Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
साप्ताहिक आर्थिक राशिभविष्य 1 जुलै ते 7 जुलै : या राशींचे खर्च वाढणार ! ऑफिसमध्ये ताणतणाव वाढणार, जपून राहा ! जाणून घ्या, राशिभविष्य
Weekly Career Horoscope, 1 to 7 July 2024 : जुलैच्या पहिल्या आठवड्याच्या मध्यात वृषभ राशीत गजकेसरी योग तयार होईल. चंद्र जेव्हा वृषभ राशीत प्रवेश करेल तेव्हा गुरूशी संयोग होऊन गजकेसरी राजयोग तयार होईल. त्यानंतर आठवड्याच्या शेवटी कर्क राशीत शुक्राच्या संक्रमणामुळे लक्ष्मी नारायण राजयोग तयार होईल. बुध आधीच कर्क राशीत आहे आणि शुक्र 7 जुलै रोजी येथे येऊन लक्ष्मी नारायण राजयोग तयार करेल. गजेक्षरी योग आणि लक्ष्मी नारायण राजयोगाच्या शुभ प्रभावामुळे कन्या आणि कुंभ राशीसह ५ राशींसाठी करिअर आणि उद्योगासाठी हा आठवडा आनंददायी राहील.चला जाणून घेऊया मेष ते मीन राशीच्या सर्व राशींसाठी आठवडा कसा जाईल.
मेष साप्ताहिक आर्थिक राशिभविष्य : कार्यक्षेत्रात प्रगतीचे योग
मेष राशीच्या लोकांना कार्यक्षेत्रात प्रगतीचे योग आहेत. कुटुंबात सुखद अनुभव राहतील आणि आपापसांतील प्रेमात वृद्धी होईल. तुम्ही तुमच्या कुटुंबासमवेत फिरायला जाण्याचे निश्चित कराल. या आठवड्यात प्रवासातून शुभ समाचार मिळतील आणि प्रवासाच्या गोड स्मृतीही राहतील. एखादी नवी सुरुवात करताना मनात किंतु राहील. आर्थिक खर्च अधिक होतील, आणि आठवड्याच्या अखेरीस मानसन्मान वाढेल आणि तुम्हाला आर्थिक लाभ होतील.
शुभ दिवस : ३, ४, ५
वृषभ साप्ताहिक आर्थिक राशिभविष्य : तुमचा आत्मविश्वास वाढेल
वृषभ राशीच्या लोकांची कार्यक्षेत्रात प्रगती होईल आणि तुमचे नवे प्रोजेक्ट यशस्वी होतील. प्रोजेक्ट वेळेवर पूर्ण होतील आणि आत्मविश्वास वाढेल. ज्येष्ठ आणि वडिलाधाऱ्यांचा आशीर्वादाने जीवनात सुखद वेळ व्यतित कराल आणि तुमचे प्रेमजीवन रोमँटिक राहील. आर्थिक विषयात धनलाभासाठी तुम्हाला अधिक कष्ट घ्यावे लागतील. कुटुंबातील कोणतेही विषय चर्चेतून सोडवले तर योग्य होईल. या आठवड्यात प्रवास टाळणे योग्य होईल. आठवड्याच्या अखेरीस ज्येष्ठ व्यक्तींमुळे काही कष्ट वाढू शकतात
शुभ दिवस : २
मिथुन साप्ताहिक आर्थिक राशिभविष्य : यशाचे मार्ग खुले होतील
मिथुन राशीच्या लोकांना कार्यक्षेत्रात प्रगती होईल आणि प्रोजेक्टमधील यशाचे मार्ग खुले होतील. या आठवड्यात कार्यक्षेत्रात नवी सुरुवात होईल, ती तुमच्यासाठी शुभ असेल. कुटुंबात एखाद्या महिलेच्या मदतीने जीवनात सुखसमृद्धीचे योग बनत आहेत. या आठवड्यात प्रवासातून साधारण यश मिळेल, त्यामुळे प्रवास टाळला तरी चालू शकेल. आर्थिक विषयांत खर्चाची स्थिती बनत आहे. जर तुम्ही अहंकाराचा संघर्ष टाळला तर फार चांगले परिणाम मिळतील, तुम्हाला याकडे विशेष लक्ष द्यावे लागेल. आठवड्याच्या अखेरीस कोणालाही कोणताही संदेश पाठवण्यापूर्वी तो नीट वाचा, अन्यथा गैरसमज होऊ शकतात.
