Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Sita Navami 2024 :
वैशाख महिन्याच्या शुक्ल पक्षाच्या तिथीला सीता नवमी साजरी केली जाते. यंदा ही तिथी १६ मे ला गुरुवारी असणार आहे. हा दिवस सीता मातेचा जन्म दिवस म्हणून ओळखला जातो.
असे मानले जाते की, सीता नवमीच्या दिवशी लक्ष्मी स्वरुप असणाऱ्या सीता मातेची पूजा करुन विशेष उपाय केल्याने धन-संपत्ती मिळते. तसेच तुमच्या घरात सुख-समृद्धी वाढते. सीता नवमीच्या दिवशी कोणते उपाय करायला हवे जाणून घेऊया.
सीता नवमीला देवी लक्ष्मीची पूजा केल्याने प्रसन्न होऊन तुम्हाला सुख आणि समृद्धीचे आशीर्वाद मिळतात. माता सीता हे लक्ष्मी देवीचे रुप तर भगवान श्रीराम हे विष्णुजीचे अवतार मानले जाते.
सीता नवमीच्या दिवशी आपल्या घरामध्ये पूजेशी संबंधित काही खास उपाय केल्याने तुम्हाला देवी लक्ष्मीची कृपा प्राप्त होते. १६ मे रोजी सीता नवमीसाठी आम्ही तुम्हाला काही खास उपाय सांगत आहोत.
1. खीरीचा नैवेद्य दाखवा
सीता नवमीच्या दिवशी तांदळाची किंवा मखाण्याची खीर अर्पण करा. धार्मिक मान्यतेनुसार सीता मातेला लक्ष्मीचा अवतार मानले जाते. लक्ष्मीला तांदळाची खीर अतिप्रिय आहे असे म्हटले गेले. ही खीर प्रसाद म्हणून वाटा. हा उपाय केल्याने तुमच्या घरावर लक्ष्मी मातेचा सदैव वास राहिल.
2. गरिबांना दान करा
सीता नवमीच्या दिवशी गरीब आणि गरजू लोकांना दान करा. हातून पुण्यकर्मे घडल्यानंतर देवी लक्ष्मी तुमच्यावर प्रसन्न होईल. तसेच तुमच्या सर्व मनोकामना पूर्ण होतील. या दिवशी गरजू लोकांना कपडे दान करा. अन्नदान आणि फळदान करणे ही शुभ मानले जाते.
Sita Navami 2024 : सीता नवमी कधी? महिलांनो अशाप्रकारे करा पूजा, अखंड सौभाग्यवतीचा मिळेल आशीर्वाद
3. श्रृंगाराच्या वस्तू
सीता नवमीच्या शुभ मुहूर्तावर विवाहित महिलांना श्रृंगाराचे सामान अर्पण करा. तसेच मेकअपचे साहित्य गरजू महिलेला दान करा. हा उपाय केल्याने घरात सुख-समृद्धी येते. पतीला दीर्घायुषी होण्याचा आशीर्वाद मिळतो. या उपायाने माता लक्ष्मी प्रसन्न होते. तसेच घरातील पैशांची कमतरता दूर होते.
4. हळदी संबंधित उपाय
सीता नवमीच्या दिवशी भिजवलेली हळद लाल कपड्यात बांधून झोपण्यापूर्वी तिजोरीत ठेवा. हा उपाय केल्याने देवी लक्ष्मी प्रसन्न होते. तसेच घरात सुख-समृद्धी येते. आणि घरातील आर्थिक सुबत्ता वाढण्यास मदत होते.
5. या उपायाने इच्छा होतील पूर्ण
सीता नवमीच्या दिवशी आपली आर्थिक स्थिती मजबूत करण्यासाठी पिवळे वस्त्र परिधान करावे. यासोबतच माता सीता आणि भगवान राम यांना पिवळे वस्त्र अर्पण करा. पिवळी फुले अर्पण करा आणि पिवळ्या ताटात नैवेद्य दाखवा. या उपायाचा अवलंब केल्याने तुमच्या घरात उत्पन्नाचे नवीन स्रोत वाढतील आणि संपत्ती वाढेल.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.