मोबाईल ॲप ओळखणार गरोदर महिलांमधील डिप्रेशन; प्राथमिक टप्प्यातच होणार निदान

गर्भधारणेत महिलांना येऊ शकणाऱ्या नैराश्याच्या (डिप्रेशन) अभ्यासासाठी, संशोधकांनी 944 महिलांचे सर्वेक्षण केले. या समस्येसाठी ज्यांनी हे मोबाइल ॲप वापरले आहे ते लवकरच गर्भवती महिलांसाठी खूप फायदेशीर ठरू शकते. संशोधकांचे म्हणणे आहे की या सर्वेक्षणांतर्गत महिलांना काही प्रश्न विचारण्यात आले. नंतर विश्लेषणाच्या आधारे निकाल काढले गेले.

टाळता येणार गर्भवती महिलांमधील नैराश्य

नैराश्याची समस्या अनेकदा गर्भवती महिलांमध्ये दिसून येते कारण गरोदरपणात महिलांच्या शरीरात मोठे रासायनिक बदल होतात ज्यामध्ये हार्मोन्सचाही मोठा सहभाग असतो. पीटीआयच्या म्हणण्यानुसार, आता मोबाईल ॲपच्या माध्यमातून गर्भधारणेच्या शेवटच्या दिवसांमध्ये एखादी महिला डिप्रेशनमध्ये जाऊ शकते की नाही हे सुरवातीलाच ओळखले जाऊ शकते. यासाठी संशोधकांनी एका सर्वेक्षणात गर्भवती महिलांचा समावेश केला.

सर्वेक्षणात समोर आली महत्वाची माहिती

या सर्वेक्षणात गर्भधारणेच्या सुरुवातीच्या टप्प्यात असलेल्या महिलांचा समावेश करण्यात आला होता. याला पहिला त्रैमासिक कालावधी देखील म्हणतात. गर्भधारणेपूर्वी मासिक पाळीचा शेवटचा दिवस असतो तेव्हा गर्भधारणेपूर्वीच हे सुरू होते. म्हणजेच हा टप्पा स्त्रीच्या गरोदर होण्याआधीच सुरू होतो. संशोधकांनी सर्वेक्षणात गर्भधारणेशी संबंधित विविध जोखमींचा उल्लेख केला, ज्यात झोपेची गुणवत्ता आणि अन्न असुरक्षितता यासारख्या घटकांचा समावेश आहे. यामुळे नंतर नैराश्य येते.

संशोधनाची होणार मदत

अमेरिकेतील पिट्सबर्ग विद्यापीठातील संशोधनाचे प्रमुख लेखक तामार कृष्णमूर्ती यांचा असा विश्वास आहे की या संशोधनाद्वारे लोकांना काही प्रश्न विचारून ते डिप्रेशनने ग्रस्त आहेत की नाही हे शोधून काढता येईल. स्त्रीच्या झोपेची गुणवत्ता, प्रसूती वेदना, प्रसूतीची चिंता आणि अन्नाबाबतची असुरक्षितता यामुळे नैराश्य येऊ शकते, असे लेखकाचे म्हणणे आहे.

९३ टक्के अचूकता

मोबाइल ॲपच्या माध्यमातून महिला नंतरच्या टप्प्यात डिप्रेशनमध्ये जाऊ शकते हे आधीच कळले, तर ते रोखण्यासाठी अगोदरच उपाययोजना करता येऊ शकतात. या अभ्यासासाठी संशोधकांनी हे मोबाईल ॲप वापरणाऱ्या ९४४ महिलांचे सर्वेक्षण केले. या महिलांसोबत डिप्रेशनचा पूर्वीचा इतिहास नव्हता. संशोधकांनी तयार केलेल्या या मॉडेलची अचूकता ९३ टक्के आढळून आली.