सेकंड हॅन्ड फोन्सच्या जोरावर कमावले ३.४ कोटी, ४ महिन्यात ‘अशी’ केली कमाई

आपले व्हिडीओ जास्तीत जास्त लोकांनी पाहावे असं प्रत्येक कंटेंट क्र‍िएटर आणि सोशल मीडिया इन्फ्लूएंसारला वाटतं. परंतु चीनमध्ये एका व्यक्तीला याच व्ह्यूजच्या लोभापोटी तुरुंगवास भोगावा लागणार आहे. कारण लाइव्ह स्‍ट्रीमवर ट्राफिक मिळवण्यासाठी त्याने हजारो फोनचा वापर केल्यास आरोप त्याच्यावर करण्यात आला आहे. या पद्धतीनं त्याने फक्त चार महिन्यात ४.१५ लाख डॉलर (जवळपास ३.४ कोटी रुपये) कमवले आहेत. त्यामुळे तो आता तुरुंगाची हवा खात आहे. साउथ चायना मॉर्निंग पोस्टच्या रिपोर्टनुसार, वांग नावाच्या व्यक्तीला बेकायदेशीररीत्या बिजनेस ऑपरेशन चालवल्याबद्दल १३ महिन्याचा तुरुंगवास झाला आहे. त्याला ७,००० डॉलर (सुमारे ५ लाख ८५ हजार रुपये) दंड ठोठावण्यात आला आहे.

आरोप असा आहे की लाइव्ह-स्ट्रीमच्या दर्शकांची संख्या वाढवण्यासाठी वांगनं ४,६०० फोन स्वतः ऑपरेट केले आणि ४ महिन्यापेक्षा कमी कालावधीत त्याने ४ लाख डॉलर (सुमारे ३ कोटी ३४ लाख रुपये) पेक्षा जास्तीची कामे केली.

रिपोर्टनुसार, वांगनं २०२२ च्या अखेरीस आपला बिजनेस सुरु केला होता. वांगला त्याच्या एका मित्राने ‘ब्रशिंग’ नावाच्या प्रॅक्टिस बद्दल सांगितलं. ही टर्म, फेक रियल टाइम अ‍ॅक्टिव्हिटीजसाठी वापरली जाते. यात व्‍यूअर्स काउंटपासून लाइक्‍स, कमेंट इत्यादींच्या बाबतीत देखील फसवणूक केली जाते.

या घोटाळ्याची सुरुवात करण्यासाठी वांगनं क्लाउड सॉफ्टवेयरनं कंट्रोल्‍ड ४,६०० मोबाइल फोन खरेदी केले. वांगनं एक टेक कंपनीकडून व्हीपीएन सर्व्हिस आणि राउटर आणि स्विच सारखे नेटवर्क इक्विपमेंट देखील खरेदी केले. त्यामुळे तो फक्त काही क्लिक्‍सवर सर्व ४६०० मोबाइल फोन्‍स वापरू शकत होता आणि लाइव्ह-स्‍ट्रीमिंग दरम्यान व्‍यूअर काउंट आणि इंटरेक्‍शन को वाढवण्यासाठी मोबाइल फोन्‍स वापरत होता.

वांगनं हे फोन्‍स कुठून खरेदी केले याची माहिती मात्र मिळाली नाही. परंतु केससंबंधित लोकांनी म्हटलं आहे की मोबाइल फोनच्या रिसायकल मार्केटमधून हे फोन खरेदी केले जाऊ शकतात. वांग व्यतिरिक्त इतर १७ लोकांची देखील तपासणी सुरु आहे. नियमाचे पालन न करता प्रॉफ‍िट मिळ्वणची ही चुकीची पद्धत असल्याचा आरोप करण्यात आला आहे.