Helicopter Crash: इराणचे अध्यक्ष इब्राहिम रायसी यांना घेऊन जाणारे हेलिकॉप्टर क्रॅश; दाट धुके आणि खराब हवामानामुळे बचाव कार्यात अडथळे

तेहरान: इराणचे अध्यक्ष इब्राहिम रायसी यांना घेऊन जाणाऱ्या ताफ्यातील हेलिकॉप्टर पूर्व अझरबैजानमध्ये क्रॅश झाल्याचे वृत्त आहे. दाट धुके आणि प्रतिकूल हवामानामुळे अपघात झाला. सरकारी दूरचित्रवाणीने दिलेल्या वृत्तानुसार, बचावकर्ते घटनास्थळी पोहोचण्याचा प्रयत्न करत आहेत. दाट धुक्यामुळे शोध आणि बचाव कार्यात अडथळे येत आहेत. इराणचे अर्थमंत्री अमीर अब्दुल्लाहियान हे देखील हेलिकॉप्टरमध्ये होते.

दाट धुके आणि प्रतिकूल हवामानामुळे शोध आणि बचाव मोहिमेत अडथळे येत असल्याचे इराणच्या अंतर्गत मंत्र्यांनी सांगितले . याशिवाय, देशाचे अर्थमंत्री अमीर अब्दुल्लाहियान हे हेलिकॉप्टरमध्ये राष्ट्रपतींसोबत असल्याचे सांगण्यात येत आहे. तेहरान टाईम्सच्या मते, अध्यक्षांच्या ताफ्यात 3 हेलिकॉप्टर होते, त्यापैकी दोन यशस्वीरित्या त्यांच्या गंतव्यस्थानी पोहोचले.

किझ-कलासी धरणाच्या उद्घाटनासाठी रायसी पूर्व अझरबैजान प्रांतात होते. ६३ वर्षांचे रायसी हे कट्टर पंथीय म्हणून ओळखले जातात आणि यापूर्वी ते देशाच्या न्यायव्यवस्थेचे प्रमुख होते. ते इराणचे सर्वोच्च नेते अयातुल्ला अली खमेनी यांचे आश्रित मानले जातात.

या अपघातानंतर तेहरान टाइम्सने सर्वोच्च राष्ट्रीय सुरक्षा परिषदेचे तातडीचे सत्र बोलवल्याचे वृत्त दिले. इस्लामिक क्रांतीचे नेते अयातुल्ला सय्यद अली खमेनी यांच्या उपस्थितीत हे सत्र पार पडले. इराणचे राष्ट्राध्यक्ष रायसी यांच्या हेलिकॉप्टरचा शोध घेण्याच्या प्रयत्नात खराब हवामानामुळे बचाव पथकांसमोर आव्हाने आहेत.