DJI Mini 4K: सिंगल चार्जमध्ये 31 मिनिटे फ्लाईंग टाईम, कंपनीने लाँच केला वजनाने हलका आणि कॉम्पॅक्ट ड्रोन; किंमत जाणून घ्या

चीनी ड्रोन निर्माता DJI त्यांच्या ड्रोन्ससाठी जगभरात लोकप्रिय आहे. कंपनीने आपल्या ड्रोन फ्लीटमध्ये नवीन मिनी 4K मॉडेल जोडले आहे. सध्या ते चीनमध्ये लॉन्च करण्यात आले आहे. DJI Mini 4K हे ड्रोन Mini 2 SE च्या तुलनेत अधिक चांगल्या कॅमेरा सिस्टिमने सुसज्ज असल्याचा क्लेम कंपनीने केला आहे. यामध्ये 30fps वर 4K रेकॉर्डिंग करता येते. परंतु, त्याचे इतर फिचर्स DJI Mini 2 SE सारखेच आहेत. DJI Mini 4K बद्दल आपण डिटेल्स जाणून घेऊया.

दमदार ड्रोनची किंमत

DJI Mini 4K चीनमध्ये 1,499 युआन (सुमारे 17,200 रुपये) या किमतीत लॉन्च करण्यात आले आहे. हे ड्रोन JD.com द्वारे चीनमध्ये ऑनलाइन खरेदी केले जाऊ शकते. कंपनीचे हे मिनी 4K ड्रोन आधीच ग्लोबल मार्केटमध्ये उपलब्ध आहे. DJI काही निर्बंधांमुळे भारतात अधिकृतपणे त्यांच्या ड्रोन्सची विक्री करत नाही. अशा परिस्थितीत ते भारतात लाँच होण्याची शक्यता नाही. गेल्या महिन्यात, DJI Mini 4K अमेरिकेमध्ये 299 डॉलर्स (सुमारे 24,888 रुपये) किमतीत लाँच करण्यात आला होता.

DJI Mini 4K हा एक हलका ड्रोन आहे, ज्याचे वजन फक्त 249 ग्रॅम आहे. हे वन-क्लिक टेकऑफ आणि लँडिंगसह ऑटोमॅटिक रिटर्नला सपोर्ट करतो. मिनी 4K 3-एक्सिस डिजिटल जिम्बल आणि इलेक्ट्रॉनिक इमेज स्टॅबिलायझेशन (EIS) सारख्या प्रीमियम फिचर्ससह सुसज्ज आहे.

एका क्लिकवर शुट करेल पूर्ण व्हिडिओ

यामध्ये शॉर्ट फिल्म आणि पॅनोरॅमिक फोटो यासारखे शूटिंग मोड्स फक्त एका क्लिकवर शूट केले जाऊ शकतात. स्क्रीनवर फक्त दोन टॅप्ससह, मिनी 4K अनेक उपलब्ध फिल्टर आणि साउंडट्रॅकसह एक लहान व्हिडिओ ऑटोमॅटिक तयार करू शकतो. याव्यतिरिक्त, युजर्स ते थेट शेअर करू शकतात किंवा ॲपमध्ये व्हिडिओ एडिट करू शकतात. त्याच्या इमेज ट्रान्समिशनचे अंतर 10 किलोमीटरपर्यंत मोजले गेले आहे.

बॅटरीबद्दल बोलायचे झाले तर DJI कंपनी ड्रोन पूर्ण चार्ज केल्यावर 31 मिनिटांचा फ्लाईंग टाइम देण्याचा क्लेम करते. जेव्हा व्हिडिओ रेकॉर्डिंग केले जात नाही, तेव्हा ते 93 मिनिटे उडवले जाऊ शकते. मिनी 4K वाइड-अँगल, 180-डिग्री आणि राऊंड पॅनोरामा मोडमध्ये पॅनोरॅमिक शॉट्स कॅप्चर करू शकतो. यात चार ब्रशलेस मोटर्स आहेत. ज्यांच्या साहाय्याने तो 4,000 मीटर उंचीपर्यंत उडू शकतो.