युजर्ससाठी YouTube आणले भन्नाट फिचर, आता ऍपवर खेळता येतील आवडीचे गेम्स

जर तुम्हाला यूट्यूबवर गाणी ऐकण्याचा आणि चित्रपट पाहण्याचा कंटाळा आला असेल, तर आता तुम्हाला यूट्यूबवरही गेमिंगचा आनंद घेता येणार आहे. यूट्यूबने आपल्या युजर्ससाठी खास फीचर आणले आहे.. YouTube आपले “प्लेबल” फिचर Android, iOS आणि वेब प्लॅटफॉर्मवर सादर करणार आहे. गेल्या वर्षी कंपनीने या फिचरची टेस्टिंग सुरू केली होती आणि आता कंपनीने ते लाँच केले आहे.

YouTube प्लॅटफॉर्मने Playables हे एक नवीन फिचर लाँच केले आहे, जे YouTube ॲपमध्येच इंटीग्रेटेड फ्री-टू-प्ले, लाइट गेम ऑफर करते. हे गेम YouTube मोबाइल ॲप आणि डेस्कटॉप वेब व्हर्जनवर खेळण्यासाठी उपलब्ध आहेत आणि यासाठी इतर कोणत्याही ॲप्सच्या डाउनलोड किंवा इंस्टॉलेशनची आवश्यकता नाही.

सध्या, YouTubeने Playables वर 75 हून अधिक गेम्स उपलब्ध करुन दिले आहेत, जे लोकांच्या विविध आवडीनिवडीनुसार विविध कॅटॅगिरीमध्ये विभागलेले आहेत. यात काही लोकप्रिय गेम्स म्हणजेच “Angry Birds Showdown,” “Cut the Rope,” आणि “Trivia Crack” यांचा समावेश आहे. ऍक्शन, स्पोर्ट्स, ब्रेन आणि पझल, आर्केड, आरपीजी आणि स्ट्रॅटेजी, बोर्ड आणि कार्ड, ट्रिव्हिया आणि वर्ड, आणि सिम्युलेशन अशा वेगवेगळ्या कॅटॅगिरीज गेम विभागले गेले आहेत.

Playables कसे ऍक्सेस कराल?

तुम्ही हे गेम YouTube होम पेजवर देण्यात आलेल्या कॅरोसेलमध्ये पाहू शकणार आहात. हे नवीन फिचर Playables डेस्टिनेशन पेजवर देखील उपलब्ध असणार आहे, जे पॉडकास्ट हब अंतर्गत एक्सप्लोर मेनूद्वारे ऍक्सेस केले जाऊ शकते. या पेजवर, युजर्स विविध प्रकारचे गेम ब्राउझ करू शकतात आणि निवडू शकतात. कोणत्याही गेम कार्डवर क्लिक केल्यावर लगेच गेमप्ले सुरू होईल.

प्रत्येक गेमच्या इंटरफेसमधून बाहेर पडण्यासाठी, म्यूट किंवा अनम्यूट करण्यासाठी, गेम सेव्ह करण्यासाठी आणि ओव्हरफ्लो मेनूद्वारे इतर ऑप्शन्समध्ये ऍक्सेस करण्यासाठी कंट्रोल दिले जातात. YouTube Premium युजर्ससाठी, गेम ऑडिओ म्यूट केला असला तरीही व्हिडिओ बॅकग्राउंडमध्ये खेळणे सुरू ठेवू शकतात, तर नॉन-प्रिमियम युजर्स बाय डीफॉल्ट गेम ऑडिओचा अनुभव घेतील.

YouTube Playables कोणत्या देशांमध्ये उपलब्ध आहे

YouTube Playables हे फिचर सध्या युनायटेड स्टेट्स, ग्रेट ब्रिटन, कॅनडा आणि ऑस्ट्रेलियामधील निवडक युजर्ससाठी उपलब्ध आहे. येत्या काही महिन्यांत हे फिचर अधिकाधिक युजर्सपर्यंत पोहोचण्याची अपेक्षा आहे. या देशांमधील यूजर्स सध्या लिंकद्वारे हे गेम्स ऍक्सेस करू शकता.

या डिव्हाइसेसमध्ये सपोर्ट करेल YouTube Playables

YouTube Playables गेम खेळण्यासाठी, यूजर्सकडे YouTube ॲपचे लेटेस्ट व्हर्जन असणे आवश्यक आहे. डिटेल्स जाणून घेऊया

• Android डिव्हाइस: YouTube ॲप व्हर्जन 18.33 सपोर्टेड डिवाइसेस

• iOS डिव्हाइस: YouTube ॲप व्हर्जन 18.33 किंवा उच्च, iOS 14 आणि त्यावरील डिवाइसेसला हे सपोर्ट करते.

• डेस्कटॉप वेब: क्रोम, सफारी आणि फायरफॉक्स ब्राउझरला हे फिचर सपोर्ट करते.

हे गेम खेळण्यासाठी कोणत्याही अतिरिक्त हार्डवेअर किंवा सॉफ्टवेअरची आवश्यकता नाही. तुम्हाला फक्त एक स्थिर वाय-फाय कनेक्शन किंवा डेटा प्लॅन असणे आवश्यक आहे.