शिल्लक सेनेच्या प्रमुखांनी बाळासाहेबांचे विचार विकले, श्रीकांत शिंदेंचा ठाकरेंवर हल्लाबोल

डोंबिवली : लोकसभा निवडणुकीच्या पार्श्वभूमीवर खासदार श्रीकांत शिंदे कल्याण लोकसभा मतदारसंघात महायुतीच्या विविध घटक पक्षांच्या मेळावे घेत आहेत. महायुतीच्या मेळाव्यानंतर त्यांनी माध्यमांशी संवाद साधला. यावेळी बोलताना खासदार श्रीकांत शिंदे यांनी उद्धव ठाकरेंना टोला लगावला आहॆ.

श्रीकांत शिंदे म्हणाले की बाळासाहेबांचे विचार विकण्याचं काम राहिलेल्या शिल्लक सेनेने केलंय. त्यांच्या प्रमुखांनी केलं. आज त्यांना जे अनेक वर्ष पाहिजे होतं, ते त्यांनी त्या ठिकाणी केलंय. त्यांना पहिल्यापासून काँग्रेस बरोबर जायचं होतं. काँग्रेस सावरकरांना मानत नाही, सावरकरांना रोज शिव्या देतात. उद्धव ठाकरे त्यांच्या मांडीला मांडी लावून बसतात… जे हिंदुत्वाला विसरले जे बाळासाहेबांच्या विचार विसरले त्यांच्याकडून दुसरं काय अपेक्षा आहे? असा सवाल त्यांनी विचारला.
पवार कुटुंबात फूट, बारामतीतील मतदारांच्या घरातही विभाजन, वडीलधारे भावनिक, तरुण म्हणतात लेक किती दिवस माहेरला?
आम्हाला अभिमान आहे, आम्ही हिंदुत्वाबरोबर उभे राहिलो, आम्ही बाळासाहेबांच्या विचाराबरोबर उभे राहिलो. आम्ही सावरकरांच्या विचारांबाबत उभा राहिलो. म्हणून धनुष्यबाण आणि शिवसेना एकच आहे. सामान्य शिवसैनिकाच्या हातामध्ये पूर्णपणे सुरक्षित आहे, असंही श्रीकांत शिंदे म्हणाले.
राजकीय विरोधकांचा छळ करण्यासाठी ईडी-सीबीआयच्या गैरवापराचा आरोप, नरेंद्र मोदींचं सडेतोड उत्तरRead Latest Maharashtra News Updates And Marathi News

डोंबिवली मनसेचा शिंदेसाठी मेळावा

डोंबिवलीमध्ये एक तारखेला मनसेचा मेळावा होणार आहे. या मेळाव्याला मी उपस्थित राहणार, राज ठाकरे यांनी महायुतीला बिनशर्त पाठिंबा दिलाय. राज ठाकरेंच्या यांच्या येण्यामुळे महायुतीची ताकद अजून वाढली आहे. तर राज ठाकरेंची सभा कल्याण लोकसभा मतदारसंघात झाली तर आम्हाला आनंदच असल्याचे श्रीकांत शिंदे यांनी सांगितले आहे.