ideal fridge temperature in monsoon: पावसाळ्यात किती असावा रेफ्रिजरेटरचा स्पीड; चुकीची सेटिंग करू शकते अन्न खराब, जाणून घ्या योग्य पद्धत

रेफ्रिजरेटरच्या प्रकारानुसार अनेक रेफ्रिजरेटरमध्ये तापमान सेटिंग डायल 1 ते 9 किंवा 1 ते 7 असते. 7 किंवा 9 हे सर्वात वेगवान थंड सेटिंगसाठी आहे आणि सर्वात कमी क्रमांक म्हणजे 1 फ्रीजची सर्वात उबदार सेटिंग आहे.

डायलवरील नंबर करा ॲड्जस्ट

सामान्यतः कोल्ड सेटिंग एका संख्येवर आधारित असते आणि संख्या जितकी जास्त असेल तितके तापमान थंड.जर तुमचा फ्रीज नीट थंड होत नसेल तर डायलवरील नंबर वाढवा. त्याचप्रमाणे फ्रीजमधील तापमान खूप थंड असेल तर डायलवरील नंबर कमी करा.

मिश्र हवामानात मध्यम डायल

सध्या पावसाळ्याची सुरवात असल्याने हवामान फार थंड किंवा खूप उष्ण नाही, त्यामुळे ते जास्त किंवा फार कमी ठेवणंही योग्य नाही. म्हणून, यावेळी रेफ्रिजरेटरचा डायल मध्यम म्हणजे क्रमांक 4 किंवा 5 ठेवला जाऊ शकतो. त्याच वेळी, जेव्हा उष्णता तीव्र होऊ लागते, तेव्हा फ्रीजमध्ये तापमान 6-7 वर ठेवून ते राखणे आवश्यक असते.

पावसाळ्यातही फ्रिज ठेवा चालू

हिवाळ्यात किंवा पावसाळ्यातही गारवा वाढल्यावर बरेच लोक रेफ्रिजरेटर पूर्णपणे बंद करतात. हे करू नये. अशा परिस्थितीतही ते कमीत कमी 2 किंवा 3 क्रमांकावर ठेवावे .रेफ्रिजरेटर योग्य नंबरवर सेट न केल्यास त्यात ठेवलेल्या वस्तू खराब होऊ शकतात.

खूप थंड तापमान नाही योग्य

लोकांना वाटतं की जर तुम्ही रेफ्रिजरेटरला खूप जास्त तापमानात म्हणजे खूप थंड तापमानात ठेवलं तर अन्न पूर्णपणे ताजे राहिल. पण तसं नाही, कारण तुम्ही पाहिलं असेल की झपाट्याच्या थंडीमुळे अन्नावर बर्फाचा थर येतो आणि अन्न खराब होतं.

रेफ्रिजरेटरची काळजी आणि देखभाल

• पावसाळ्यात रेफ्रिजरेटरचा सर्वात मोठा शत्रू म्हणजे ओलावा आणि त्यातून येणारे बॅक्टेरिया. जास्त आर्द्रतेमुळे रेफ्रिजरेटरमध्ये विचित्र वास येऊ शकतो. तेंव्हा फ्रीज नियमितपणे साफ करा.
• योग्य सीलिंग सुनिश्चित करण्यासाठी अधूनमधून सील तपासा. सील पुरेसे नसल्यास, दरवाजाला ॲडजस्ट करण्याची किंवा सील बदलण्याची आवश्यकता असू शकते.
• फ्रीझर नियमितपणे डीफ्रॉस्ट करा आणि स्वच्छ करा. बर्फ तयार केल्याने त्याची कार्यक्षमता कमी होईल.
• फ्रीझर लॉक करून तुमच्या लहान मुलांचे रक्षण करा.
• योग्य हवेचे सर्क्युलेशन सुनिश्चित करण्यासाठी कोणत्याही उघड कंडेन्सर कॉइल नियमितपणे व्हॅक्यूम करा.
• अन्न खराब होऊ नये म्हणून तापमान स्थिर ठेवा.
• या सामान्य टिप्स आहेत, विशिष्ट काळजी मार्गदर्शक तत्त्वांसाठी तुमच्या रेफ्रिजरेटर मॅन्युअलचा सल्ला घ्या.