UPI करणाऱ्या ‘या’ लोकांना बसू शकतो धक्का; भरावे लागू शकतील अतिरिक्त चार्जेस

आजकाल प्रत्येकजण UPI पेमेंट करतो. तुम्हीही असेच करत असाल तर ही बातमी ऐकून तुम्हाला नक्कीच धक्का बसेल. कारण एक नवीन रिपोर्ट समोर आला आहे आणि त्यात यूपीआय पेमेंटवर शुल्क आकारले जाईल असे म्हटले आहे. आज आम्ही तुम्हाला याविषयीच माहिती देणार आहोत.

कोणाला भरावे लागतील चार्जेस

क्रेडिट कार्ड वापरणाऱ्या युजर्सना अतिरिक्त पैसे द्यावे लागतील. याबाबत अद्याप कोणतीही अधिकृत घोषणा करण्यात आलेली नाही. मात्र इकॉनॉमिक टाइम्सशी बोलताना तज्ज्ञांनी ही माहिती दिली आहे.

रुपे क्रेडिट कार्ड

आता बहुतांश बँका हे नेटवर्क वापरत आहेत कारण रुपे हे भारताचे नेटवर्क आहे. यापूर्वी व्हिसा आणि मास्टरकार्डचा वापर केला जात होता. पण आता मोठ्या बँकाही या नेटवर्कद्वारे क्रेडिट जारी करत आहेत.

शुल्क कधी लागू केले जाऊ शकते?

याबाबत कोणतीही अधिकृत माहिती देण्यात आलेली नाही. मात्र हे बदल लवकरच होऊ शकतात, असे तज्ज्ञांचे म्हणणे आहे. यानंतर, तुम्ही Google Pay, Phone Pay, Paytm किंवा कोणत्याही पेमेंट ॲपवर क्रेडिट कार्डच्या मदतीने पेमेंट केल्यास तुम्हाला हे शुल्क भरावे लागेल.

किती असेल फी

तज्ज्ञांनी ही माहिती दिलेली नाही. पण MDR चार्जेसमध्ये नक्कीच बदल होऊ शकतो. सध्या, 2,000 रुपयांपर्यंतच्या पेमेंटसाठी कोणतेही चार्जेस नाही. आता व्यवहारांची वाढती संख्या लक्षात घेऊन हा निर्णय घेण्यात आला आहे.

डेबिट कार्डशिवाय UPI वापरून ATM मधून कसे काढायचे पैसे

• डेबिट कार्डशिवाय एटीएममधून पैसे काढण्यासाठी, तुम्हाला आधी तुमच्या जवळच्या एटीएममध्ये जावे लागेल.
• आता तुम्हाला एटीएम मशीनमध्ये दिसणारा ‘UPI कॅश विथड्रॉल’ हा ऑप्शन निवडावा लागेल.
• यानंतर तुम्हाला एटीएम मशीनमध्ये काढायची असलेली रक्कम टाकावी लागेल.
• यानंतर एटीएम स्क्रीनवर तुमच्या समोर एक QR कोड जनरेट होईल.
• आता तुम्हाला तुमच्या फोनमध्ये असलेले UPI ॲप उघडावे लागेल.
• यानंतर, त्या UPI ॲपमध्ये ATM वर दिसणारा QR कोड स्कॅन करा.
• कोड स्कॅन करताना, तुम्ही एंटर केलेली रक्कम एटीएममधून बाहेर येईल.
• अशा प्रकारे तुम्ही UPI ॲपद्वारे एटीएममधून सहज पैसे काढू शकाल. यासाठी तुम्हाला कोणत्याही डेबिट कार्डची गरज भासणार नाही.