Amazon Prime Day Sale: ॲमेझॉन वर ‘या’ दिवसापासून सुरु होतोय सर्वात मोठा प्राइम डे सेल; मिळवा भरघोस ऑफर्स व बक्षिसे

Amazon ने प्राइम डे 2024 सेलची घोषणा केली आहे. हा सेल 20 जुलैपासून भारतात सुरू होईल. Amazon प्राइम डे 2024 सेल 20 जुलै रोजी सकाळी 12:00 वाजता सुरू होईल आणि 21 जुलैच्या 11:59 पर्यंत चालेल. सेल दरम्यान, ग्राहकांनी ICICI बँक डेबिट/क्रेडिट कार्ड, SBI क्रेडिट कार्ड आणि ICICI आणि SBI क्रेडिट कार्डवर EMI ट्रांजॅकशन्स वापरल्यास Amazon 10% त्वरित सूट देईल. याव्यतिरिक्त, Amazon वर ICICI बँक कार्ड युजर्स ऑफर दरम्यान अतिरिक्त 5% सवलत मिळवू शकतील. ICICI कार्डधारक आधीच प्राइम युजर्ससाठी 5% कॅशबॅक आणि नॉन-प्राइम सदस्यांसाठी 3% कॅशबॅक घेऊ शकतात.

बँक कार्डवर अनेक सवलती व बक्षिसे

सध्या, कंपनीने प्राइम डे सेल दरम्यान उपलब्ध असलेल्या ऑफरचा खुलासा केलेला नाही, परंतु ग्राहकांना या सेलकडून खूप अपेक्षा आहेत. इथून ग्राहक दरवर्षी टीव्ही, लॅपटॉप, स्मार्टफोन, फॅशन, किराणा आणि दैनंदिन वस्तूंवर भरघोस सवलतींचा लाभ घेतात आणि यंदाही असेच काही घडेल, अशी अपेक्षा आहे.
Amazon ने असेही जाहीर केले आहे की, प्राइम सदस्यांनी Amazon वर ICICI बँक कार्डसाठी साइन अप केल्यावर त्यांना 300 रुपये कॅशबॅक आणि 2,200 रुपयांची बक्षिसे मिळू शकतात. दरम्यान, अमेझॉनवर ICICI बँक कार्डसाठी साइन अप केल्यावर नॉन-प्राइम सदस्यांना 200 रुपये कॅशबॅक, 1,800 रुपयांची बक्षिसे आणि 3 महिन्यांची प्राइम मेंबरशिप मिळू शकते.

अनेक विशेष उत्पादने केली जातील लाँच

Amazon ने असेही सांगितले की या सेलमध्ये OnePlus, Samsung, Honor, IQOO सारख्या भारतीय आणि जागतिक ब्रँड्सकडून 450 हून अधिक नवीन प्रॉडक्ट लाँच केले जातील. कंपनीने प्राइम डे सेल दरम्यान लाँच होणाऱ्या कोणत्याही नवीन उत्पादनाच्या नावाचा खुलासा केलेला नाही, परंतु मोटोरोलाची Razer 50सीरीज, OnePlus Nord 4 हे या सेलमध्ये सादर केले जाऊ शकतात.

प्राइम डे फेस्टिव्हलच्या निमित्ताने Amazon वर नवीन चित्रपट

याशिवाय असे देखील जाहीर करण्यात आले आहे की प्राइम डे फेस्टिव्हलच्या निमित्ताने Amazon 14 नवीन चित्रपट आणि टीव्ही शो देखील प्रदर्शित करत आहे, ज्यात मिर्झापूर सीझन 3, द बॉईज सीझन 4, सिव्हिल वॉर, माय लेडी जेन, शर्माजी की बेटी आणि नान यांचा समावेश आहे.