इमोजी खाली पडू देणार नाही तितका तुमचा स्कोर या गेममध्ये वाढत जाईल.