शुभ दिन : 3
कर्क साप्ताहिक आर्थिक राशिभविष्य : प्रगतीचे योग बनतील
कर्क राशीच्या लोकांना कार्यक्षेत्रात या आठवड्यात प्रगतीचे योग बनत आहेत. या आठवड्यात तुम्ही तुमच्या प्रोजेक्टच्या अनुषंगाने बरेच निवांत व्हाल, आणि तुम्हाला लाभ होतील. आर्थिक विषयांत वेळ अनुकूल होत जाईल आणि तुम्हाला धनलाभाची प्रबळ स्थिती निर्माण होईल. प्रेमजीवनात सुखसमृद्धीचे योग बनत आहेत. या आठवड्यात प्रकृतीत सुधारणा होईल. कुटुंबात काही कारणांमुळे मतभेद असतील. या आठवड्यात प्रवासातून कष्ट वाढतील, एखाद्या महिलेमुळे चिंता सतावेल.
शुभ दिवस : १, २
सिंह साप्ताहिक आर्थिक राशिभविष्य : सन्मानाचा दिवस
सिंह राशीसाठी कालावधी सन्मानाचा आहे. नवीन प्रोजेक्टच्या यशामुळे तुम्ही आनंदात असाल आणि सेलिब्रेशनचा मूड राहील. आर्थिक विषयात खर्च अधिक होतील आणि तुम्ही तुमच्या गुंतवणुकीवर आवश्य लक्ष द्यावे. आर्थिक विषयात भविष्याचा विचार केला तर तुम्हाला लाभ होतील. भागीदारीत केलेल्या कामात समस्या वाढतील. ऑफिसमध्ये तणाव वाढण्याची शक्यता आहे. कुटुंबात अहंकारामुळे संघर्ष वाढू शकतो, तसेच घराच्या नूतनीकरणामुळे खर्च होईल. या आठवड्यात प्रवास टाळणे योग्य राहील. एखाद्या ज्येष्ठ व्यक्तीमुळे मन अस्वस्थ राहील.
शुभ दिन : २,५
कन्या साप्ताहिक आर्थिक राशिभविष्य : सुख समृ‍द्धीचा सप्ताह
कन्या राशीसाठी हा आठवडा सुखसमृद्धीचा राहील. धनलाभाचे शुभयोग बनत आहेत. आरोग्यासंबंधित नवीन उपक्रम सुरू कराला. या आठवड्यात प्रवासातून कष्ट वाढतील आणि जवळच्य व्यक्तींपासून दूर जावे लागेल. कार्यक्षेत्रात आठवडा कठीण आहे, आणि प्रोजेक्ट पूर्ण होण्यात तुम्हाला कष्ट लागतील. कौटुंबिक विषयात तुम्हाला एकटे वाटेल आणि मन अस्वस्थ राहील. आठवड्याच्या अखेरीस अंहकारामुळे संघर्ष होणार नाही याची काळजी घ्या.
शुभ दिवस : १,२
तूळ साप्ताहिक आर्थिक राशिभविष्य : धनालाभाचे शुभ संयोग
तूळ राशीच्या लोकांसाठी या आठवड्यात आर्थिक प्रगती होईल. धनलाभाचे शुभ संयोग बनत जातील. प्रकृतीत सुधारणा करण्याच्या बऱ्याच संधी मिळतील. या आठवडा प्रवासासाठी उचित नाही, तरी प्रवास टाळणे योग्य राहील. कुटुंबात आपापसांतली मतभेद वाढू शकतात. याचे कारण आर्थिक संकट किंवा इतर काही मुद्दा असू शकतो. तुमच्या मतावर ठाम राहिला तर अखेरीस सुखी व्हाल. ऑफिसमध्ये काही प्रोजेक्ट त्रास देणार आहेत. कार्यक्षेत्रात त्रासदायक स्थिती राहील, तसेच कायदेशीर प्रकरणात अडकू शकता.
शुभ दिवस : १, २,५
वृश्चिक साप्ताहिक आर्थिक राशिभविष्य :आर्थिक बाबतीत आठवडा त्रासदायक
वृश्चिक राशीच्या लोकांना हा आठवडा आर्थिक बाबतीत त्रासाचा जाईल. कोणतेही काम संयमाने करण्याची आवश्यकता आहे, अन्यथा कष्ट वाढतील. आर्थिक विषयांत मनाचे ऐकत निर्णय घ्यावा, त्यातून चांगले परिणाम मिळतील. कार्यक्षेत्रात एखाद्या प्रोजेक्टमुळे मनात अस्वस्थता राहील. कुटुंबीयांना दिलेले वचन या आठवड्यात पूर्ण होताना दिसत नाही, त्यामुळे बॅकअप प्लॅन ठेऊनच पुढे जावे. या आठवड्यात प्रवासादरम्यान एखाद्या ज्येष्ठ नागरिकामुळे चिंता वाढू शकते. या आठवड्यात प्रवास टाळला तर उत्तम राहील. आठवड्याच्या अखेरीस एखादी बातमी मिळाल्याने मन दुःखी होईल.
