Tej Police Times
Kalki 2898 AD: ‘कल्की’ने पहिल्याच दिवशी मोडले जवान, पठान, केजीएफ २चे रेकॉर्ड्स, एकूण कमाई किती?
मुंबई: कल्की २८९८ एडी सिनेमा काल म्हणजे २७ जून रोजी जगभरात प्रदर्शित झाला. सिनेमा प्रदर्शित व्हायच्या आधीपासूनच या सिनेमाच्या बॉक्स ऑफिस कलेक्शनची चर्चा सुरू होती. अखेर आता पहिल्या दिवसाच्या कमाईचे आकडे समोर आले आहेत. अमिताभ बच्चन, प्रभास, दीपिका पादुकोण, कमल हासन, विजय देवरकोंडा, दिशा पाटनी यांच्या भूमिका असलेला हा सिनेमा पहिल्या दिवसापासूनच बॉक्स ऑफिसवर धुमाकूळ घालताना दिसतोय.
सिनेमा पाहिल्यानंतर प्रेक्षकांना संमिश्र प्रतिक्रिया दिल्या असल्या तरी, सिनेमाची कमाई मात्र जबरदस्त झाल्याचं दिसून येतं आहे. सिनेमाच्या ओपनिंग डे कलेक्शनबद्दल बोलायचं झालं तर कल्की २८९८ एडी सिनेमानं केजीएफ ३, जवान, पठान आणि जेलर सारख्या सिनेमांना मागे टाकलं आहे.
किती आहे कल्की २८९८ एडी सिनेमाची पहिल्या दिवसाची कमाई?
sacnilk वेबसाइट नुसार Kalki 2898 AD सिनेमानं पहिल्या दिवशी वर्ल्डवाइड १८० कोटींची कमाई केली आहे. भारताबाहेर या सिनेमानं ६५ कोटींचा गल्ला जमवल्याचं म्हटलं जात आहे. तर भारतातली एकूण कमाई ही ११५ ते १२० कोटींच्या घरात आहे. अद्यापही अधिकृत आकडे समोर आले नाहीत. पण ओपनिंग डे कमाईच्याबाबतीत या सिनेमानं अनेक मोठ्या सिनेमांना मागे टाकल्याचंही म्हटलं जातंय.
संमिश्र प्रतिक्रिया
सिनेमा पाहिल्यानंतर प्रेक्षकांनी संमिश्र प्रतिक्रिया दिल्या आहेत. काहींना हा सिनेमा आवडला आहे ,तर बऱ्याच जणांनी या सिनेमात विशेष काही नसल्याचं म्हटलं आहे. नाग अश्विन यांनी Kalki 2898 AD या सिनेमाचं दिग्दर्शन केलं आहे.
प्रेक्षकांना सरप्राइज
खरं तर प्रभास, दीपिका दिशा, अमिताभ बच्चन आणि कमल हासन यांच्यासोबतच सिनेमात अनेक स्टार पाहायला मिळतात. सुपरस्टार विजय देवरकोंडा, एसएस राजामौली तसंच दुलकर सलमान यांनीही सिनेमात छोट्या भूमिका साकरल्या आहेत. पण अमिताभ बच्चन हेच सिनेमाचे खरे हिरो असल्याचं प्रेक्षक म्हणत आहेत.
Kalki 2898 AD ची बॉक्स ऑफिसवर दणक्यात एन्ट्री; पहिल्याच दिवशी जाळ अन् धूर संगट!
विकेंडला कमाईत वाढ होणार?
दरम्यान, आता शुक्रवार, शनिवार आणि रविवार असल्यानं सिनेमाच्या कमाईत मोठी वाढ होणं अपेक्षित आहे.