ऑनलाइन मोबाईल खरेदी करत असाल तर सावधान! अशी होतेय ग्राहकांची फसवणूक

एक ग्रुप मोठ्या प्रमाणावर ऑनलाइन स्मार्टफोन खरेदी करतो, ज्यामुळे फोनचा स्टॉक संपतो, त्यानंतर हे स्मार्टफोन वाढीव किमतीत विकले जातात. यामध्ये केवळ युजर्स नव्हे तर सरकारचेही मोठे नुकसान होते. कसा घडतो हा स्कॅम याकडे एक नजर टाकूया

असा खेळला जातो खेळ

ET च्या रिनुसार, आज देशात 5 पैकी 4 स्मार्टफोन्स केवळ ऑनलाइन विकले जातात. पण स्मार्टफोनचा ऑनलाइन स्टॉक मोठ्या प्रमाणात खरेदी केला जातो. यासाठी 100 हून अधिक आयडी वापरल्या जातात. या आयडींसह लॉग इन केल्याने, स्मार्टफोन ऑनलाइन आउट-स्टॉक केला जातो. अशा परिस्थितीत बाजारात स्मार्टफोनचा तुटवडा आहे निर्माण झाल्याचे दिसते त्यानंतर बाजारात किरकोळ दुकानांतून जास्त दराने हे फोन्स विकले जातात.

सरकार आणि ग्राहक दोघांचेही नुकसान

सुमारे 150,000 हँडसेट रिटेलर्सचे प्रतिनिधित्व करणाऱ्या ऑल इंडिया मोबाइल रिटेलर्स असोसिएशन (AIMRA) सारख्या रिटेलर्स असोसिएशनने हा मुद्दा उपस्थित केला आहे. स्मार्टफोन्सचा साठा करुन विक्री केल्यामुळे केवळ ग्राहकांचेच नुकसान होत नाही, तर सरकारला हजारो कोटींचा जीएसटी लॉसही सहन करावा लागत असल्याचे सांगितले जात आहे.

स्मार्टफोन ब्रँडसने दिली सूचना

या प्रकरणात, स्मार्टफोन ब्रँडने किरकोळ विक्रेत्यांना अधिकृत चॅनेलशिवाय स्मार्टफोन विकू नयेत असा इशारा दिला आहे. Poco, OnePlus आणि IQ चे स्मार्टफोन आणि निवडक प्रोडक्ट्स Realme 12x, Realme P सिरीज ग्रे मार्केटमध्ये विकली जात आहेत. या प्रकरणी Poco, OnePlus, IQ आणि Realmeने अद्याप या प्रकरणावर बोलणे टाळले आहे.