Inverter AC की Non Inverter AC कोणता एसी खरेदी करणे ठरेल शहाणपणाचे, जाणून घ्या

तुम्ही घरासाठी नवीन एअर कंडिशनर खरेदी करण्याचा विचार करत आहात का? पण कन्फ्युजनमध्ये आहात की फिक्स्ड स्पीड एसी घ्यावा की इन्वर्टर एसी? तर आज आम्ही तुमचे हे कन्फ्युजन दूर करण्याचा प्रयत्न करू. एसी खरेदी करण्यापूर्वी आपल्याला सतत त्याच्या वीज वापराची चिंता भेडसावत असते. पण आज पण एसीच्या योग्य ऑप्शनबद्दल जाणून घेणार आहोत की ज्यामुळे तुम्हाला टेन्शन घेण्याची आवश्यकता नाही

फिक्स्ड स्पीड एसी vs इन्वर्टर एसी कोणता एसी वीजेची जास्त बचत करतो?

एसी खरेदी करताना जर तुम्ही समजदारीने निर्णय घेतला नाही तर नंतर तुमच्यासाठी तो डोकेदुखी ठरू शकतो. निश्चितच, नॉन-इन्वर्टर एसी खरेदी करून तुम्ही सुरुवातीला पैसे वाचवू शकता, पण नॉन-इन्वर्टर एसीमुळे दर महिन्याला मोठ्या प्रमाणात वीज बिल वाढू शकतं. नॉन-इन्वर्टर एसीच्या तुलनेत इन्वर्टर एसी वीजेचा कमी वापर करतात आणि वीजे कमी वापर झाल्यामुळे त्याचा थेट परिणाम वीज बिलावर होतो.

नॉन-इन्वर्टर एसी कसे काम करतो?

नॉन-इन्वर्टर एसी चालू केल्यानंतर रूम थंड झाल्यावर एसीचा कंप्रेसर आपोआप बंद होतो आणि जेव्हा एसीला वाटतं की रूमला पुन्हा कूलिंगची गरज आहे, तेव्हा कंप्रेसर पुन्हा सुरू होतो. बंद आणि सुरू होण्यामुळे कंप्रेसर जास्त लोड घेतो आणि त्यामुळे वीजेचा वापर जास्त होतो.

इन्वर्टर एसी कसे काम करतो?

दुसरीकडे, इन्वर्टर एसी रूम थंड केल्यानंतर कंप्रेसर बंद न होता हळू स्पीडवर चालत राहतो, ज्यामुळे वीजेचा वापर कमी होतो. कोणतीही गोष्ट बंद होऊन पुन्हा सुरू झाली तर ती जास्त लोड घेते, त्यामुळे नॉन-इन्वर्टर एसी वीजेचा जास्त वापर करतो आणि याचा थेट परिणाम वीज बिलावर होतो.

इन्वर्टर एसी vs नॉन-इन्वर्टर एसी किंमत

नॉन-इन्वर्टर आणि इन्वर्टर एसी, या दोन्ही मॉडेल्सच्या किमतीत फरक असतो. नॉन-इन्वर्टर एसीच्या तुलनेत इन्वर्टर एसी खरेदी करण्यासाठी ग्राहकांना जास्त पैसे खर्च करावे लागतात.
एसी खरेदी करताना फक्त सुरुवातीची किंमत पाहून निर्णय घेऊ नका. दीर्घकालीन विचार करून, वीजेचा वापर आणि परिणामी वीज बिलावर होणारा परिणाम या गोष्टी लक्षात ठेवूनच योग्य एसी निवडा.