शू… कीबोर्डलाही कान असतात; मोबाइलवर पासवर्ड चोरण्याची नवीन पद्धत आली

स्मार्टफोन हा आयुष्याचा अविभाज्य भाग बनला आहे. कम्प्युटरची कामं देखील या छोट्याश्या डिवाइसवर होत असल्यामुळे युजर्स नेट बँकिंग सारखी कामे देखील मोबाइलवर करत आहेत. त्यामुळे फोनमध्ये तुमची पर्सनल माहिती तर असतेच त्याचबरोबर बॅकिंग सर्व्हिस देखील असते. परंतु आता दिग्गज स्मार्टफोन ब्रँड सॅमसंग, शाओमी, विवो आणि ओप्पो बद्दल एक धक्कादायक खुलासा झाला आहे, ज्यात कीबोर्डच्या स्ट्रोकवरून फोनमधील बँकिंग आणि सोशल मीडिया पासवर्ड चोरले जात आहेत.

अशी होत आहे युजर्सच्या पासवर्डची चोरी

जेव्हा तुम्ही स्मार्टफोनवरून बॅकिंग पेमेंट किंवा सोशल मीडिया अ‍ॅप लॉगिन करता त्यासाठी तुम्हाला लॉगिन आयडी आणि पासवर्ड टाकावा लागतो. परंतु काही खास कीबोर्ड बनवले जात आहेत, ज्यांच्या माध्यमातून ओळखलं जातं की तुम्ही कोणता लॉगिन आयडी आणि पासवर्ड टाकला आहे. यात कीबोर्ड स्ट्रोक रजिस्टर होतात. सिटिजन लॅबच्या लेटेस्ट रिपोर्टमध्ये अनेक कीबोर्ड अ‍ॅप्सची नावे समोर आली आहेत, ज्यात सिक्योरिटी रिस्क आहे. तसेच दावा करण्यात आला आहे की हे अ‍ॅप्स कीस्ट्रोक्स लीक करू शकतात. यापेक्षा धक्कादायक बाब म्हणजे या कीबोर्ड अ‍ॅप्सचा वापर सॅमसंग, शाओमी सारखे स्मार्टफोनमध्ये देखील करण्यात येत आहे.

कोणत्या कीबोर्ड अ‍ॅप्सचा वापर ठरू शकतो धोकादायक

• सॅमसंग कीबोर्ड
• Xiaomi वरील Baidu, iFlytek आणि Sogou की-बोर्ड
• विवो आणि ओप्पोचे सोगो आईएमे कीबोर्ड
• Honor मधील Baidu IME कीबोर्ड

रिपोर्टनुसार अशाप्रकारचे कीबोर्ड अ‍ॅप्स मोठयाप्रमाणात चीनमध्ये वापरले जातात, जे कीबोर्ड स्ट्रोक सर्वर मध्येस्टोर करतात. या कीबोर्ड स्ट्रोकच्या डेटामध्ये कोणत्या अ‍ॅप किंवा वेबसाइटवर कोणते कीज वापरले गेले याची माहिती असते. या माहितीवरून सोशल मीडिया आणि बँकिंग डिटेल्स सहज वेगळी जरा येतात.

रिपोर्टनुसार, या सुरक्षा त्रुटींमुळे जगभरातील अब्जावधी युजर्सवर परिणाम होऊ शकतो. क्लाउड-आधारित कीबोर्ड फीचर्स वापरणाऱ्यांना सर्वाधिक धोका असतो, जे प्रिडेकटिबल मजकूर फिचरसाठी सर्व्हरवर डेटा पाठवतात.

यावर उपाय काय

• सतत तुमचं कीबोर्ड अ‍ॅप अपडेट करत राहा.
• अश्या कीबोर्ड अ‍ॅप्सचा वापर करा, जे स्ट्रोक डेटा डिव्हाइसवर ठेवतात.