Sangharsh Yodha: संघर्षयोद्धा मनोज जरांगे पाटील सिनेमानं ११ व्या दिवशी जमवला फक्त एक लाखाचा गल्ला, एकूण कमाई किती ?

मुंबई: गेल्या काही महिन्यांपासून चर्चेत असलेला संघर्षयोद्धा मनोज जरांगे पाटील सिनेमानं बॉक्स ऑफिसवर मात्र फार कमाई केली नाही. १४ जून रोजी हा सिनेमा बॉक्स ऑफिसवर प्रदर्शित झाला, पण बॉक्स ऑफिसवर असलेल्या मोठ्या सिनेमांच्या स्पर्धेत या सिनेमाला यश मिळवता आलं नाही.

राजकीय क्षेत्रातला मोठा विषय, भावनीक साद घालणारा असला तरी, प्रेक्षकांनी सिनेमाकडं पाठ फिरवल्याचं पाहायला मिळालं.

‘संघर्षयोद्धा’ची एकूण कमाई किती?

सिनेमाच्या कमाईबद्दल बोलायचं झालं तर, sacnilk नुसार पहिल्या दिवशी चित्रपटानं आठ लाखांची कमाई केली होती, तर दुसऱ्या दिवशी सिनेमानं ९ लाखांचा गल्ला जमवला. तर तिसऱ्या दिवशी सिनेमाची कमाई वाढल्याचं पाहायला मिळालं, तिसऱ्या दिवशी सिनेमानं १६ लाखांची कमाई केली होती. तर चौथ्या दिवशी सिनेमाच्या कमाईत घसरण झाली, सिनेमानं ९ लाखांचा गल्ला जमवला. तर पाचव्या आणि सहाव्या दिवशी चित्रपटाची कमाई ही चार लाख इतकी होती. सातव्या दिवशी सिनेमानं तीन लाखांचा गल्ला जमवला तर, आठव्या आणि ननव्या दिवशी अवघ्या २ लाखांची कमाई केली. तर १० दिवसाची कमाई एक लाखानं वाढली, सिनेमानं तीन लाख कमाई केली होती. तर अकराव्या वर्षी सिनेमाला एक लाखांचा गल्ला जमवण्यात यश आलं.

Stree 2 : मुंज्यानंतर थिएटरमध्ये धुमाकूळ घालायला येतेय ती…’स्त्री २’ चा भयानक टीझर पाहिलात?

प्रमोशन कमी पडलं?

संघर्षयोद्धा सिनेमाच्या अपयशाबद्दल सोशल मीडियावर चर्चा सुरू आहे. इतर सिनेमांच्या तुलनेत या सिनेमाचं प्रमोशन कमी पडल्याचं म्हटलं जात आहे.
Anushka Shetty:साऊथ स्टार अनुष्का शेट्टीला झालाय विचित्र आणि दुर्मिळ आजार, म्हणाली यामुळं सेटवरही अनेकदा….

निर्मात्यांची मोठी घोषणा
चित्रपट प्रदर्शित झाल्यानंतर काही दिवसांनी निर्मात्यांनी मोठी घोषणा केली होती. छत्रपती संभाजीनगर इथं चित्रपटाच्या टीमनं पत्रकार परिषद घेऊन मोठी घोषणाही केली होती . ‘संघर्षयोद्धा मनोज जरांगे पाटील’ या चित्रपटाचा १००टक्के नफा हा मराठा समाजासाठी वापरण्यात येणार असल्याचं निर्माते गोवर्धन दोलताडे यांनी म्हटलं होतं.

सिनेमातल्या कलाकारांबद्दल बोलायचं झालं तर, ज्येष्ठ अभिनेते मोहन जोशी या चित्रपटात मनोज जरांगे पाटील यांच्या वडिलांच्या भूमिकेत आहेत. सुरभी हांडे ही जरांगे यांच्या पत्नीची भूमिका साकारतेय.. शिवाजी दोलताडे यांनी या चित्रपटाच्या दिग्दर्शनाची जबाबदारी सांभाळली आहे.