UBONने लाँच केले टच डिस्प्ले असलेले इयरबड्स, यूजर्सना मिळेल 60 तासांची बॅटरी लाइफ

UBON ने आपले नवीन इयरबड UBON J18 Future Pods भारतात लॉन्च केले आहेत. त्याची खास गोष्ट म्हणजे हा टच डिस्प्ले सह लॉन्च करण्यात आले आहे. फ्यूचर पॉड्स इयरबड्स स्मार्ट चार्जिंग केससह येतात आणि त्यात 1.45-इंचाचा एलईडी टच-स्क्रीन डिस्प्ले देण्यात आला आहे. या डिस्प्लेमध्ये, यूजरला चार्जिंग केसवर इनकमिंग कॉल, टेक्स्ट मेसेज, म्युझिक प्लेबॅक, सोशल मीडिया नोटिफिकेशन्स यासारख्या डिटेल्स दिसतील. याद्वारे यूजर्स सेल्फीही घेऊ शकतील. यात ॲक्टिव्ह नॉईज कॅन्सलेशन (ANC), दमदार ऑडिओ ड्रायव्हर्स आणि जास्त काळ टिकणाऱ्या बॅटरी लाइफसह एक आकर्षक डिझाइन देखील आहे. किंमत किती आहे आणि काय खास आहे, चला सविस्तर जाणून घेऊया…

किंमत आणि उपलब्धता

डिस्प्लेसह या इयरबड्सची किंमत 2499 रुपये आहे. हे कंपनीच्या अधिकृत वेबसाइटवर तसेच भारतातील काही रिटेल आउटलेटवर खरेदीसाठी उपलब्ध आहेत.

केससह एकूण 60 तासांचा प्लेइंग टाइम

याशिवाय UBON J18 फ्यूचर पॉड्स इयरबड्स, कॉलिंग दरम्यान स्पष्ट आवाजासाठी ऍक्टीव्ह नॉइज कॅन्सलेशन (ANC) आणि सराऊंड नॉइज कॅन्सलेशनसारख्या फिचर्सला सपोर्ट करतात. यात म्युझिक इक्वेलायझरसह विविध लिसनिंग मोड देखील आहेत, जे कॉलिंग आणि म्युझिक ऐकण्याचा उत्तम अनुभव ददेतील. कंपनीचा दावा आहे की ते 60 तासांपर्यंत प्लेइंग टाइम मिळेल. हे इअरबड प्रवासात, वॉकिंग करतांना, जिम सेशन आणि स्ट्रिमिंग चित्रपट बघण्यासाठी बेस्ट ऑप्शन ठरतील

अनेक आकर्षक फिचर्स

एकाच स्वाइपने, युजर्स सहजपणे पॉड अनलॉक करू शकतात आणि व्हिडिओ पाहताना, तुम्ही पॉडच्या डिस्प्लेद्वारे सहज प्ले आणि पॉज करू शकता. याव्यतिरिक्त, तुम्ही वॉलपेपर बदलू शकता . शिवाय तुम्हाला फोनमधील म्युझिक देखील कंट्रोल करता येणार आहे. या इअरबड्सचे आणखी एक फिचर म्हणजे ते ॲडप्टिव्ह ANC आणि ENC ला सपोर्ट करतात. जे यूजर्सच्या आसपासच्या आवाजानुसार ऍडजस्ट केले जाऊ शकतात. तसेच चार्जिंगसाठी यात सी पोर्ट देण्यात आले आहे.