NASAने शेअर केला भयंकर वादळाचा फोटो, 400 किलोमीटर दुरूनही दिसते अवाढव्य, पाहा

By tejpolicetimes On Jun 4, 2024

स्पेस एजन्सी NASAने एक अतिशय आश्चर्यकारक फोटो शेअर केला आहे. अंतराळातून अनेकवेळा नासा पृथ्वीचे आश्चर्यचकित करणारे फोटोही शेअर करते. स्पेस एजन्सी हे फोटो आपल्या X किंवा Instagram सारख्या सोशल मीडिया हँडलवर हे फोटोज पोस्ट करत असते. आता NASA ने इंटरनॅशनल स्पेस स्टेशन (ISS) वरून घेतलेले असाच एक फोटो शेअर केला आहे. जो बघून अनेकांना आश्चर्याचा धक्का बसेल. हा फोटो एका वादळाचा आहे ज्याचे नाव ‘हरिकेन इडालिया’ असे आहे.

गेल्या वर्षी आले होते हे चक्रीवादळ

NASAने गेल्या वर्षी ऑगस्टमध्ये आलेल्या इडालिया चक्रीवादळाचा फोटो शेअर केला आहे. स्पेस स्टेशनवरून ते आकाराने खूप मोठे दिसते. नासाचे शास्त्रज्ञ, स्पेस स्टेशनवर राहत असताना, पृथ्वीवर होणाऱ्या चक्रीवादळ आणि वादळांचे निरीक्षण आणि अभ्यास करतात. यामुळे शास्त्रज्ञांना चक्रीवादळांचा हवामान बदलावर कसा परिणाम होतो हे समजण्यास मदत होते. यामुळे आपण भविष्यात येणाऱ्या अशा प्रकारच्या चक्रीवादळांसाठी सज्ज राहू शकतो.

नासाने शेअर केलेल्या फोटोमध्ये इंटरनॅशनल स्पेस स्टेशन (ISS) चा काही भागही दिसत आहे. हा भाग डाव्या बाजूला पाहता येतो. फोटोत दिसणारे हे मोठे पांढरे वर्तुळ म्हणजे इडालिया वादळ आहे. नासाने टिपलेला हा फोटो 23 ऑगस्ट 2023 चा आहे. जो स्पेस स्टेशनवर बसवण्यात आलेल्या हाय डेफिनेशन कॅमेऱ्यातून घेण्यात आला होता. हे वादळ मेक्सिकोच्या आखातावर दिसत आहे.

15 फूट उंचीपर्यंत उसळल्या वादळाच्या लाटा

सिडर की बेटावरील रहिवाशांना अधिकाऱ्यांनी इशारा दिला होता की इडालियापासून वादळाची लाट 15 फूट (4.5 मीटर) उंचीपर्यंत पोहोचू शकते. वादळापासून वाचण्यासाठी जवळपास 900 कुटुंबांना घरे सोडून सुरक्षित ठिकाणी जाण्याचे आवाहन करण्यात आले होते.

वादळांचा सिजन झाला सुरु

इडालिया वादळाबद्दल असे सांगण्यात आले की त्यात ताशी 140 किलोमीटर वेगाने वारे वाहत होते. ते फ्लोरिडाच्या बिग बँड भागात अनुभवण्यात आले. पश्चिमेकडे अशी वादळे येण्याचा सिजन आता सुरु झाला आहे. फॉक्स न्यूजनुसार, अटलांटिकमधून उद्भवणाऱ्या चक्रीवादळांचा सिजन 1 जूनपासून सुरू होतो. हे वर्षाच्या अखेरीपर्यंत चालू राहते आणि ३० नोव्हेंबरपर्यंत पृथ्वीवर अशी भीषण वादळे येतात.

Source link