दारु विक्रेत्याचा विचित्र प्रताप, पोलीस सुद्धा चक्रावले; सोशल मीडियावर व्हिडिओ झाला व्हायरल

Uttrakhand Man viral Video : हरिद्वार तीर्थक्षेत्र म्हणून ओळखले जाते, तिथे अनेक भागात दारु बंदी करण्यात आली आहे. अशाच एका दारु बंदी असलेल्या भागात हरिद्वार पोलीसांनी सज्जन कुमार नामक व्यक्तीला ताब्यात घेतले. सज्जन कुमार दारुचे चालते फिरते दुकान बनला होता आणि बेकायदेशीरित्या दारु विक्री करत होता. दारुच्या बाटल्या त्याने शर्टच्या आत लपवले होते. पोलीसांनी सज्जन कुमारला ताब्यात घेतल्यावर त्याला सगळ्या दारुच्या बाटल्या पोलीसांनी जमा करायला सांगितल्या पण तब्बल एकामागोमाग एक असे करत सज्जन कुमारने ४८ बाटल्या कपड्याच्या आत लपवून ठेवलेल्या बाहेर काढल्या. पोलीसांनी आपल्याला पकडू नये म्हणून सज्जन छुप्यारितीने दारु विक्री करत होता इतकेच नव्हे तर सर्वसामान्यासारखा रस्त्यावर वावरत होता. पण पोलिसांनी त्याच्या मुसक्या आवळल्या आणि तब्बल ४८ बाटल्या त्याचकडे पाहून पोलीसही चक्रावले.

Ahmednagar: विधानसभेच्या रिंगणातून बाद करण्यासाठी माझ्या हत्येचा कट, काँग्रेसच्या शहराध्यक्षाच्या आरोपाने एकच खळबळ

४८ बाटल्या कपड्याच्या आत असलेल्या पाहून सारेच चक्रावले. देशी आणि विदेशी दारुच्या बाटल्या यामध्ये समाविष्ट होत्या. याचाच व्हिडिओ सोशल मीडियावर व्हायरल झालाय. आता फक्त सज्जन नव्हे तर पोलीसांनी सुद्धा सज्जनची फिरकी घेत व्हिडिओ केला. ज्यामध्ये पोलीसांनी त्याच्या दारुच्या बाटल्यावरुन त्याची मजा घेताना दिसतात. हरिद्वारमधील हा व्हिडिओ असून २५ जूनला पोलिसांनी सज्जन कुमारला अटक केली होती. अवैधरित्या दारु विक्री करत असल्याने पोलिसांनी त्याला पकडले. त्याला पोलीस स्थानकात आणून पोलीसांनी त्यांची अधिक चौकशी केली तेव्हा साधारण ४८ बॉटल त्याच्याकडे आढळून आल्या.

पोलिसांनी सज्जन कुमार याला ताब्यात घेतल्यावर त्याच्या विचित्र पराक्रमाचे कौतुक केले. यावर पोलिसांनी तुम्ही कुठे होतात मिस्टर दुबे अशी टिप्पणी केलेली ऐकायला मिळते. सज्जन कुमार याच्या विचित्र करारनाम्यामुळे पोलीसांना सुद्धा प्रकार वेगळाच वाटला मग त्यानी मजेशीर व्हिडिओ बनवला, जो सध्या सोशल मीडियावर व्हायरल झालाय.