TECNO Phantom V Flip 5G: फक्त 30 हजारांच्या आत मिळतोय सॅमसंग सारखा फ्लिप फोन; पुन्हा मिळणार अशी ऑफर

फ्लिपफोन हा फॉर्म फॅक्टर खूप लोकप्रिय ठरत आहे. सॅमसंगनं आपल्या फ्लिपफोनच्या माध्यमातून अश्याप्रकारचे फोल्डेबल फोन लोकप्रिय केले आहेत. परंतु सॅमसंग आणि मोटोरोला सारख्या कंपन्यांचे फोल्डेबल फ्लिप फोन जास्त महाग आहेत.

म्हणून जर तुम्ही कमी किंमतीत फ्लिप फोन खरेदी करण्याचा विचार करत असाल तर, TECNO Phantom V Flip 5G तुमच्यासाठी एक चांगला ऑप्शन ठरू शकतो. या फोनवर आता दमदार कुपन डिस्काउंट मिळत आहे.

TECNO Phantom V Flip 5Gची किंमत

TECNO Phantom V Flip 5G फोनचा एक मॉडेल भारतीय बाजारात आला आहे. ज्यात 8GB RAM आणि 256GB स्टोरेज मिळते आणि याची किंमत 54,999 रुपये आहे. परंतु हा फ्लिप फोन तुम्ही Amazon अत्यंत स्वस्तात विकत घेऊ शकता.
Realme C63: 9 हजारांमध्ये आयफोन सारखा फोन; फ्लिपकार्टवरून होईल विक्री

TECNO Phantom V Flip 5G डिस्काउंट

TECNO Phantom V Flip 5G फोनवर Amazon ई-कॉमर्स जायंट 24,000 रुपयांचा डिस्काउंट कुपन देत आहे. त्याचबरोबर HDFC बँक कार्डच्या माध्यमातून फोनवर 1750 रुपयांचा अतिरिक्त सूट मिळत आहे. त्यामुळे हा फोन खूप स्वस्तात घरी घेऊन जात येईल.

TECNO Phantom V Flip 5Gचे फीचर्स

TECNO Phantom V Flip 5G फोनमध्ये 6.9 इंचाचा Flexible AMOLED डिस्प्ले देण्यात आला आहे. या फोनच्या बॅक पॅनलवर 1.32 इंचाचा कव्हर डिस्प्ले देण्यात आला आहे. याचा रिफ्रेश रेट 120Hz आहे.

प्रोसेसिंगसाठी कंपनीनं MediaTek Dimensity 8050 चिपसेटचा वापर केला आहे. त्याचबरोबर 8GB RAM आणि 256GB स्टोरेज देण्यात आली आहे.

TECNO Phantom V Flip 5G फोनमध्ये फोटोग्राफीसाठी 64MP चा प्रायमरी कॅमेरा देण्यात आला आहे. यात Ultra Clear, Flexible Angles, RGBW Night Shot मोड्स देण्यात आले आहेत. तर सेल्फी व व्हिडीओ कॉलिंगसाठी 32MP चा फ्रंट कॅमेरा मिळतो.

यात पावर बॅकअपसाठी 4000mAh ची बॅटरी देण्यात आली आहे, त्याचबरोबर 45W फास्ट चार्जिंगचा सपोर्ट मिळतो.