नादखुळा! Janhvi Kapoor चा जबरी फॅन, सोलापुरच्या पठ्ठ्यानं बुक केलं अख्खं थिएटर, केला इतक्या लाखांचा खर्च

मुंबई: बॉलिवूडचे कलाकारांचे चाहते काय करतील याचा नियम नाही. आपल्या आवडत्या सेलिब्रिटीसाठी, कलाकारासाठी हे चाहते वाट्टेल ते करायला तयार असतात. कोण कलाकारांच्या घरासमोर तासंतास वाट बघत थांबतात, तर कोण टॅटू काढतात. पण सोलापुरच्या एका चाहत्यानं तर आवडत्या अभिनेत्रीसाठी अख्ख थिएटर बुक केलंय.

अभिनेत्री जान्हवी कपूर हिचा ‘मिस्टर अँड मिसेस माही’ सिनेमा नुकताच प्रदर्शित झाला. जान्हवी आणि अभिनेता राजकुमार रावच्या सिनेमाला प्रेक्षकांचा चांगलाच प्रतिसाद मिळताना दिसतोय. तर सोलापुरातल्या जान्हवीच्या एका चाहत्यानं तर अख्ख थिएटर बुक केलं आहे. विशेष म्हणजे त्यानं अनाथ आश्रमातल्या मुलांसाठी हे थिएटर बुक केलं होतं. धर्मराज गुंडे असं त्याचं नाव आहे. त्यानं सिनेमाच्या स्क्रीनिंगसाठी १८ शो बुक केले होते. तर यासाठी त्याला तब्बल सहा लाख रुपये मोजावे लागले आहेत.जान्हवीच्या या जबरी चाहत्याची सध्या सगळीकडेच चर्चा सुरू आहे.

असंही कनेक्शन
दरम्यान, धर्मराज गुंडे हा तरुण जान्हवीचा कथित बॉयफ्रेंड आणि माजी मुख्यमंत्री सुशीलकुमार शिंदे यांचा नातू शिखर पहाडिया याचा कार्यकर्ता असल्याचं दिसून येतंय. धर्मराज गुंडे याचे शिखर पहाडियासोबत अनेक फोटो पाहायला मिळतात.

सिनेमाबद्दल बोलायचं झालं तर अभिनेता राजकुमार राव, जान्हवी कपूर, राजेश शर्मा, कुमुद मिश्रा, झरिना वहाब, यामिनी दास यांच्या सिनेमात मुख्य भूमिका आहेत.शरण शर्मा यानं सिनेमाचं दिग्दर्शन केलंय. तर करण जोहरनं या सिनेमाची निर्मिती केली आहे. ‘स्पोर्ट्स ड्रामा विथ लव्हस्टोरी’ असलेल्या सिनेमाला प्रेक्षकांचा चांगला प्रतिसाद मिळताना दिसतोय.

Mr. & Mrs. Mahi बॉक्स ऑफिसवर हिट, पहिल्याच दिवशी सिनेमानं कमावले तब्बल इतके कोटी
कमाई किती?
‘मिस्टर अँड मिसेस माही’ सिनेमानं तीन दिवसांत १६ कोटींच्यावर कमाई केली आहे. पहिल्या दिवशी सिनेमानं सात कोटींच्या जवळपास कमाई केली होती. तर दुसऱ्या दिवशी सिनेमा पाच कोटींची कमाई केली होती. तर तिसऱ्या दिवशी सिनेमानं साडेपाच कोटींच्या आसपास कमाई केली आहे.
भर कार्यक्रमात पाकिस्तानी गायकाची लता मंगेशकरांना आदरांजली, Video व्हायरल

दरम्यान, अभिनेत्री जान्हवी कपूर नेहमीच तिची आई दिवंगत अभिनेत्री श्रीदेवी यांच्याविषयीच्या आठवणी शेअर करत असते. मध्यंतरी जान्हवीनं आईची आवडती साडी नेसून पुरस्कार सोहळ्याला लावलेली हजेरी चर्चेचा विषय ठरली होती. ‘मिस्टर अँड मिसेस माही’ चित्रपटाच्या प्रदर्शनापूर्वी जान्हवीनं चेन्नईतल्या तिच्या आईच्या आवडत्या ठिकाणाला भेट दिली होती. हे ठिकाण आहे मुप्पाथम्मन् मंदिर. या मंदिरात जाताना तिनं तिचा आवडता पेहराव अर्थात फ्लोरल प्रिंट असलेला लेहेंगा-चोली परिधान केली होती. यापूर्वी अनेकदा या ठिकाणी जायचा जान्हवीचा योग जुळून येता येता राहिला होता. मात्र, या शहरात जाताच तिनं या ठिकाणाला आवर्जून भेट दिली. ‘चेन्नई भेटीतली आईची सर्वांत आवडीची जागा,’ असंही जान्हवीनं म्हटलं आहे. आईच्या जाण्यानंतर आपण अधिक आध्यात्मिक आणि भावनिक झाल्याचंही जान्हवीनं नमूद केलं आहे. आगामी काळात जान्हवी वैविध्यपूर्ण भूमिकांतून चाहत्यांसमोर येणार आहे.