Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई– शर्वरी वाघ, अभय वर्मा आणि मोना सिंह यांचा ‘मुंज्या’ हा चित्रपट बॉक्स ऑफिसवर खळबळ माजवत आहे. एकीकडे बॉलिवूड आणि साऊथचे मोठे चित्रपट सपशेल आपटत असताना, कमी बजेट आणि कोणत्याही मोठ्या स्टारशिवाय ही हॉरर-कॉमेडी बॉक्स ऑफिसवर उत्तम कामगिरी करत आहे. विशेष म्हणजे ‘मुंज्या’ची कमाई आठवड्याच्या मधल्या दिवशी कमी होण्याऐवजी वाढत आहे. या चित्रपटाने पाच दिवसांत २७.१० कोटी रुपयांचे कलेक्शन केले. दुसरीकडे, मंगळवारी राजकुमार राव आणि जान्हवी कपूरच्या ‘मिस्टर अँड मिसेस माही’च्या कमाईत थोडीशी सुधारणा झाली आहे, परंतु आता तीही केवळ लाखांमध्येच आहे.sacnilk च्या रिपोर्टनुसार, आदित्य सरपोतदार दिग्दर्शित ‘मुंज्या’ने मंगळवारी ५ व्या दिवशी ४.१५ कोटींचा व्यवसाय केला. सोमवारी त्याने सुरुवातीच्या ४ कोटी रुपयांचा व्यवसाय केला होता. मात्र दुसऱ्या दिवशी मंगळवारी ‘मुंज्या’ पाहण्यासाठी आलेल्या प्रेक्षकांची संख्याही वाढली आहे. थिएटरमध्ये १८ % जागांवर प्रेक्षक दिसले.
‘आर्टिकल 370’ पेक्षा ‘मुंज्या’ दमदार
‘स्त्री’ आणि ‘भेडिया’चे निर्माते दिनेश विजान आणि अमर कौशिक पुन्हा एकदा हॉरर-कॉमेडीच्या माध्यमातून प्रेक्षकांची मने जिंकण्यात यशस्वी झाले आहेत. ‘शैतान’ आणि ‘आर्टिकल 370’ नंतर ‘मुंज्या’ हा बॉलिवूडचा तिसरा हिट चित्रपट ठरला आहे. विशेष म्हणजे शर्वरीचा सिनेमा यामी गौतमच्या ‘आर्टिक 370’ पेक्षा दमदार आहे. चित्रपटाच्या कमाईचा मोठा वाटा कौटुंबिक प्रेक्षकांकडून येत आहे. लहान मुलांपासून ते मोठ्यांपर्यंत सगळेच थिएटरमध्ये सिनेमाचा आनंद घेत आहेत.
![]()
बाळासाहेब ठाकरेंनी नतमस्तक होत का मागितली पु. ल. देशपांडेंची माफी ?
‘मुंज्या’ ७५-८० कोटी रुपये कमवू शकतो
‘मुंज्या’चे बजेट जवळपास २५ कोटी रुपये असल्याचे सांगण्यात येत आहे. म्हणजे अवघ्या पाच दिवसांत चित्रपटाने बजेट ओलांडले आहे. अनेक महिने ओसाड पडलेल्या बॉक्स ऑफिसवर ‘मुंज्या’चे यश हा इतर चित्रपट निर्मात्यांसाठीही मोठा धडा आहे. सध्या हा चित्रपट ज्या पद्धतीने कमाई करत आहे, त्यावरून संपुर्णपणे ७५-८० कोटींची कमाई झाली तर नवल नाही. मात्र, शुक्रवारी रिलीज होणारा ‘चंदू चॅम्पियन’ आणि २७ जूनला रिलीज होणारा प्रभासचा ‘कल्की 2898 एडी’ त्याच्या कमाईला नक्कीच हानी पोहोचवू शकतो.
‘आर्टिकल 370’ पेक्षा ‘मुंज्या’ दमदार
‘स्त्री’ आणि ‘भेडिया’चे निर्माते दिनेश विजान आणि अमर कौशिक पुन्हा एकदा हॉरर-कॉमेडीच्या माध्यमातून प्रेक्षकांची मने जिंकण्यात यशस्वी झाले आहेत. ‘शैतान’ आणि ‘आर्टिकल 370’ नंतर ‘मुंज्या’ हा बॉलिवूडचा तिसरा हिट चित्रपट ठरला आहे. विशेष म्हणजे शर्वरीचा सिनेमा यामी गौतमच्या ‘आर्टिक 370’ पेक्षा दमदार आहे. चित्रपटाच्या कमाईचा मोठा वाटा कौटुंबिक प्रेक्षकांकडून येत आहे. लहान मुलांपासून ते मोठ्यांपर्यंत सगळेच थिएटरमध्ये सिनेमाचा आनंद घेत आहेत.
बाळासाहेब ठाकरेंनी नतमस्तक होत का मागितली पु. ल. देशपांडेंची माफी ?‘मुंज्या’ ७५-८० कोटी रुपये कमवू शकतो
‘मुंज्या’चे बजेट जवळपास २५ कोटी रुपये असल्याचे सांगण्यात येत आहे. म्हणजे अवघ्या पाच दिवसांत चित्रपटाने बजेट ओलांडले आहे. अनेक महिने ओसाड पडलेल्या बॉक्स ऑफिसवर ‘मुंज्या’चे यश हा इतर चित्रपट निर्मात्यांसाठीही मोठा धडा आहे. सध्या हा चित्रपट ज्या पद्धतीने कमाई करत आहे, त्यावरून संपुर्णपणे ७५-८० कोटींची कमाई झाली तर नवल नाही. मात्र, शुक्रवारी रिलीज होणारा ‘चंदू चॅम्पियन’ आणि २७ जूनला रिलीज होणारा प्रभासचा ‘कल्की 2898 एडी’ त्याच्या कमाईला नक्कीच हानी पोहोचवू शकतो.
‘मिस्टर अँड मिसेस माही’ने १२ व्या दिवशी ९० लाखांची कमाई
दुसरीकडे शरण शर्मा दिग्दर्शित ‘मिस्टर अँड मिसेस माही’ची क्रेझ आता ओसरताना दिसत आहे. आतापर्यंत कोटींची कमाई करणारा हा चित्रपट गेल्या दोन दिवसांत लाखांवर घसरला आहे. रिलीजच्या १२ व्या दिवशी मंगळवारी या चित्रपटाने ९० लाखांचा व्यवसाय केला आहे. मात्र, सोमवारी झालेल्या ८५ लाखांच्या कमाईच्या तुलनेत त्याची स्थिती निश्चितच थोडी सुधारली आहे. राजकुमार राव आणि जान्हवी कपूरच्या ‘मिस्टर अँड मिसेस माही’चे एकूण कलेक्शन आता ३१.६० कोटी रुपये आहे. या चित्रपटाचे बजेट ४० कोटी रुपये होते. त्यामुळे हिट होण्यासाठी त्याला आपली पकड आणखी मजबूत करावी लागेल. सध्यातरी ५० कोटींची कमाई करणे अवघड दिसत आहे.