Ransomware Attack: रॅन्समवेअरचा वापर करून लोकांची होतेय फसवणूक, जाणून घ्या कसे टाळता येईल

जर एखाद्या अनेक गोष्टीचे फायदे असतील तर त्याचे तोटेही आहेत. तंत्रज्ञानाने नक्कीच आपल्या सर्वांचे काम सोपे केले आहे, परंतु याच तंत्रज्ञानामुळे दररोज जगाच्या कोणत्या ना कोणत्या कोपऱ्यात कोणीतरी रॅन्समवेअर हल्ल्याचा बळी ठरत आहे.

रॅन्समवेअर हल्ला म्हणजे काय आणि तो कसा टाळता येईल? आज आम्ही तुम्हाला या सर्व प्रश्नांची माहिती देणार आहोत. रॅन्समवेअर टाळण्यासाठी, सर्वप्रथम हे समजून घेणे आवश्यक आहे की रॅन्समवेअर कसे कार्य करते?

रॅन्समवेअर म्हणजे काय (What is Ransomware)?

रॅन्समवेअर हे एक प्रकारचे मॅलेशियस सॉफ्टवेअर आहे जे तुमच्या फाइल्स लॉक करते आणि नंतर तुमच्या फाइल्स अनलॉक करण्यासाठी तुमच्याकडून मोठ्या रकमेची मागणी केली जाते. गेल्या काही वर्षांत ही समस्या खूप वाढली आहे आणि आता रॅन्समवेअर केवळ लोकांवरच नाही तर व्यापारी आणि सरकारलाही टार्गेट करुत आहेत.

Ransomware कसे कार्य करते?

रॅन्समवेअर हल्ल्यामध्ये आपल्या महत्त्वाच्या फाइल्स लॉक करण्यासाठी आता मजबूत एन्क्रिप्शन वापरले जाते. रॅन्समवेअर सहसा फिशिंग ईमेल, मॅलेशियस फाइल डाउनलोड किंवा सॉफ्टवेअरमधील ब्रिचेसचा फायदा घेऊन डिव्हाइसमध्ये घुसखोरी करते. डिव्हाइसमध्ये प्रवेश केल्यानंतर, रॅन्समवेअर तुमच्या महत्त्वाच्या फाइल्स लॉक करते, जेणेकरून तुम्ही फाइल उघडू शकत नाही.

हल्लेखोर तुमच्या फाइल्स अनलॉक करण्यासाठी खंडणीची मागणी करतो, हे पैसे सहसा क्रिप्टोकरन्सीमध्ये मागितले जातात. एवढेच नाही तर हल्लेखोरांनी खंडणी न दिल्यास पीडित व्यक्तीचा डेटा सार्वजनिकपणे जाहीर करण्याची धमकीही दिली.

रॅन्समवेअर हल्ले टाळण्यासाठी खालील महत्त्वाच्या गोष्टी लक्षात ठेवा:

• रॅन्समवेअर हल्ला टाळण्यासाठी तुमच्या डिव्हाइसचे सॉफ्टवेअर नेहमी अपडेट ठेवा. अनेक वेळा, सिक्युरिटी व्रिचेस आढळल्यानंतर, कंपनी सॉफ्टवेअर अपडेट जारी करते आणि जर सॉफ्टवेअर अपडेट केले नाही तर, रॅन्समवेअर हल्लेखोर या गोष्टीचा फायदा घेऊ शकतात.
• जर तुम्हाला रॅन्समवेअर हल्ला टाळायचा असेल तर तुम्हाला स्वतःला नेहमी अपडेट ठेवावे लागेल. तुम्ही अपडेट न केल्यास, तुम्ही फिशिंग ईमेल आणि इतर ऑनलाइन धोक्यांना ओळखू शकणार नाही.

• रॅन्समवेअर हल्लेखोर तुमच्या महत्त्वाच्या फाइल्समध्ये प्रवेश करतात आणि त्यांना लॉक करतात आणि फाइल्स अनलॉक करण्याच्या बदल्यात मोठ्या रकमेची मागणी करतात. परंतु अशा काही सायबर सुरक्षा कंपन्या आहेत ज्या डिक्रिप्शन टूल्स देखील देतात ज्याच्या मदतीने आपण हल्लेखोरांना बरेच पैसे देण्याऐवजी आपण कंपनीला कमी पैसे देऊन आपल्या फायली अनलॉक करू शकता.

• अनेक कायदेशीर एजन्सींकडे रॅन्समवेअरला सामोरे जाण्यासाठी टूल्स आहेत. अशा परिस्थितीत, रॅन्समवेअर हल्ला होताच, घटनेची त्वरित तक्रार करा जेणेकरून हल्लेखोरांना पकडता येईल.