Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
समुद्रात सापडले मानवाने कधीही न बघितलेले जीव, समुद्रात 5.5 किलोमीटर खोलवर करण्यात आले संशोधन
समुद्राच्या खोलात शास्त्रज्ञांना असे जीव सापडले आहेत. जे आतापर्यंत मानवाने कधीही बघितले नव्हते. हे जीव अतिशय रहस्यमयी असून यापूर्वी कधीही पाहिलेले नाहीत. संशोधकांना पॅसिफिक महासागराच्या खोल भागात क्लेरियन-क्लिपरटन झोनमध्ये हे जीव सापडले आहेत. अशा प्राण्यांच्या अनेक प्रजाती या झोनमध्ये उदयास आल्या आहेत. हा प्रदेश मेक्सिको आणि हवाई दरम्यान येतो.
स्वीडनमधील युनिव्हर्सिटीने राबवली शोध मोहीम
शास्त्रज्ञ म्हणतात की हा एक झोन आहे ज्यामध्ये नेहमी अंधार असतो. म्हणजे हे महासागराचे एक अंधकारमय जग आहे ज्यात प्रकाश कधीच जात नाही. या अजब जीवांच्या शोधाने हे सिद्ध केले आहे की महासागर अजूनही स्वतःमध्ये बरेच काही लपवून ठेवत आहे, ज्यापर्यंत माणूस अजून पोहोचू शकला नाही. गोथेनबर्ग युनिव्हर्सिटीने प्रसिद्ध केलेल्या प्रेस रिलीझनुसार, मेक्सिको आणि हवाई दरम्यान असलेल्या क्लेरियन-क्लिपरटन झोनमध्ये मार्चमध्ये 45 दिवसांची संशोधन मोहीम आयोजित करण्यात आली होती.
पृथ्वीवरील सर्वात कमी एक्स्प्लोअर एरियाची करण्यात आली स्टडी
ब्रिटीश संशोधन जहाज जेम्स कुकमध्ये एक शास्त्रज्ञ, थॉमस डहलग्रेन, गोटेनबर्ग युनिव्हर्सिटीत काम करणारे सागरी पर्यावरणशास्त्रज्ञ देखील होते. ते NORCE संशोधन संस्थेशीही संबंधित आहेत. थॉमस डॅलग्रेन यांच्या मते, हे क्षेत्र पृथ्वीवरील सर्वात कमी एक्स्प्लोअर करण्यात आलेला एरिया आहे. या एरियाची Abyssal Plains म्हणून स्टडी करण्यात आली. येथील समुद्राची खोली 3500 ते 5500 मीटर पर्यंत आहे.
शास्त्रज्ञांचे म्हणणे आहे की जरी महासागराचे क्षेत्र पृथ्वीवरच्या जमिनीच्या निम्म्यातून अधिक असले, तरीही मानवांना सागराच्या आत असलेल्या जीवांबद्दल फारच कमी माहिती आहे. संशोधक थॉमस डॅलग्रेन यांचा विश्वास आहे की ही मोहीम 18 व्या शतकाच्या सुरुवातीला नवीन प्रजाती आणि ईकोसिस्टम शोधण्यासाठी काढण्यात आलेल्या मोहिमेसारखीच आहे. त्यांच्यासाठी ही गोष्ट खूपच थरारक ठरली आहे. या भागात प्रजातींची डेनसिटी खूप जास्त आहे जी आश्चर्यकारक आहे. या प्राण्यांनी स्वतःला अशा प्रकारे कव्हर केले आहे की त्यांच्यावर विश्वास ठेवणे कठीण आहे.
या मोहिमेत सापडलेल्या सर्वात मोठ्या जीवांपैकी समुद्री काकडी आहेत. ते समुद्राच्या तळाशी व्हॅक्यूम क्लिनरसारखे काम करतात. त्यांचे वैशिष्ट्य म्हणजे त्यांना अशी ठिकाणे सापडतात जिथून इतर फार कमी जीव गेले असतील.