रेडमी-रियलमीला टक्कर देण्यासाठी येतोय स्वदेशी फोन; तारीख ठरली

सध्या स्वदेशी स्मार्टफोनचे पर्याय खूप कमी आहेत, परंतु याच आठवड्यात Lava चा Yuva 5G लाँच केला जाईल. ज्यात सर्कुलर कॅमेरा आयलंड आणि होल पंच कटआउट देण्यात आली आहे. या स्मार्टफोनमध्ये MediaTek Dimensity चिपसेट असू शकतो. याची विक्री ई-कॉमर्स साइट Amazonच्या माध्यमातून केली जाईल.

Lava नं सोशल मीडिया प्लॅटफॉर्म X वर एक पोस्टमध्ये Yuva 5G 30 मेला लाँच केला जाईल, अशी माहिती दिली आहे. या स्मार्टफोनच्या टीजर व्हिडीओ मध्ये याच्या डिजाइनचा देखील खुलासा करण्यात आला आहे. यात सर्कुलर शेप कॅमेरा मॉड्यूल आणि आर्टिफिशियल इंटेलिजेंस (AI) सपोर्टसह ड्युअल रियर कॅमेरा यूनिट आहे. याचा प्रायमरी कॅमेरा 50 मेगापिक्सलचा आहे. सोबत ग्लास रियर पॅनल मॅट फिनिशसह मिळेल. फोनच्या रियर पॅनलवर खाली Lava ची ब्रँडिंग आहे.
स्वदेशी कंपनीनं बनवलेला 5G फोन हवाय? मग काही दिवस थांबा, Lava करणार कमाल

या स्मार्टफोनसाठी अ‍ॅमेझॉनवर एक मायक्रोसाइट लाइव्ह झाली आहे. यात प्रोसेसर म्हणून MediaTek Dimensity 6300 SoC किंवा Dimensity 6080 SoC दिला जाऊ शकतो. फोनमध्ये फ्रंटला सेल्फी आणि व्हिडीओ कॉलसाठी 16 मेगापिक्सलचा कॅमेरा मिळू शकतो. या स्मार्टफोनची बॅटरी 5,000 mAh ची असू शकते. याची किंमत 10,000 रुपयांच्या आत ठेवली जाऊ शकते.

अलीकडेच आलेला Lava O2

Lava नं मार्चमध्ये अफोर्डेबल कॅटेगरीमध्ये O2 लाँच केला होता. ज्यात प्रोसेसर म्हणून ऑक्टाकोर Unisoc T616 चिपसेट देण्यात आला आहे. याची 5,000 mAh ची बॅटरी वायर्ड फास्ट चार्जिंगला सपोर्ट करते. हा तीन कलर्समध्ये उपलब्ध करण्यात आला होता. Lava O2 Imperial Green, Majestic Purple आणि Royal Gold मध्ये विकत घेता येईल.

या स्मार्टफोनमध्ये 6.5 इंच HD+ (720×1,600 पिक्सल) डिस्प्ले 90 Hz रिफ्रेश रेटसह आला आहे. यात प्रोसेसर म्हणून ऑक्टाकोर Unisoc T616 चिपसेट देण्यात आला आहे. त्याचबरोबर 8GB RAM आणि 128GB स्टोरेज आहे. हा RAM व्हर्च्युअली 16GB पर्यंत वाढवता येतो. हा अँड्रॉइड 13 OS वर चालतो. यातील ड्युअल रियर कॅमेरा युनिटमध्ये 50 मेगापिक्सलचा प्रायमरी कॅमेरा आणि AI सपोर्ट असलेला सेन्सर देण्यात आला आहे. तर फ्रंटला सेल्फी आणि व्हिडीओ कॉलसाठी 8 मेगापिक्सलचा कॅमेरा आहे.