Tej Police Times
म्युझिक ऐकण्यासाठी वायरलेस इयरबड्स आपल्या कानात पटकन घालणे आणि ते दीर्घकाळ वापरणे हा आता एक नवीन ट्रेंड बनला आहे. याचे प्रमुख कारण म्हणजे 3.5mm हेडफोन जॅक आता बहुतेक नवीन स्मार्टफोनमध्ये उपलब्ध नाही, यामुळे ब्लूटूथ वेअरेबल्स हा एक चांगला पर्याय आहे. मात्र, त्यांचा जास्त वापर आणि निष्काळजीपणामुळे कानाला इन्फेक्शन होऊ शकते. इअरबड्स जास्त काळ वापरण्याचे कोणते धोके आहेत आणि ते कसे टाळता येतील याकडे एक नजर टाकूया.
जास्त काळासाठी इयरबड्स वापरल्यामुळे या समस्या येऊ शकतात
बॅक्टेरिया आणि बुरशी: बॅक्टेरिया आणि बुरशी इअरबड्समध्ये जमा होऊ शकतात, ज्यामुळे कानापर्यंत पोहोचू शकते आणि इन्फेक्शन होऊ शकते.
इयर वॅक्स: इअरबड्स दीर्घकाळ घातल्यामुळे इयर वॅक्स जमा होऊ शकतो, ज्यामुळे ऐकण्याच्या समस्या आणि संसर्ग होऊ शकतो.
त्वचेला जळजळ: काही लोकांना इयरबड्सच्या सतत वापरामुळे त्वचेवर जळजळ आणि ऍलर्जी होऊ शकते, ज्यामुळे कानात खाज सुटणे, लालसरपणा आणि सूज येऊ शकते.
तुमच्या कानात वेदना, सूज किंवा खाज येत असेल किंवा कानातून रक्त स्त्राव होत असेल तर सावध व्हा. याशिवाय, तुम्हाला ऐकण्यास त्रास होत असला तरीही, इअरबड्सच्या वापराबाबत सावधगिरी बाळगणे आवश्यक आहे.
अशा प्रकारे तुम्ही स्वतःला इन्फेक्शनपासून सुरक्षित ठेवू शकता
- जर तुम्हाला अशा इन्फेक्शनच्या धोक्यापासून स्वतःचा बचाव करायचा असल्यास काही गोष्टी लक्षात ठेवल्या पाहिजेत.
- इअरबड्स तयार करणाऱ्या कंपनीने दिलेल्या सूचनांनुसार इअरबड्स स्वच्छ करणे आवश्यक आहे. अस्वच्छ इअरबड्स अशा इन्फेक्शनचे प्रमुख कारण बनू शकतात.
- आधी तुमचे कान चांगले कोरडे करा आणि त्यानंतरच इअरबड्स वापरा. कानात ओलावा असताना इअरबड्स वापरल्यास इन्फेक्शनचा धोका वाढतो.
- शक्य असल्यास जास्त वेळ इअरबड्स वापरू नका.
- तुम्हाला कोणत्याही प्रकारची समस्या वाटत असल्यास, इअरबड वापरणे थांबवा किंवा ते बदला.
तुम्हाला हवे असल्यास, तुम्ही एकापेक्षा जास्त इअरबड वापरू शकता. ते स्टोअर करण्याची जागा देखील चांगली हवी. जर इअरबड्स बराच काळ वापरायचे नसतील तर ते नीट स्वच्छ ठेवा.