शुभ दिवस : ४
धनू साप्ताहिक आर्थिक राशिभविष्य : कार्यक्षेत्रात यश मिळेल
धनू राशीच्या लोकांना कार्यक्षेत्रात यश प्राप्त होईल, आणि तुमचे प्रोजेक्ट वेळेवर पूर्ण होतील. व्यावसायिक प्रवास तुमच्यासाठी यश घेऊन येईल. कुटुंबाच्या सानिध्यात सुखद वेळ व्यतित होईल. या आठवड्यात प्रवासासाठी वेळ अनुकूल राहील आणि यशही मिळेल. आर्थिक विषयात रिस्क घेऊन गुंतवणूक केली तर चांगेल परिणाम मिळतील. या आठवड्यात एखादी बातमी ऐकून मन दुःखी होईल.
शुभ दिन : २ आणि ३
मकर साप्ताहिक आर्थिक राशिभविष्य : जीवनात सुख समृद्धीचे योग
मकर राशीच्या लोकांना या आठवड्यात कुटुंबाकडून भरपूर पाठबळ मिळेल आणि जीवनात सुखसमृद्धीये योगही बनत आहेत. कार्यक्षेत्रात मेहनतीच्या जोरावर बरेच काही मिळवण्यात सक्षम असाल. एखाद्या कामातील निष्णात व्यक्तीचा सल्ला उपयोगी पडेल. प्रकृतीत बरीच सुधारणा होईल. एखाद्या महिला डॉक्टरचा सल्ला तुमच्या आरोग्यासाठी उपयुक्त ठरेल. कुटुंबाच्या सानिध्यात समाधान वाटेल आणि मनप्रसन्न राहील. या आठवड्यात प्रवासात सुखद समाचार प्राप्त होतील आणि प्रवास यशस्वी होईल. आठवड्याच्या अखेरीस थोडा आळस जाणवेल.
शुभ दिवस : २,३,४
कुंभ साप्ताहिक आर्थिक राशिभविष्य : आर्थिक विषयांत प्रगतीचा सप्ताह
कुंभ राशीच्या लोकांना हा आठवडा आर्थिक बाबतीत प्रगतीचा राहील. तुम्ही तुमच्या कार्यालयात काही नाविन्य आणण्याचा विचार कराल. प्रोजेक्टमध्ये यश येईल आणि कार्यक्षेत्रात प्रगतीचे मार्ग खुले होतील. संततीच्या बाबतीत सुखद वार्ता मिळेल, किंवा तसे सुखही या आठवड्यात मिळेल. या आठवड्यात प्रवासातून शुभ परिणाम समोर येतील आणि सुखद अनुभव राहील. आर्थिक बाबतीत खर्चाची स्थिती राहील आणि तुम्हाला गुंतवणुकीकडे अधिक लक्ष देण्याची आवश्यकता आहे. आठवड्याच्या अखेरीस सुखसमृद्धीचे शुभयोग बनतील.
शुभ दिन : २,३,४
मीन साप्ताहिक आर्थिक राशिभविष्य : धनलाभाची प्रबळ स्थिती
मीन राशीच्या लोकांना आर्थिक विषयात हा आठवडा शुभ आहे आणि धनलाभाची प्रबळ स्थिती बनत आहे. आठवड्याच्या सुरुवातीला पैशाशी संबंधित एखादी सुखद बातमी मिळू शकते. आपापसांतील प्रेम वाढेल. प्रकृतीत बरीच सुधारणा होईल आणि एखाद्या मातृतुल्य महिलेमुळे प्रकृतीत सुधारणा होतील. या आठवड्यात कुटुंबाच्या सानिध्यात सुखद क्षण व्यतित कराल. प्रवासातून कष्ट होतील आणि त्यामुळे प्रवास टाळणे योग्य होईल. आठवड्याच्या अखेरीस पार्टीचा मूड राहील आणि सेलिब्रेशनचे योग बनत आहेत.
शुभ दिवस :२, ३, ५