समुद्राच्या तळाशी जगातील सर्वात जुनं जहाज सापडलं; अनेक मडकी, ३३०० वर्षांपूर्वीचा खजिना हाती

जेरुसलेम: समुद्राच्या पोटात लपलेला हजारो वर्षांपूर्वीचा एका जहाजातील खजिना चुकीने शोधला गेला आहे. हे जहाज इजराइल किनाऱ्यापासून उत्तरेला तब्बल २००० मीटर खोल समुद्रात सापडून आला आहे. या जहाजाच्या ढिगाऱ्यातून शेकडो खजिने सापडले आहेत. ज्याला एम्फोरा नावाने ओळखले जाते. हा खजिना ३३०० वर्ष जुना असल्याचं सांगितलं जात आहे. इजराइलच्या समुद्र किनाऱ्यापासून ९० किमी लांब हे जहाज सापडलं आहे. याचा आकार ४० फूट असल्याची माहिती आहे. हे जहाज कांस्य युगातील असल्याची माहिती आहे.

गेल्यावर्षी या जहाजाला एका गॅस कंपनीने समुद्रात रोबॉटच्या मदतीने स्कॅनिंकदरम्यान शोधला होता. भूमध्ये समुद्रात इतक्या खोलात शोधण्यात आलेला हे सर्वात जुने जहाज असल्याचं सांगितलं जात आहे. या युगाच्या पूर्वीच्या जहाजाचे तुकडे कधीही जमिनीपासून इतक्या लांब आढळून आलेले नाही. त्यामुळे प्राचीन नाविक इतिहासकार मानतात त्यापेक्षी जास्त हे खोल समुद्रात यात्रा करण्यात सक्षम होते, हे दिसून येते.
Ancient Secret: विमानतळाचं काम सुरु असताना ४००० वर्षांपूर्वीचं रहस्य सापडलं, शास्त्रज्ञ हैराण, गूढ सुटेना

जहाज वादळ किंवा समुद्री चाच्यांमुळे बुडालं असावं

हे जहाज वादळ किंवा कुठल्या समुद्री चाच्यांच्या हल्ल्यात बुडाला असावा, अशी शक्यता शोधकर्त्यांनी वर्तवली आहे. हा जागतिक स्तरावर इतिसाहाला बदलणारा शोध असल्याचं इजराइल पुरातन प्राधिकरणच्या सागरी युनिटचे प्रमुख जॅकब शारविट यांनी सांगितलं.

हे जहाज संकटात असताना बुडाल्याचं दिसून येते. हे एकतर वादळामुळे बुडाले किंवा चाचेगिरीच्या प्रयत्नांमुळे बुडालं असावं, कांस्ययुगाच्या उत्तरार्धात हे खूप प्रसिद्ध होतं. हे जहाज जमिनीपासून ९० किमी अंतरावर अजूनही पाण्याखाली आहे. मात्र समुद्रातून त्याच्यावरील कुंड बाहेर काढण्यात संशोधकांना यश आले आहे. या कुंडाला अम्फोरा म्हणतात, ज्यांचे शरीर अंडाकृती असते. त्याचं तोंडं पातळ असते आणि त्याला दोन हँडल असतात. ते तेल, मद्य आणि फळं वाहून नेण्यासाठी वापरले जात असे, अशी माहिती शारविट यांनी दिली.

दलदलमध्ये या जहाजाचा दुसरा भाग लपलेला असू शकतो आणि लाकडाचे बीमही दलदलच्या खाली गाडल्या गेल्याचे दिसून येते, असंही शारविट म्हणाले. या शोधातून हे देखील दिसून येते की प्राचीन खलाशांची नेव्हिगेशन क्षमता आपल्या माहितीपेक्षा अधिक प्रगत होती. त्यावेळी खलाशी त्यांच्या बोटी खोल समुद्रात नेत नव्हते, ते जमिनीपासून जवळ राहत, जेणेकरून त्यांना परतण्यास सोपं होईल. पण, या शोधातून असे दिसून येते की त्याचे खलाशी खोल समुद्रातही प्रवास करत होते. दिशा शोधण्यासाठी ते सूर्य आणि ताऱ्यांचा वापर करत असावे. या काळातील दोन जहाजं आधीच सापडली आहेत. पण ते किनाऱ्याच्या जवळ सापडली होती, अशीही माहिती त्यांनी दिली.