Loksabha Election 2024: केंद्रीय आयोगाची मोठी कारवाई; तब्बल ४८ तास प्रचारावर बंदी

तेलंगणा: निवडणूक आयोगाने बुधवारी भारत राष्ट्र समिती (BRS) अध्यक्ष के. चंद्रशेखर राव (KCR) यांच्यावर कारवाई केली. त्यांना ४८ तासांसाठी प्रचार करण्यापासून रोखण्यात आले आहे. काँग्रेसबद्दल आक्षेपार्ह टिप्पणी केल्याबद्दल त्यांच्यावर कारवाई करण्यात आली. निवडणूक आयोगाने ५ एप्रिल रोजी सिरिल्ला येथे पत्रकार परिषदेत राव यांनी केलेले वक्तव्य आदर्श आचारसंहिता आणि सल्लागाराच्या तरतुदींचे उल्लंघन करणारे होते. तेलंगणाचे माजी मुख्यमंत्री राव यांच्यावर बुधवारी रात्री ८ वाजल्यापासून प्रचारासाठी ४८ तासांची बंदी लागू झाली आहे.

नेमकं के.चंद्रशेखर राव यांचं म्हणणं काय?

काँग्रेस नेते रणदीप सिंग सुरजेवाला यांच्यानंतर सध्या लोकसभा निवडणुकीच्या प्रचारावर ४८ तासांसाठी बंदी घालण्यात आलेले केसीआर हे दुसरे नेते आहेत. निवडणूक आयोगाने बजावलेल्या कारणे दाखवा नोटीसला उत्तर देताना राव यांनी आपल्या शब्दांचा विपर्यास केल्याचा दावा केला आहे. काँग्रेसने आपल्या पत्रकार परिषदेतील काही वाक्ये संदर्भाबाहेर काढल्याचा आरोपही त्यांनी केला. ते म्हणाले, ‘वाक्यांचे इंग्रजी भाषांतर बरोबर नाही.’ केसीआर यांनी काँग्रेसच्या धोरणांवर आणि कार्यक्रमांवर टीका केली होती. त्यांनी कोणत्याही काँग्रेस नेत्याबद्दल वैयक्तिक भाष्य केलेले नाही. स्थानिक निवडणूक अधिकारी स्थानिक तेलुगू बोली पाळू शकत नाहीत, असेही ते म्हणाले.
कोकणात नाराजीनाट्य कायम; आधी सुचक स्टेटस ठेवला, नंतर किरण सामंतांच्या कार्यालयातून उदय सामंतांचा फोटो काढला

निवडणूक आयोगाने काय सांगितलं?

निवडणूक आयोगाने सांगितले की, भारत राष्ट्र समिती (BRS) अध्यक्षांना दोन दिवस चालू असलेल्या निवडणुकीच्या संदर्भात कोणत्याही सार्वजनिक सभा, सार्वजनिक मिरवणुका, सार्वजनिक रॅली, कार्यक्रम आणि मुलाखती घेण्यास आणि प्रसारमाध्यमांमध्ये सार्वजनिक विधाने करण्यास मनाई करण्यात आली आहे. निवडणूक आयोगाने म्हटले होते की, केसीआर यांनी आपल्या भाषणाबाबत अनेक सूचना जारी केल्यानंतरही त्यांनी आदर्श आचारसंहितेचे उल्लंघन केले आहे. केसीआर यांनी वेळेत उत्तर न दिल्यास निवडणूक आयोग योग्य ती कारवाई करेल, असेही निवडणूक प्राधिकरणाने सूचित केले होते. तसेच त्यांना दिलेल्या आदेशात राव यांनी मागील निवडणुकीतही निवडणूक आचारसंहितेचा भंग केल्याची आठवण करून देण्यात आली. आयोगाने त्याचा तीव्र निषेध केला आणि आपल्या घटनात्मक अधिकारांचा वापर करून त्याला प्रचारावर बंदी घातली.

दरम्यान प्रत्यक्षात ६ एप्रिल रोजी निवडणूक आयोगाकडे तक्रार करण्यात आली होती. यामध्ये टीपीसीसीचे वरिष्ठ उपाध्यक्ष जी निरंजन यांनी दावा केला की केसीआर यांनी ५ एप्रिल रोजी सिरसिल्ला येथे पत्रकार परिषदेत काँग्रेस आमदारांचा अपमान केला आणि संताप व्यक्त केला. या टिप्पण्यांना निवडणूक आयोगाने असत्यापित आरोप आणि बदनामीकारक टिप्पणी मानले होते. टिप्पण्यांवर त्यांची भूमिका स्पष्ट करण्यासाठी ECI ने KCR यांना १८ एप्रिल २०२४ पर्यंत वेळ दिला होता. ५ एप्रिल रोजी सिरसिल्ला येथे पत्रकार परिषदेत केसीआर यांनी काँग्रेस नेत्यांना ‘कुत्र्यांची मुले’ म्हटले होते. तसेच सरकारला ‘व्यसनी सरकार’ असे संबोधले. याशिवाय केसीआर यांनी काँग्रेससाठी अत्यंत आक्षेपार्ह शब्द बोलले होते. त्यानंतर निवडणूक आयोगाने ही कारवाई केली आहे.