iPhone 80% नंतर चार्ज होत नाही? तुमच्या फोनची ही सेटींग तर ऑन नाही ना, असे करा चेक

iPhone Charging Problem: आजकाल बहुतेक लोकांना आयफोन वापरणे आवडते. हे खूपच प्रीमियम दिसते आणि त्यात अनेक अप्रतिम फिचर्स देण्यात आलेले आहेत, ज्यामुळे त्याची किंमत देखील महाग आहे. हा फोन युजर्समध्ये खूप लोकप्रिय आहे. परंतु, जर तुमचा iPhone 80 टक्क्यांपर्यंत चार्ज झाल्यानंतर चार्जिंग थांबत असेल तर काळजी करू नका. ही फक्त तुमची समस्या नाही. अनेकांना ही समस्या असते. पण, घाबरण्याची गरज नाही. आज आम्ही तुम्हाला हे का घडते आणि ही समस्या कशी सोडवावी याचा मार्ग सांगणार आहोत.

जर तुमचा आयफोन 80 टक्के चार्ज झाल्यानंतर चार्जिंग बंद होत असेल किंवा मधूनमधून चार्ज होत असेल तर यात कोणतीही अडचण नाही. असे अजिबात समजू नका की हे कोणत्याही समस्येमुळे होत आहे. हे iOS 13मध्ये कंपनीकडून देण्यात आलेल्या Appleच्या फिचरमुळे होते, ज्याचे नाव “ऑप्टिमाइज्ड बॅटरी चार्जिंग” आहे.

तुमच्या मोबाईल चार्जिंगची सवय लक्षात घेऊन हे फीचर काम करते. तुम्ही बराच वेळ फोन चार्जिंगला ठेवत असाल तर हे फिचर 80टक्क्यांवर चार्जिंग थांबवते. तुम्ही रात्रभर फोन चार्जिंगला ठेवत असाल तर तर तुमची बॅटरी लाइफ वाढवण्याचे काम हे फिचर करते.

फिचर कसे अनेबल करावे

तुम्हाला हे फिचर अनेबल करायचे असल्यास, “सेटिंग्ज” वर जा. नंतर “बॅटरी” आणि नंतर “बॅटरी हेल्थ” निवडा. येथे तुम्ही “ऑप्टिमाइज्ड बॅटरी चार्जिंग” ऑप्शन ऑन करा. तुमचा आयफोन १०० टक्के पूर्ण चार्ज व्हावा असे तुम्हाला वाटत असेल तर तो बंद करा.

अनेक वेळा, चार्जिंग दरम्यान फोन खूप गरम झाला तरीही आपोआप चार्जिंग थांबवतो. अशा परिस्थितीत फोन थोडा थंड होऊ द्या आणि नंतर चार्ज करा. कधीकधी खराब चार्जर किंवा केबल देखील समस्या असू शकते. अशा परिस्थितीत, दुसरा चार्जर आणि केबल वापरून पहा. एवढं करूनही समस्या थांबत नसेल तर फोनच्या बॅटरीमध्ये किंवा चार्जिंग पोर्टमध्ये काही बिघाड होऊ शकतो. अशा परिस्थितीत, तुम्ही Apple सपोर्टशी संपर्क साधावा किंवा Apple Store ला भेट द्यावी.