ACचे टेंप्रेचर कर इतक्या डिग्रीवर सेट, नाहीतर आजारांशी होईल तुमची भेट, भारत सरकारचा सल्ला

उन्हाळ्यात विजेची बचत करायची असते, पण एसीमुळे ते शक्य होत नाही. यामुळेच सरकारने आता एसी युजर्सना काही सल्ला दिला आहे. ते त्याचे पालन तुम्ही करू शकतात आणि यामुळे विजेची बचत करण्यातही मोठी मदत होईल. हे कसे शक्य होईल, असा प्रश्न तुम्हाला पडत असेल, तर सरकारकडून असा कोणता महत्त्वाचा सल्ला देण्यात आला आहे, हे जाणून घेऊया..

तुम्ही एसी कसा वापरावा हे ऊर्जा मंत्रालयाने सांगितले आहे. या गोष्टींचे पालन केल्यास आजारांपासूनही दूर राहता येते. ज्यामुळे पर्यावरणही सुरक्षित राहील. पण यासाठी तुम्हाला सरकारने दिलेल्या या सल्ल्याचे पालन करावे लागेल. मंत्रालयाच्या म्हणण्यानुसार, तुम्ही एसी नेहमी 26 डिग्री किंवा त्यापेक्षा जास्त ठेवा. तरीही उष्णता वाटत असल्यास यूजर्स सीलिंग फॅनचा वापर करू शकतात.

सरकारने दिलेला हा सल्ला कसा पाळाल याबाबतची माहिती एका अधिकाऱ्याने दिली आहे. एसी वापरताना खूप सावध राहावे लागेल, असे त्यात म्हटले आहे. असे न केल्यास तुम्ही आजारांना बळी पडू शकता. जर तुम्ही टेंप्रेचर खूप कमी करून एसी चालवला तर तुमचा विजेचा वापर तर वाढतोच पण त्यामुळे अनेक आजारही होऊ शकतात.

टेंप्रेचरकडे लक्ष का द्यावे?

असे म्हटले आहे की मानवी शरीर 22 ते 39 अंशांपर्यंतचे टेंप्रेचर सहन करू शकते. यापेक्षा एसीचे टेंप्रेचर कमी ठेवल्यास तुम्ही आजारांना बळी ठरु शकतात. एसीचे तापमान 26 अंशांपेक्षा जास्त ठेवल्यास रात्रभरात 5 युनिट्स वाचतात. म्हणजे वर्षभरात तुमचे बरेच पैसे वाचतील. अशा परिस्थितीत विजेच्या बचतीसोबतच शरीर निरोगी राहण्यासही खूप मदत होते.

कंप्रेसर देखील अधिक चांगले करते काम

एसी कसे काम करतो ते जाणून घेऊ. एसी बाहेरील टेंप्रेचरपेक्षा खोलीतील तापमान थंड ठेवण्याचे काम करतो. जर तुम्हाला खोलीचे टेंप्रेचर 24 डिग्री सेल्सिअस ठेवायचे असेल तर एसी यापर्यंत टेंप्रेचर पाहोचवण्याचे काम करतो. पण जेव्हा खोलीचे तापमान 24 डिग्रीवर पोहोचते तेव्हा एसी कॉम्प्रेसर चालू होणे बंद होते. कंप्रेसर बंद झाल्यास फक्त पंखा चालतो. जेव्हा तापमान पुन्हा वाढते, तेव्हा ते टिकवण्यासाठी एसी पुन्हा थंड करू लागतो. पण 45 डिग्रीच्या हवामानात खोलीचे टेंप्रेचर 18 डिग्रीपर्यंत खाली आणण्यासाठी एसीला दीर्घकाळ काम करावे लागते आणि यामुळे कंप्रेसरवर लोड येतो.