Android फोनमध्ये आत्ताच ऑन करा ही सेटिंग, चोरी झाल्यावर Switch Off होणार नाही फोन

स्मार्टफोन चोरी झाल्यावर चोर सर्वप्रथम तुमचा स्मार्टफोन Switch Off करतो. त्यामुळे तुम्हाला तुमच्या फोनचं लोकेशन ट्रॅक करता येत नाही. परंतु हल्लीचे स्मार्टफोन खूप अ‍ॅडव्हान्स झाले आहेत. आता स्मार्टफोन निर्माता कंपन्या फोनमध्ये अनेक असे फीचर्स देऊ लागल्या आहेत, ज्यामुळे फक्त तुमच्या फोनची प्रायव्हसी नव्हे तर सिक्योरिटी देखील खूप टाइट होते. आज आपण अश्याच एका फीचरची माहिती घेणार आहोत. Android फोनमध्ये Unlock to power OFF नावाचे फीचर देण्यात आले आहे. नावावरूनच या फिचरचं काम समजलं असेल. हे फीचर इनेबल केल्यानंतर तुम्हाला फोन स्विच ऑफ करण्यासाठी वेगळा पासवर्ड टाकावा लागेल.

Android स्मार्टफोनमध्ये Unlock to power OFF सिक्योरिटीच्या दृष्टीने खूप महत्वाचे फीचर आहे. म्हणून हे तुमच्या फोनमध्ये इनेबल करायाला विसरू नका. वर सांगितल्याप्रमाणे अनलॉक टू पावर ऑफ फीचर अंतगर्त जेव्हा तुम्ही तुमचा फोन स्विच ऑफ करता तेव्हा तुम्हाला तुमचा फोनचा पासवर्ड टाकावा लागेल. पासवर्डविना तुम्ही तुमचा फोन स्विच ऑफ करू शकणार नाही. हे फीचर फोन चोरी झाल्यास खूप फायदेशीर ठरते. जरी फोन चोराच्या हाती लागला तरी त्याला तुमचा फोन स्विच ऑफ करता येत नाही. चला जाणून घेऊया अँड्रॉइड फोनमध्ये हे फीचर कसं इनेबल करायचं.
पाऊस सुरू होण्यापूर्वी करा ‘हे’ काम; तुमचा स्मार्टफोन होईल वॉटर प्रूफ.

Unlock to power OFF कसं इनेबल करायचं?

• फोन चोरी झाल्यानंतर चोराने तुमचा फोन स्विच ऑफ करू नये यासाठी तुम्हाला तुमच्या फोनमध्ये काही सेटिंग्स कराव्या लागतील. यासाठी सर्वप्रथम तुमच्या स्मार्टफोनची सेटिंग्स ओपन करा.
• त्यानंतर खाली स्क्रोल करून Privacy सेक्शन ओपन करा.
• इथे तुम्हाला Unlock to Power Off चा ऑप्शन दिसेल.
• त्यानंतर Unlock to Power Off फीचर टॉगल ऑन करा.
• हा टॉगल ऑन केल्यानंतर तुम्ही जेव्हा फोन स्विच ऑफ कराल तेव्हा आधी तुमचा तुमच्या फोनचा पासवर्ड टाकावा लागेल.

जर तुम्हाला देखील तुमचा स्मार्टफोन चोरी होण्याची भीती असेल तर लगेचच हे फीचर तुमच्या स्मार्टफोनमध्ये ऑन करा.