५जीमुळे संपणाऱ्या बॅटरीवर जबरदस्त तोडगा; 6000mAh च्या अवाढव्य बॅटरीसह Vivo चा फोन लाँच

By tejpolicetimes On May 3, 2024

कोणताही गाजावाजा न करता विवोनं आपल्या वाय-सीरीज प्रोडक्ट पोर्टफोलियोमध्ये एक नवीन स्मार्टफोन जोडला आहे. तैवानमध्ये Vivo Y38 5G नावाचा नवीन मॉडेल कंपनीनं लाँच केला आहे. याची खासियत म्हणजे यात 6000mAh ची भलीमोठी बॅटरी देण्यात आली आहे, जी विवो फोन्समध्ये खूप कमी पाहायला मिळते. त्याचबरोबर यात ५० मेगापिक्सल रियर कॅमेरा ,१२०हर्ट्झ रिफ्रेश रेट असलेला डिस्प्ले, स्नॅपड्रॅगन ४ जेन २ चिपसेट, ८जीबी रॅम सारखे अनेक फीचर्स देण्यात आले आहेत. चला, जाणून घेऊया याची किंमत आणि फुल स्पेसिफिकेशन.

Vivo Y38 5G चे स्पेसिफिकेशन्स

विवो वाय३८ ५जी फोनमध्ये ६.६८ इंचाचा एचडी+ आयपीएस एलसीडी पॅनल देण्यात आला आहे. याचे रिजोल्यूशन १६१२ x ७२० पिक्सल, रिफ्रेश रेट १२० हर्ट्झ, पिक्सल डेन्सिटी २६४पीपीआय आणि पीक ब्राईटनेस १,००० निट्स इतकी आहे. अन्य फीचर्स पाहता Vivo Y38 5G मध्ये कंपनीनं ड्युअल सिम ५जी, वाय-फाय, ब्लूटूथ, एनएफसी, यूएसबी टाइप सी पोर्ट, साइड फेसिंग फिंगरप्रिंट सेन्सर, ३.५मिमी हेडफोन जॅक, पाणी आणि धुळीपासून सुरक्षा देणारी आयपी६४ रेटिंग आणि ड्युअल स्टीरियो स्पीकर देण्यात आले आहेत.

मोबाइलमध्ये कंपनीनं चांगल्या परफॉर्मन्ससाठी क्वॉलकॉम स्नॅपड्रॅगन ४ जेन २ चिपसेटचा वापर केला आहे. त्यामुळे युजर्सना स्मूद अनुभव मिळतो. डेटा स्टोर करण्यासाठी हा डिव्हाइस ८जीबी रॅम आणि २५६ जीबी पर्यंत इंटरनल स्टोरेजला सपोर्ट करतो. मेमरी वाढवण्यासाठी मायक्रो एसडी कार्ड स्लॉट देखील आहे. हा डिव्हाइस अँड्रॉइड १४ आधारित फनटच ओएस १४ वर चालतो.

कॅमेरा फीचर्स पाहता Vivo Y38 5G मध्ये युजर्सना LED फ्लॅशसह ड्युअल रियर कॅमेरा सेटअप देण्यात आला आहे. ज्यात ५० मेगापिक्सलची प्रायमरी कॅमेरा लेन्स आणि २ मेगापिक्सलची सेकंडरी कॅमेरा लेन्स देखील आहे. तसेच, सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा आहे. Vivo Y38 5G फोनमध्ये सर्वात मोठा मदत म्हणजे यात ६०००एमएएचची मोठी बटर देण्यात आली आहे. इतकंच नव्हे तर ही मोठी बॅटरी चार्ज करण्यासाठी ४४वॉट चार्जिंगचा सपोर्ट देखील मिळतो.

Vivo Y38 5Gची किंमत

Vivo Y38 5G स्मार्टफोनचा एकच व्हेरिएंट जागतिक बाजारात आला आहे. ज्यात ८जीबी रॅमसह कंपनीनं २५६ जीबी स्टोरेज देत आहे. विवो तैवानच्या वेबसाइटवर हा डिवाइस सर्व स्पेसिफिकेशनसह लिस्ट करण्यात आला आहेच परंतु याची किंमत मात्र समजली नाही. हा विवो फोन ओशियन ब्लू आणि डार्क ग्रीन ब्लॅक या दोन कलरमध्ये उपलब्ध होईल.

Source link